السلام عليكم
الى الاخوه الاعضاء المحترمين

عندي مشكله مع زوجتي و موعارف اشلون اتصرف, ؟؟؟؟ انا انسان صارلي سنه مالك على بنت خالي والحمدالله انا كنت احبها قبل لا اتزوجها والحمدالله كنت سعيد ايام الخطوبه وكانت احلى ايام عمري , على العموم ملكنا والحمدالله لا كن بعد الملجه بشهر بديت احس اب اسلوبها معاي تغير قامت ماتسال ولا كاني زوجها , السانها طويل و ماتحترمني ولا تغدر الى قام اسويه لها والله لوتطلب اعيوني ما راح اقصر نتهوش واهي الغلطانه وانا اراضيها لاني احبها من زمان ولها بقلبي مكانه كبيره, اكثر من مره احول افهمها شنو حقوق الرجل في السلام واقوله الى يضايقني اذا كنت متضايق بس احس بنفسي لمن اشكيلها عن الي فيني كاني اكلم طوووووف!!!! تقولي شنو اسويلك انا شكو!!!! انا انسان اقهر بنفسي وكثر ما اقهر بنفسي صار فيني مرض الثعلبه" واهو انا شعري يطيح ومايطلع الا بلراحه النفسيه والاخذ الابر" زوجتي كرهتني بشي اسمه الحب , صرت ساعات احس اني ما ابي اسمع صوتها ولمن ما اكلمها احس بضيق لاني مشتاق لها!! انا انسان جامعي والحمدالله الاقي معاكسات من بنات الله يستر عليهم لاكني ماكو يوم عطيت وحده منهم ويه لاني اخاف ربي وعندي عرض اخاف عليه وكوني احب زوجتي ....... صارلي شهرين عمري ماسمعت كلمى حلوه من عندها معني مو مقصر دوم اعاملها بحب ودلع وكله كلمة حبيبتي على الساني احس انه ماتكلمني عدل الا اذا كانت تبي افلوس!!!! معني الله يشهد علي كل شور اعطيها من مصروفي الشهري وسيارتي الي شريتها من تعبي اهديتها لها ولا قصرت وكنت كل بين فتره وفتره ايبلها شى اهي نفسها فيه واشياء اهي تحبها ....... صدقوني ساعات احس انها تحب نفسها وماهمها غير نفسها وبس
ابي رايكم لبكل صراحه وبدون اي خجل اشلون اتصرف معاها وخليها ترجع مثل الاول احس بحبها لي ما ودي اتركها لاني احبها واي مثل ماقلتلكم بنت خالي يعني من اهلي قولولي بصراحه

ومشكورين

احرمها من كل شى وكون شديد معاها وطنشها ترى الخصران يقطع المصران
سوى ها الاشياء بس مع الصبر ادخل البيت ولا كانهافى
تكلم مع اصحابك كانه فى اسرار بينكم وغيره خلى غيرتها تشتغل بس بدون ماتحس انك قاصد
وشوف المفعول اهممممممممممممم شى الحرمان احرمها وبتجيك تسال قلها ما تستاهلين خيرك اولى الين ما تتادب

مشكور بس انا امسافر وبعيد عنها ما اشوفها لاني ادرس في الخارج وبس اكلمها كل يوم تغريبن انصحوني اشلون اتعامل معاها وانا بعيد عنها انا محتار وابي مساعدتكم وياي يلنساء والرجال

احترت بل تسجيل
اتبع كلامها ترى النتيجه مضمونه ان شاء الله
بصراحه بدون زعل من كلامك باين انها اعذرني حاطتك بمخباتها
انت عشانك تحبها تسوي كل هذا لها بس هي ما تفهم تحسبك ضعيف
عشان كذا لازم توريها العين الحمره وتشد معها تبيلها الجانب الخشن الى ما تعرفه وتطول ومو اول ما ترجع تروح ترجع لعادتك انك ترضيها
لا بل عكس اتبع هذا الاسلوب لفتره واقطعه بل تدريج
لانها لما تعود مره ثانيه لطبعا وانت تسوي نفس الخطه من جديد ما راح يعنيلها شي

تقبل تحياتي وانا اسفه

اخى السائل
تحيه طيبه وبعد
بالنسبه لمشكلتك فاذن لى بان اجاوبك بكل صراحه ووضوح
اولا انت تقول بان بينكم قصة حب عظيمة فاذا هناك شى دخيل عليكم
وقد يكون من اتجاهك حيث تكون قد اهانتها او حدث خلاف بينكم وتانت لم تنتبه لهاذا الخلاف وهى اسرت ذلك فى نفسها .
او قد يكون السبب من عندها فالربما تكون تعانى من شى او مرض او مشكله وقد تكون لا تريد ان تواجهك بها ويكون السبب هو خوفا عليك وعلى مشاعرك وبالتالى تواجه ذلك بشى من القسوى وبرود القلب .
وبالتالى فعليك ان تخرج يوما معها وتغير الجو الى تعيش به انت وهياوممكن ان تاتى لها بهدايا وتتحدث معها بكل وضوح وان تكون حكيما معها وتفكر الف مرة قبل ان تتصرف
مع تحياتى لك بهدوء زوجتك وتمنايتى لك بحياة سعيده

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

بصراحة يا أخي بدر هذي ما تحبك لو تحبك ما سوت جذي

المهم شكلك إنت عاطنها ويه زيادة

المرأة منا تحب الرجل الثقيل ,, معناته تعرف أن يحبها بس مو فار نفسه فر عليها

انت قلل اهتمامك شوي وخل نفسك مشغول وقبل ما تحققلها أي شي تحلم فيه فكر شوي هل يستاهل إني أحقق كل الي تبيه وهي ما حققت شي من الي ابيه

ترا الحب اخذ وعطى وهي شكلها انانيه سوري على هالكلمات ادري ما ترضى فيها

المهم إنت لا تخلي تركيزك عليها يعني التهي في أشيا مختلفة ,,, أشترك في نادي ..أقرى كتب أطلع مع ربعك اهتم في شغلك ودينك وعايلتك

بباي

حسب مااعرف وماسمعت من اللي اكبر مني في الشي دا..
اذا حسيت انو الوضع مستحيل يتعدل.. ياخي طلق قبل ماتدخل وتخلف.. صدقني بنات الناس كثيير وراح تنساها اذا سكنت قلب واحدة تقدر معنى الحب.. في بنات يشيلون رجالهم في عيونهم ومستعدين يضحوا باغلى ماعندهم عشان يرضو رجالهم.

السلام عليكم
اشترع لك مجموعة كتب شيقه
اقر بإستمرار طنشها تماما ولاتندلق عليها اكثر
ان شفت انها رجعت غرقها حب أو اصبر علي الكتب


االه يهديها لك ويسعدكم

اشكركم رايكم بس ابي بعد اغتراحات

اخواني انا مثل ما قلتلكم بعيد عنها وصارلي فتره ما احس انها تحبني كل همها نفسها وبس واذا كانت محتاجه شي وتبي فلوس مثلن ترجع على طبيعتها وتكلمني ابهدوء وكل ما افتح موضوع الاحترام واناغشها عن مشاكلن تحاول تضيع الموضوع

صدقوني اني بعيد واحب الرمنسيه واحب اسمع كلمه حلوه من عندها لاني حبيتها وتدرون بكوني بعيد دزيتلها مع صديغي اغراض وهدايه وكرت معايده علشان راح يصيرنى سنه مع بعظ

فتحت موضوع الطلاق بس اهلي رافضين لانها بنت خالي

شاركوني والله يستر عليكم يارب

طنشها .... وشوف وش بيصير فيها