بسم الله الرحمن الرحيم
أحيي كل المشاهدين والمشاهدات وأقول يا مراحب
موضوعي في منتداكم أكتبه لأن حاس ودي أحد يسمعني ودي أحد يرد لصوتي بصوت . أشكر كل من سيتفاعل معي برأيه وأشكر كل من شاركني موضوعي واعذروني ان الموضوع راح يكون طويل . فحياكم الله
نبذة بسيطة و نرجع للمضوع الرئيس .
أنا عمري 26 سنة بسيط , بشوش , خجول نوعا ما ,سهل التعامل , احب الناس , واحب ابادر بعمل الخير احب اكون اطيب شخص بالعالم , احب الوناسة , احب الرومنسية , احب اكون واضح مع الغير , , الحمد لله انا وسيم و صاحب بنية رياضية طويل عريض المنكبين . انا انسان طموح و صاحب همة عالية محبوب من أقاربي جميعا وزملائي كثير سهل تكوين العلاقات مرح الكل يشيد بي كصديق وهذا من فضل الله .
انا طالب في احدي جامعات امريكا واسئل الله التوفيق لكم ولي ولكل مسلم ومسلمة آمين
عائلتي كلهم طيبين آخر اهتماماتنا جمع المال اولاد وبنات انا ترتيبي 8 من اصل 9 اشقاء والوالد والوالدة الله يديم المحبة .
حبايبي معليس بس تحملوني ما
اقصد امدح نفسي واهلي ولا ابي اكذب علشان اسمع كلمتين منكم ويرتاح قلبي و ربي غاضب علي لكن والله ما اكتب هنا الا الحق والصدق وابيكم تهدون قلبي الله يخليكم وترفعون معنواتي .
________________________
كلمت اهلي في عام 1429 هجري علي رمضان وقلت ابيكم تدورون لي علي بنت الحلال و بأجيكم و اتزوج ما تصدقون قد ايش كانت فرحة امي وابوي طبعا مابقي عزابي غيري انا واخوي الاضغر المهم الكل سأل والكل بحث تم تحديد البيت خطبنا والحمد لله تم الزواج في شهر الحج اهل العروسة حجزوا الحلا وحجزوا الدقاقات الي يبون وبرضة حجزوا كوشة غير الي بالقصر وكلفتني مبلغ وقدرة 100000 ريال
بدون تأثيث البيت وانا طالب بس اهلي ما قصروا الله لا يحرمني منهم .
تم الزواج وبعد 4 ليالي كان سفرنا للرياض وبعدها لامريكا . لما كنت بالرياض صار زعل تافه وش تافه كثير في وصفه يعني عروسة لها اقل من اسبوع تقول خلاص ودني لعمتي وروح لوحدك ابي اهلي ؟؟؟ قلت يمكن لسي متاثرة من فراق اهلها .
طبعا ما اقدر اوصف لكم كم أحببت هذه العروسة هي كانت عيناي وقلبي وفؤادي و كنت احس بأحاسيس كثيرة تجاها من الحب والعشق والهيام والله ما قد ملى عيني غيرها والله يشهد و ما اجمل الحب وما احلاه وما اروعه يالله نعم محروم من لم يعيش حياة الحب .
احبابي بدأت الرحلة لمغادرة بلاد الحرمين ولكن قبل ان تكون وجهتنا امريكا كان فيه هدية بسيطة لمحبوبتي و عيناي وهي رحلة لدولة هونق كونق لمدة 5 ايام مع حجز في فندق 5 نجوم ودرجة اولي بالطيارة
صار زعل في الطيارة وجلست تبكي الين وصلنا هونكونق
صراحة كانت أجمل رحلة في حياتي وركبنا قوارب و طلعنا ناطحات و اسواق وملاهي ديزني لاند و قطارات وهبال و وناسة وفلة مع حب ونقاء .
