السلام عليكم ورحمة الله

انا للتو توظفت..مشكلتي هي زوجي يبغا قرض بيفتح مشروع..مع تعههدات انه حيدفع القرض كل شهر ...مشروعه اعتقد انه ناجح باذن الله ..خايفه اخذله واندم سمعت كثير اخذوا قروض لازواجهم وندموا واخاف ماخذ. له وينقلب علي هو زين معاي وطيب حاليا ..مشكلتي مو انه اخاف مايسدد مايهمني كثير لكن خوفي انه خلاص تصير عاده كل شوي افك له زنقه ..
وهو فعلا محتاجها...محتاره جدا ارشدوني

(مكانه الأنسب)

استخيري احس صعبه ترفضين بس لاتاخذين مبلغ كثير اذا كان طيب معك وماتدرين عن الغيب اهم شي اذا بتساعدينه انسي ولاتقعدين تكررين عنده انا ساعدتك وبالنسبه للضمان مااحد ينضمن ،،،
انا اخذت لزوجي قرض وبعدها بفتره بسيطه خطب وحده ثانيه!!! ومع اني زعلت واخذت موقف لكن ماجبت له طاري القرض ابداً الى يومك هذا مع العلم اني انا اللي اسدده !!!
لاتفكرين ان هالشي بيرده ،،

والله يا اختي هالموضوع القرار لك استخيري الله
لكن ليه تحملي نفسك قرض عشان مشروع ممكن ينجح وممكن يفشل
الافضل اقنعي زوجك تنتظروا سنه
وخلال هالسنة اجمعي مبلغ المشروع وادخلي شريكة براس المال وهو بالعمل

هل المشروع اللي بيسويه لاجل انه محتاج ماديا ولا لاجل التجاره
والقرض اللي يبي ياخذه بفايده ولا تورق ؟
اذا بفايده ربويه اكيد لازم ترفضي
وفي الحالتين فكري ألف مره واستخيري

وثقي كل شيء..

وتقدرين تخلينه يشتغل بالمشروع باسمك
راس المال منك انتي والارباح نص بالنص ويتسدد لك راس المال.. غالبا بيرفض الاقتراح

لكن الحق حق!!

__________________

اختلافي عنك لا يعني اختلافي معك

الحذر واجب اختي وانت ادرى بطبع زوجك وعادته اعرف وحدة طلب منها زوجها قرض وسحب عليها وما دفع شي ولافيه اشياء تثبت انه تسلف منها وطلب بعدها مبلغ ورفضت تعطيه صارت مشاكل وانفصلو ولا سددها ولا هلله وكمان رفض يرجع اغلب عفشها اللي اشترته على حسابها فانا اشوف لو بتسلفينه وثقيها

الغالب أن التعامللات المادية بين الزوجين تسبب الكثير من الإشكاليات..
,اكبر غلط أنه يقترض لكي يفتح مشروع حتى لو كان ناجح..

أنا أرى أنك ترفضي بطريقة مناسبة..
وليس من حقه أن يزعل أو يتضايق..
أنا أقلك هذا الكلام لأني وقعت في نفس الحفرة..
طارت الفلوس وأنا اللي سددتها ريال ريال زنقة زنقة..

لم أكترث للمبلغ الذي دفعته، لأني كنت مقدم سورة الحشر..
أي أني كنت متوقع هذا الموقف..
لكنها أثرت في نظرتي تجاهها..
أصبح في النفس شيء عليها..
لكن الله يستر عليها ويسامحها..

القرار لك، ولكن لو أنا في مكانك أكيد راح أرفض..
وفقك الله

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

ممكن تقولي له بعطيك المال بس كشريكة أنا بالمال وانت بالجهد .. وهنا ضربتي أكثر من عصفور بحجر واحد ..ولازم هالشيء يتوثق كشراكة في المشروع وأبدا مافيها إحراج لك..يصير وقفتي مع زوجك وضمنتي حقك وعودتيه إنك ماتعطيه كذا .. واستخيري

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

نصيحه لوجة الله لا تطيحى نفسك بالقروض ومن بداية وظيفتك
يزعل مو من حقه و مهما تعهد مافيه ضمان حقيقي ..

اما مسالة لا تمن عليه
اشوف زودها الازواج يجبرك بطريقة غير مباشره تاخذى قرض
وبنفس الوقت يزعل ان تكلمتى .. سياسة ظالمة

لا تاخذى قرض مهما كان واغلب القروض ربوية ..

كم لكم متزوجين؟
وكيف راتب زوجك؟
وكيف تعامله معك؟
وهل هو كريم ينفق عليك بسخاء؟
ومن اللي سعى وراء الوظيفة انتي ولا هو؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..