انا العضوة نرجسيه.. ابشركم غيرت معرفي

زوجي راجع من السفر عندي مشكلة من اول بس قلت دام وايحه لاهلي خلاص بنسى
اولاد زوجي وخاصة البنت حركتهم كثيره انا عارفه كل الصغار كذا بس مشكلتي لم يتهاوشوا واحد يرمي الثاني والثاني يجري الغرفه يقفل ودق ع الباب وازعاج انا تعبت هالموال ما يصير لم يكون ابوهم موجود كنت اتحمل بس تعبت يا اخاصم واتعب اعصابي ارسلت له مره وهو برا دق عالعيال كلمهم انا تعبت من الازعاج ارسلي فيس مستغرب وطنش
وليلة السفر دقيت عليه قلت له كلم عيالك انا تعبت من الازعاج يقولي فغرفتهم اش عليك منهم قلت له مو فغرفتهم يعني تبغاني اسجلهم لك وانعيت الموضوع مسافر قلت ماله داعي نتزاعل اللحين

دحين اكيد حنرجع فنفس الموال وانا تعبت خاصة لم ارجع من دوامي او بالليل
لا احد يقولي لانهم مو عيالك عيالي بخاصمهم بعاقبهم بضربهم بتصرف معهم اي تصرف محد بيحاسبني بس هذولا مو عيالي واي تصرف بيقولوا لانها مو امهم

امهم وينها ؟!
حاولي ترجعينهم لها ..

أختي الكريمة: حتى لو كانوا عيالك اذا تصرفتي معهم تصرف مو سليم الله بيحاسبك. عيالنا مو ملكنا.
انا فاهمة انو صعب جداً اذا ما كانوا عيالك . لكن ضعي شروط وقوانين واكتبيهم بلوح علقيه على الجدار .. اللي يعمل كذا العقاب راح يكون كذا..
كرسي العقاب مثلا جلسي الطفل عليه وأمسكي ايديه تمام وانظري في عينيه نظرات قوة ، هو بيحاول يفك يديه لكن لا تهتمي لين ما بتشوفيه يتأثر لأن العقاب النفسي مؤلم أكثر من الجسدي
وفكرة كرسي العقاب هذي درستها مو من راسي
وطبعا طفل عن طفل يفرق .. انا اخوي الصغير ما يفرق معه الضرب ابدااا .. لكن كرسي العقاب خلاه يتأدب .. لا اضرب ولا شيء بس اجلسه عليه وأطالع فيه بقوة . يبكي بعدها.
لكن اخوي الثاني لما اضربه جددددا يتأثر ويمكن يجلس يومين زعلان .
الله يعينك وادعي الله وان شاءالله كل شيء يتحسن..

__________________
-

عايشين معانا ويروحولها بالاجازات هي بمدينه ثانيه

عياله مو صغار البنت 12 سنة والولد ثانوي يعني كرسي العقاب ماينفع وانا ما اعاقبهم هذي مسؤلية ابوهم حتى مايصير بيني وبينهم حساسيه ونفور لانه مهما كان حينظرولي اني زوجة ابوهم

انا تعبت احيانا اخاصمهم انا انسانه هاديه وما احب الازعاج انقهر هوا برا ومروق وانا فضجة العيال معليش بس لازم يشوف حل وانا قلت له من قبل كثير لا تتحسس من اي نقاش او مشكلة وتاخذ الامر بحساسية او تنظر لي اني زوجة ابوهم عشان كذا مو متحملتهم

هم 24 ساعة چذي ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

ماشالله اشوفهم كبار كيف يزعجون !!!

هذولا يفهمون كلميهم واشغليهم

اشغلي البنت معك وراح يهدأ اكيييييد الوضع

ترى الفرااغ قاتل

__________________
أعلل النفس بالآمال ارقبها .. ما أضيق العيش لولا فسحة الأمل

مكانه الأنسب

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

__________________

نفس وضعك والله .. كنت اخاف اخاصم ولد زوجي او اقوله شي خوفا من ربي واخاف تصير مشكله .. و اوقات اعصب عليه قدامه وكان زوجي يتضايق ويعص عليا قدام ولده ..

بعدها قلتها له بكل صرااااااحه : ولدك زي ولدي .. انا اوقات اخاصم ولدي على غلط راح اعامل ولدك نفس الشي ماراح اخاصم ولدي على غلط واخلي ولدك .. الي يغلط يتخاصم ويتعاقب مني .. ولا تزعق عليا قدامهم ترا ماحرضى .. او اذا ماتبغاني اعملو نفس تعامل ولدي خلاص ماحيكون ليا دخل فيه نهااااااائي لو ايش يصير فيه قدامي .. ( واقتنع بكلامي ) مع اني مو قاسيه عليهم والله .. بس وقت الغلط اعاقب ارفع صوتي .. الشوكلت كان ابوه يخاصمني يقولي خليه ياكل بأي وقت لا تمنعيه ولما شفت ولدي اخذ العاده السيئه ذي صرت اخاصم واحددلهم وقت معين واقول لزوجي اذا انا تكلمت انت لا تعارض كلامي قدامهم ..

بس انت اولاد زوجك كبار ماشاء الله .. البنت 13 سنه كبيره تقربي منها جيبيلها اشياء تشغلها .. الولد الكبير الي في الثانوي خلو يروح نادي معهد اي شي ينشغل فيه وملأ وقت فراغه حتى لو 3 ايام في الاسبوع .. افتحي الموضوع مع ولده بطريقه تحمس .. وحمسيه.. زي كذا بس لا تجلسي تتشكي كثير والله حتصير مشاكل .. خاصتا ان الاولاد كبار ف ماراح يسمعولك اببدا .

__________________
لاتسعى لتصحيح ظن احد بك ££ خالقك ينظر لقلبك وهذا يكفيك