السلام عليكم ورحمة الله وبركااته
كيف حال اعضاء منتداي العزيز؟؟
حابه آخذ رااايكم في موضوع واتمنى تفيدوني
وتعطووني نصاائحكم
انا ناوية اشتري سيارة وزوجي العزيز يقنعني
اخذ من شركة تويوتا
وبعد الأخذ و العطا معاه نصحني بوحدة من هالسيارات
الفورتنر او الكامري او الكورولا
ايش رايكم يا اخواني واخواتي
وقولي لي اسبابكم لاهنتوا
ويعطيكم الف عافية

وعليكم السلام
الافضل جيب الفورتنر ويسمى بالعامية فورشنر من ناحية الاستخدام ممتاز واعطالة قليلة وقطع غيارة رخيصة
هو افضل من الكامري والكورلا بلا منازع .
وشركة تويوتا هي افضل الشركات عندنا .
اتمنى اني افدتك ومبروك مقدماً والله يعطيكم خيرها ويكفيكم شرها .

__________________
استغفر الله واتوب إليه

من بين الخيارات اللي ذكرتيها كامري ..
وإذا بغيتي اللي شوي أحلى من الكامري الافالون ..

الفورتشنر ماتعجبني أحسها تناسب الاجانب أكثر ..

اخوي " صديت عنك " اشكرك على الرد
انا بصراحه مو مقتنعه في اي وحدة من الخيارات اللي اقترحهم زوجي
لكن الواحد يحسبها من جميع النواحي
بس كثير من اصدقاء زوجي خبرووه ان الغورتنر كسياقة مو مريحة
كأنك تسوق " بيك اب " فهل هذي صحيح ؟؟؟؟؟

اختي ام الدانة اشكرج يالغالية بس انا فعلا مو مقتنعة في الكامري ابدااا
وطول عمري تمنيت سيارة جيب
الله يكتب اللي فيه الخير يارب

ياليت البقية يتحفوني بارائهم

طبعا الجيب أو الفور ويل أفضل وأقوى وتعمر ..
تستحمل المسافات الطويلة .. والخطوط الوعرة ..
انا سنين طويلة سيارتي تويوتا لاند كروزر ..
مرتاحة منها جدا وافتقدها ..
من شهرين أخذت نيسان باترول ..
ايضا مريحة .. بس اللاند كروزر كنت مرتبطة فيها عاطفيا .. ههههه

عندك البرادو أصغر من اللاند كروزر بشوي وأرخص ..
في السابق ماكان يعجبني شكلها ...
بس القصات الجديدة اكبر وأفخم .. وصار شكلها قريب من اللاند كروزر ..

لا تأخذين فورتونير ..

اللي أعرفه انهها سمعة عالفاصي لكنها مو زينة ..

قريبنا عنده وزوجي قال لي أبدا ما يمدحها يقول مو حلوة ..

__________________

السلآم عليكم
شوفي وانا اختش > اذا ناويه على سياره جيب ومريحه لاتاخذين فورتشنر!
اخواني كلهم ماشاء الله لاقوة الابالله سياراتهم جيوب لاندكروزر واف جي ولكزس مريحه جدآ>الا واحد
سيارته فورتشنر2013 فل كامل> لكن الله يعينه مو مريح ابدآ حتى المراتب غير مريحه ابد ابد وهلحين يفكر يبيعه

بس كثير من اصدقاء زوجي خبرووه ان الغورتنر كسياقة مو مريحة
كأنك تسوق " بيك اب " فهل هذي صحيح ؟؟؟؟؟
اختي "مسلمة حنونة" انا مادري عن سواقتها لكن لي اصدقاء استخدمو الفورشنر ويمدحونة من جميع النواحي كسيارة استخدام في المدينة حلووه وممتازة وعلى حسب خبرتي بالسيارات هي سيارة عملية قليلة الاعطال .
طيب أختي فيه في شركة تويوتا جيب برادو ممتاز وفيه الافلون ممتازة والخيار لكي .
الله يوفقك

__________________
استغفر الله واتوب إليه

كل الخيارات ليست جيدة
اذا ميزانيتك تكفي لشراء اي سيارة المانية فأنصحك في البي ام دبليو او الميرسيدس الصغير من فئة سي او اي

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

الألماني حيل غالي..ومو أي واحد يشتريه
أنا سيارتي كرولا..صج إنها صغيرونه بس يكفي إنها مريحتني وعاجبتني
بس أنا أشوف إن الكامري أفضل لأنها أكبر فقط