صباح الخير

زوجي مسافر حالياً في رحلة عمل خارج المملكة
وكنت على خلاف معه قبل سفره وصل لدرجة اننا لا نتكلم مع بعض
بعد وصوله لمكان سفره
لم يكلمني ولم يرسل لي على الخاص يخبرني بوصوله
بل ارسل على قروب واتس اب خاص بنا انا وهو والأبناء ( قروب العائلة )
وكل يوم يوم يرسل رسائل صباح الخير وبعض الصور له
ويكلم أبناءه ويمازحهم وأنا كأن مالي وجود
حتى أنني فكرت أغادر المجموعة لولا خوفي من ردة فعل الأبناء

لا يزال يبتعد
لا يزال يعاند

لا ادري إلى أين سيصل بنا الحال

ارجوكم
ناقشوني بلطف
فيني اللي كافيني

مستجدات الرد (41)

http://www.66n.com/forums/showpost.p...2&postcount=41

مستجدات الرد (44)

http://www.66n.com/forums/showpost.p...1&postcount=44

واضح انه شايل بخاطره منك لحد الآن
لا تقلقي هي لحظات زعل وستنتهي إن شاء الله
اقترح ترسلي له رسالة
المطلوب من الاعضاء فكرة للأخت لكي ترجع المياه لمجاريها

صباح النور
دخلت بس عشان ارد
اختي لا تخلي المشكلة تكبر وخصوصا اذا كان الزعل من شيء بسيط
انتي بعد دخلي في المزاح معاهم وتكلمي وسولفي وعلقي على الصور
ما فيها
انتو ازواج لا تخلوا ابليس يستانس
الله يخليكم لبعض
خصوصا ان زوجك مسافر برحلة عمل يعني مو ترفيه فما اشوف فيها شي لو تصالحتوا وانهيتوا السالفة عشان خاطر زوجك مسافر للشغل وبعيد عنكم عشان يأمن مصاريف العائلة المسئول عن الصرف عليها
واذا مو حابة تكلميه في القروب كلميه بالخاص
خيركم من يبدأ بالسلام
صدقيني الحياة ما تسوى يطوف العمر والواحد زعلان من الثاني

..................

كم استمرت فترة الزعل ؟؟

اذا كانت أكثر من ثلاث ايام خلاص بادري انتي واحتسبي الأجر

ارسلي له اشتقنا او اي كلمة حلوة

وبيطلع اللي في خاطره علطول

انا صراحة اتعامل مع زوجي كذا

والله ييسر لك

.............

طبعاً لا تطلعين من القروب لأنها هذا بيكبر المشكلة أكثر ..
عليك بالإستغفار و ذكر الله كثيراً
أيضاً حاولي تخلين الموضوع عادي
و اذا ارسل صورة اضحكي و شاركيهم
الين يرجع ، و تتفاهمون و ان شاء الله ما يرجع الا و يكون طاح الحطب

أتمنى لك التوفيق

ارسلي له هالرسالة في الخاص مو في القروب
زوجي كان زعلان مني مره وارسلتها له أحس أثرت فيه 😍

خذني على قد تفكيري
وجاملني
يكفيني
اللي مضى من وقتي
القاسي
أبيك لا خانت الأيام
تسندني
وأبيك ذخر الليالي
لا ضعف باسي
أمنتك الله تكفى
لا تضيعني
وأنت وضميرك تصرف
يابعد راسي

السلام عليكم ورحمة الله وبركاته..

مع هذا الرد السديد، شاركيهم واضحكي حتى يعود، انتبهي الخروج من القروب..

أصلح الله حالكما.

اذا ارسل صباحات اكيد ما يذكر احد بالاسم يقصد الجميع

ردي الصباحيات بأفضل كلام وردي على الصور اللي ينزلها

واذا رجع استقبليه وانسي المشكله تماماً

الرجل بعد السفر يعود مشتاق لبيته وعياله

بالتوفيق

عادي انتي بعد صبحي ومسي وبادري بالسلام

اصعب شي انكم تحسسو ابنائكم بانو بينكم شي


بما انو م يجيب لك طاري انتي ابدأي فيها


ولما يرجع من العمل ناقشيه بهذا الموضوع تحديدا


المشاكل طبيعيه تحدث بين اي زوجين لاتقهري نفسك

اذا مافيه شي قوي بادري بالصلح ولك اجرك

__________________




ربِ هب لي من لدنك ذرية طيبة أنك سميع الدعاء