السلام عليكم ورحمة الله وبركاته

كنت قبل سنوات اكتب هنا عن مشكلتي في حصولي على زوجة مناسبة
وذلك لانني كنت مازلت ادرس ولااملك شيئ ابدا

والآن وبعد تمني دام 6 سنوات على الزواج
اصبحت موظف براتب ممتاز .. ولدي شقة من افخم الاثاث
وتم دفع المهر وكل شيئ .. وباقي على زواجي 17 يوم فقط من تاريخ هذا الموضوع

لاتتصورون مدى مااشعر به من تحطيم وكره فظيع لهذا الوقت الذي امر به
على عكس اي خاطب ينتظر زواجه بشغف


ابي .. وماادراك ماابي ؟


يقول وبكل اسف ( انا بسوي عرس الرجال على كيفي .. انا حر !!! )

لماذا انت حر؟ هل هو زواجك انت ام زواجي انا؟؟؟؟؟؟؟

تصورو انه جعل يوم النساء بعد الرجال .. بمعنى ان الرجال يجتمعون يوم الاربعاء
والنساء يجتمعون يوم الخميس؟

هل هذا تصرف رجل عاقل؟؟؟

حسبي الله ونعم الوكيل ..

رضيت بهذا التصرف الذي لااريد ان اسميه تصرف احمق جاهل

والادهى من ذلك .. استأجر استراحه (بمعنى استراحه للراحه فقط) على خط سفر ..
بـ 600 ريال !!!!!
وعندما ذهبت لاراها .. اقسم بالله ان سياج المسبح مكسور .. والخيمة متقطع قماشها .. وصغيرة جدا
خلاف ذلك الجدران متشطبه .. والادهى من هذا كله الطريق الوعر الى هذه الاستراحه

عندما دخلت بعد ان اصبحت سيارتي اشلاء وجدت المستأجرين بجوارنا (هي احواش صغيرة بجانب بعض)
وجدتهم مطفئين اللمبات؟ مما يعني انهم نائمون؟

فهل هذا مكان يصلح لعرس؟؟؟؟؟

حسبي الله ونعم الوكيل

الموضوع ليس موضوع مادة .. فهو وضع مهر بقيمة 50 ألف ريال .. واثث شقتي وجددها بقيمة 30 ألف ريال

ولكن لااعلم ماذا اصابه ...

ومايجعلني اشعر بانني سامزق نفسي بساطور .. هو قوله اللاذع (انا حر بسوي العرس على كيفي؟)

حسبي الله ونعم الوكيل

فوق هذا يعزم ناس لايمتون لنا بصلة .. وترك لنا اقارب نحن وهم بيننا دم ومعرفه ...

لاحول ولاقوة الا بالله العلي العظيم

وبعد ان حاولت اقناعه بان يجعل العرس للنساء والرجال في نفس اليوم
قال لماذا؟ ( قلت كيف يعقل ان اخذ زوجتي وفي اليوم التالي اردها الى بيت اهلها لتحضر عرس النساء ومن ثم اخذها مره اخرى واسافر)

قال لاتذهب الى العرس اذاً ؟؟؟؟

اقسم بالله العلي العظيم انني احسست بان قلبي سيتوقف من العصبية
لو لم يكن ابي لقتلته ...

اكثر من 5 سنوات وانا انتظر هذه الليله وببساطة يخترع طرق وتخطيط على مزاجه؟؟

والله يااخوتي ان قلبي الآن وانا اكتب منقبض

والمشكلة الكبيرة انني لو فاصلته اكثر .. سيقول بكل جدية .. (اذا اذهب لوحدك ولن احضر)
وسيفعلها ..

لانه فعلها عندما ذهبت لاخطب هذه الفتاة .. لو لم يتدارك الله عز وجل الوضع وتذهب امي ابيه وتبكي ثم وافق بشق الانفس


ماذا افعل

فانا كرهت الزواج اقسم بالله وكرهت اليوم هذا وكرهت ابي جدا جدا لسخفه وتصرفه اللا مبالي

لاتحاولو اخباري بان اقنعه .. لن يقتنع فهو يعشق استفزازي

حوالت ان اكلمه فقال (لاااااااااااااااااااا) وقلت على ماذا تقول لا؟

قال لا وبس ؟؟؟

بقي بي عصب واحد حتى الان

وسيختفي ان رأيت اي تعديل على هذا الموضوع من المشرفين
وحسبي الله ونعم الوكيل

__________________
سبحان الله وبحمده سبحان الله العظيم

أخي أقدر ماتمر به من مشاعر ..
ولكن ليس هكذا نعبر !!

فمهما حصل مازال أبوك ..
تدري ، حتى لو كان كافر .. تجب عليك طاعته في غير معصية الله ..!


وصدقني ياما ناس تزوجوا في مثل ظروفك ، بل وأشد من ظروفك ، وبعد الزواج تغير الحال وانصلح واستفرد الحبيب بالحبيبة وفعلا مايحلو لهما ..
بل وبعضهم بسبب تعنت الآباء لم يتزوجوا حتى الآن ..!!