بعدها وصنا امريكا وبعدين استأجرت بيت وأثثت لها اثاث بما يعادل 36 الف ريال سعودي البيت صالة وغرفتين ومطبخ فاتح علي الصالة وحمام
كان الاثاث من افخم الاثاث هناك وكل الضيوف يقلون ما شاء الله علي الاثاث حتى غرفت النوم كان سعر المخدة الواحدة 113 دولار
بدينا ندخل جو المشاكل وبدت تطلع على حقيقتها و طلعت لها شريحة و اشحنها علي طول ما ينقطع شحنها على شان ما تطفش وحاولت اكرمها لانها معي في بلاد الغربة و مونسها احي وناسة حدايق و تمشيات و نطلع لأماكن تبعد 100 كم ونرجع من باب نشوف الاماكن , ولا تعرف كلمة لا وكل شيء تبيه يكون عندها حتي بدون ما تتكلم والله حتي انا في الجامعة قلبي معها و افكر فيها وكل الناس سحبت عليهم من كثر حبي لها تصدقون اني ما اتذكر اني اشتريت لنفسي خلال السنة الماضية وهي مدة مكوثنا برا مع بعض الا بدلة وكانت اجبارية من الجامعة كله من اجلها ان اسعد عروستي بكل فلوسي بس يا خسارة
كانت نكدية تشب المشكلة وما تبيها تطفا الي ما يروح الي في قلبها وكل ما احاول اهدي الموضوع او اطلع برا البيت تزيدة وتشك فيني اني اطالع بالحريم واني اتودد لهم و يا ما مشاكل بسبب الحريم و تقول لي اذا زعلت رح للقحاب حقينك رح لقحابك الي زيك رح و ........... كلام بذيء ما اقدر اكتبه وكل ما اطلع من البيت يجي في بالها اني ابي اتفرج علي الحريم يالله انا ولله الحمد ما عمري غازلت ولا بوست غير امي واخواتي ولا عمري ضميت حرمة ولا اضم حرمة بحياتي كلها الا زوجتي.
و مطلعة اشاعة بالسعودية وهي تكلم صاحباتها اني بخيل ومانعها من الجوال و اني كذاب مسوي اني ما اطالع في الحريم وانا اكبر كذاب والله جوالها ما جلس اكثر من يوم بدون شحن طول فترة السنة .
وذا تكلمت معها عن وضعنا المادي تزعل وتقول لا تضيق صدورنا و السنة الجاية خير .
وكل ما تزعل تلم ملابسها و تقول ودني لاهلي و مرة كلمة حبيبتي اختي الكبيرة تبيها تحجز لنا علشان ترجع
للسعودية بدون ما ادري.
يوم من الايام سافرنا خارج الولاية علي المحيط الهادي و كان المحيط علي اليسار واليمين غابات وكان الفندق في راس جبل وكانت من اجمل الاماكن زرتها بالعالم خربت الطلعة علشان قلت مزحة ( أنت فلانه قالت لا قلت طيب ممكن بوسة ) سوت الي ما يتسوا و زعل وكلام فاضي وسب وووووووووو الخ
وعلشان تغيضني تقول بأروح لواحد كان برا ابيه يبوسني هم يعرفون الحب اكثر منكم . بالله وش رايكم
و ياااااااااااااااااااااااااالله كم كانت صعبة تلك الايام مع ذلك مازلت اهديها الورود واقطف لها من كل حديقة منزل وردة ومن الجامعة وردة ومن المحلات العطرية افضل الشمعات العطرية والرومنسية والورد المجفف بأنواعة والوانه وحفلات مفاجأت ومثلا اوديها لزميلتها ترجع والبيت كله شموع و قتوه و عصير ووووو الخ ودايم انا انا ما اتغير بل ازيد في الحب والرومنسية و ما عمري اقول لها لا ولما اسألها انا قد قلت لك ( لا ) تقولي ما عمري سمعتها منك
حتي زميلاتها يقولون لها زوجك يموت فيك وحبك بجنون
وفي رمضان العام الماضي قدر الله حملت وسقطت وحنا ما ندري و خبرنا المستشفي يا احبابي