حاول أن تسايس أبوك ، وعليك بالدعـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــاء ، وإذا أصر أبوك على رأيه فالشكوى لله ..!

أهم شئ تتزوج ، وبعد الزواج لو تبغا تحط عزيمة في فندق خمس نجوم حط وسو اللي أنت تبغاه ....


وفقك الله وسهل أمرك ، وأصلح مابينك وبين والدك ، وإن غدا لناظره قريب ..

__________________
أحب جبالك يالجنوب وأحبك لأنك أنتي الجنوب

اجل تدعى على ابوك؟؟

ما شاء الله كبرت وصرت رجال وصرت تدعى على ابوك؟؟


ياخى الكريم لو ابوى قالى تروحين بيت زوجك بدون زواج قلتله تم يبه اهم شئ رضاك عنى ولا الزواج مامنه فايده خصوصا اذا فيه فشخره ياكثر من خربت بيوتهم بسبب العرس والخرط الفاضى اللى مامنه غير تفتيح اعيون الناس وغيرك دفع 100 الف ومن صبح زواجهم طلقها ...لاتغضب منى اخى الكريم فوالله ماقلت هالكلام الا لمصلحتك هد اعصابك انت متوتر شوى لان قرب يوم زواجك وخل امورك سلسه ومرتبه وهاديه واستخير فى كل امر تسويه ودع باللى انت تبيه واللى يصير حط فى بالك انه خير ..لحديث الرسول صلى الله عليه وسلم (عجبأ لامر المؤمن امره كــــــــــــــــــــــــــــله خير ان اصابته ضراء صبر فكان خير له وان اصابته سراء شكر فكان خير له وذالك الا للمؤمن) بمعنى الحديث

اما سمعت حديث اصحاب الكهف والادعيه والامور الصالحه التى من خللها انرجت عنهم الصخره؟؟


اسفه اخى الكريم ولكن هذا رأيي

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

والله ياخوي ماعندي غير كلم

ويمكن ماتعجبك

والله ماتدري يمكن فيه خيره لك وبيكفيك الله شر الناس الانك لو بتسوي زواج كبيربتفتيح اعيون الناس

اخوي انا مريت مواقف كثيره كانت من اهلي او زوجي كانو يمنعوني من شي وكانت نظرتي اني انا الي صح وهم غلط وكنت اتهوش معهم وصياح الله لايوريك حالي

بس بنهايه اكتشف انه خير لي

صدقني الخيره فيما اختاره الله

انت حول تمسكن نفسك وتنفد كلام ابوك واحتسب هذا عند الله انك تبي رضاء ابوك

وصدقني ربي بيعوضك خير وبتكون حياتك سعاده ان شالله

اخوي نصيحة اخت لاتخرب فرحتك علشان نظرت الناس افرح بزواجك هذي مره بالعمر

وبوك الي مصلحتك وواجب وشي اساسي ماقصر معك عطلك مهر 50 الف واثاث شقه

احمد ربك غيرك يزوجون انفسهم وبنفس الوقت ابوهم يرفض يكون فيه زواج

اقول اخوي عليك بالدعاء وانك صابر تبي رضا ابوك وربي بيعوضك

__________________
سبحان الله وبحمده

الحمد لله الحين كل شي فات

ليش قاهر نفسك كذا
لو تتكلم كان صارت مشكلة كبيرة وانت مقتنع بهالشي

فوض امرك لله

ولاتخسر نفسك وابوك

واهم شي تريح اعصــــــــــــــابك لأن الغاليــــــــــــــــــــــــــــة بانتظـــــــــــــــارك

__________________

أخي الفاضل ..بداية احب ان انوه لك اننا اخوة في الله قبل ان نكون مشرفين لذا لاداعي لجملتك الاخيرة..

وموضوعك مدام ليس به اي خطأ املائي وليس مخالفا ولم يتجه اتجاها مخالفا لما نحرره؟!!!

وبالنسبة لمشكلتك يااخي فأني أرى ان توسط احدا له كلمة عند اباك..مثلا احد اعمامك او احد أصدقائه وان شاء

الله لن أنساك من الدعاء في ظهر الغيب..والله يسعدك

أختك

حائزة الأمل

__________________

اخي هاجس ...موضوعك رائع
واروع منه هو تعبيرك المميز ...وصدقنى مشكلتك لها الف حل وحل ...
انا مقدر وضع والدك انه واحد كبير وهو اصلاً مو حاس فيك نهائياً
لكن لك عندي طريقتين
الطريقة الاولى ..لزم اتكون جريئ شوي ... ولزم احد يساعدك من اقاربك الشياب
عمك مثلاً او ابو العروسه
وهي انت خليه يسوي اللى يبي ... وانت روح واستأجر قصر للأفراح
واستاجر كل شي وخلص شغلك وانهى وضعك ... ويوم العرس خل واحد يمر ابوك
ويوصله للقر اللى انت استأجرته ... وحطه في الصورة ...وهناك
اظن انه بيستحي على وجهه لما يشووف الشياب وبيركد ....



الطريقه الثانية
شوف وانا اخوك
استحمل مكان العرس واستاجر الاستراحه اللي هو يبغاها
ومشكلة الحريم
انت ما عليك ... اعزم الحريم في نفس يوم الرجال ... وخلي الناس تتجمع
وخلي العرس يمشي
ولما ينتهى العرس ... يكون عند اغلب الناس ان العرس انتهى
وخلي ابووك من بكرة يطلع للاستراحه لحاله ... والعجايز اللي معه .
وانت اخرج من الموضوع
وقوله انت عزمت اليوم الثاني وما احد جاء


واذا اعترض على النساء اللى اول يوم ..اللي هو حق يوم الرجال ..
قوله ذولا حريم اصحابي وصعبه نطردهم خليهم يستريحون في استراحة النساء
وتمم عرسك وانا اخوك ... وما عليك


والكلام اللي ذكرته فووق هذا مو عقوق وانا اخوك هذي مدراه للشايب

انا كتبت الموضوع هذا على عجل واذا تبي افصل كلامي انا مستعد
بشرط احضر العرس
واسأل الله ان يرزقك بر والديك والتوفيق في حياتك
اخوك الجمود

يرجى منك أخي الكريم تغيير توقيعك عاجلا لأنه مخالف ..حائزة الأمل

الله يعينك اخوي هاجس
لكن تدعي على ابوك قوووووية وصعبة كثييييييييير
لكن كثير من الآباء يجبرون أبنائهم على اشياء يرفضونها
حط في بالك إن كبر السن والاعتقادات اللي بروسهم لها اكبر دور وتأثير
عليك بالدعاء واللجوء إلى الله
وإذا على الاستراحة صحيح شيء يقهر لكن خليه يسوي اللي هو يبغاه يعني تخسر ابوك علشان استراحة ؟؟
كلها يوم واحد ويعدي إن شاء الله
ومسألة زواجين زواج للحريم وزواج للرجال كثيييييييييير يسوون هذي الحركة يعني هونها تهون
هذا رأيي

__________________
ادعوا لي بالنجاح والزوج الصالح واكمل دراستي

اول شي ما يسوى تدعي على ابوك بدليل انك دفع مهرك وشقتك وهذا نادر هالايام

الله يخليه لك

والواجب عليك انك تتحمله وتناقشه بركاده مو انتوا الرجال تقولون دايما للحريم اختاروا الوقت المناسب خلاص انت اختاره وتفاهم معه عن المكان

وبالنسبه للايام انا والله العظيم اعرف 3 بنات زواجهم نفس الشي مع ان ماعندهم اي ظروف الا انهم يقولون لازم يكون فيه رجال واقفين عند البوفيه واخوانهم صغار وابوهم صعبه يخلي عرس الرجال علشان كذا عرس الرجال يسبق بيوم


وترى اريح لك بكثير بس انت طبعا ما تاخذها الا بعد عرس الحريم يعني فرضا عرس الرجال الاربعاء والحريم الخميس

انت بعد عرس الرجال تطلع وتنام وتروق ومن بكرى تتكشخ وتلبس وتروح عرس الحريم بدري تكون زوجتك لابسه ومتجهزه وتصور على روقان مو وراك ابوك وابوها يله خلص فشيله مع الرجاجيل لا تصور وتروق بعدها هي تنزل تنزف شوي وتطلع لك تاخذها وتروح الاوتيل


على فكره الي اعرفهم ومتزوجين كذا هم البنات مختارين هالحركه صايره موضه هالايام ووحده عندها بنت تهبل والثانيه ولد جنتل عقبالك ما تخيب ولد وتسنيه على ابوك الي رافع راسه فيك

واخر دعائي لك بالسعاده والتوفيق من الله رب العالمين

تحياتي

دلوعه زوجي

اخي يظهر ابوك النوع الي راكب راسه وماغير رايه .. لكن دام امك استطاعت اقناعه اول مره (بالخطبه) ان شاء الله تقدر ثاني مره بالعرس

ثم في اسوأ الاحتمالات (ان ابوك مايوافق على التغيير) حاول انت انك تعدل الاشياء الغلط بالعرس مثل اماكن السيارات والاضاءه وغيرها

وعشان تهون على نفسك مصيبتك تذكر انها كلها اسبوعين وترتاح من هذي السالفه .. دائما قبل العرس توصل درجة التوتر لاعلى مراحلها عند جميع الاهل بدون الاستثناء ,, ولا تنسى الدعاء


عسى الله يلين راس ابوك ويرضى يغير رايه ويصير فرحك من احلى الافراح وباليوم الي تبيه وبالشكل الي تبيه