تركت الدوام في الجامعة و تركت كل شيء وبقيت معها في البيت اطبخ لها و اهتم بها و اشيك علي صحتها
مرة من المرات رحنا رحلة خارج الولاية و بعدين قامت وخربت الرحلة تدرون ليش انا اقلكم ( كنت اسولف عن واحد مهوي مهرب روسية من البحرين في طبلون سيارته و اكتشفتة الجمارك بسبب العطر . "قلت مادام يبي يهربها مرة يجيبها عن طريق ...... ") قالت انت زيهم قلت ايش قالت انت مثلهم ولا تبي تتأسف ولا تعتذر هاه وشرايكم انا عايش وسط البارات والدسكوات وبيوت الدعارة والخمور والحمد لله والله ما قد دخلتها وهذا من فضل ربي . رجعنا البيت بعدين كان الوضع مرة متوتر ومخاصمات وقلت لها كلمة " قلع الله هذا الوجه " تدرون وسوت تجرت ومدت يدها علي وجهي (كف) طبعا انا بدون شعور وشيء ما كنت اتوقعه بحيلتي انها تمد يدها علي خصوصا انا ماقد ضربتها طبعا ضربتها ضرب وصفقتها تصفيق ما تنساه في حياتها و الي درجة بغيت اذبحها انا الحين متحملك و امشيك وسط الدراسة واخرتها تتجرأين بهذه الجرأة ولكن من امن العقوبة اسأء الأدب
لأني مقدر الغربة و مسوي كل شيء علشان ما احسسها بالي كنت احس به لوحدي أحبابي
أنكسر باب الإحترام وصرت ما اتحملهااذا زودتها اضربها و امد يدي عليها ما صرت اصبر لأني حسيت ما عاد ينفع الصبر في خلال هذه الفترة كسرت 3 جوالات وكل جوال ينكسر اجيب بدله واحد حتي ان اخر جوال انكسر ماكان له شهر معاها نوعة كان XpressMusic Nokiaاول ما نزل طلبته من السعودية ارسالية بعدها شريت لها ايفونفور (Iphone 4) قبل لا نروح للسعودية بشهر و لما كنا نجهز شناط السفر كانت ثقيلة سألتها ليش قالت ابي ملابس قلت اوكي نزلي منها وابشري انا اقضيلك من السعودية الي تبين
وبعدها كشفت لي انها كانت ما تبي ترجع معاي من السعودية لما تروح لاهلها
سافرنا للسعودية اعطيتها 5000 ريال تقضي الي تبي والله يا اخوان اني رحت بيت اهلي ما معي ولا ريال
اني تسلفت فلوس علشان لازم الواحد معه قرشين يمشي نفسه وبعد كم يوم بدأت لهجت كلامها تتغير
وبدأت الرسائل تتغير عن ما كانت عليه وما ترد علي لما اتصل تجلس بعدين ترسل تقول اسفة بس وتجيب اعذار وجاء اليوم الفيصل ودقيت عليها ما ردت جلست بعدها فترة وكلمتني تقول ليش دقة وحدة بعدين خلاص تبي الفكة مني بعدين وش القناة الي بالتلفزيون ووووالخ صراحة انا انفجرت وقلت انت اصلا مين علشان ماتردين علي اتصالي
بعد كذا ارسلت لي رسالة
وتقول في الرسالة بالنص" لو سمحت ارسل لي ورقة طلاقي بكرة بدون مشاكل ولف ودوران ماعاد فيني صبر اكثر من كذا زي ما دخنا بالمعروف نخرج علي فكرة امي فهمتها كل شيء وقالت القرار بيدي مستحيل يجبروني علي شيء وانت عارف لا تستهر قسما بالله اني اكرهك كره ما تتوقعه وابي اطلق الحين مو بكرة بعد لو سمحت خلص الموضوع ولا باكلم المحامي ينهيه"
وبعدها كم رسالة تافه زي افعالها
من هنا أقسمت ان لا نلتقى ابدا ابدا ابدا وان لا اترك لتماديها مجال
عندما كنا في الغربة كانت حسبتي تختلف لوجود الضروف المحيطة أما الآن فبدا واضحا ان لا مجال للأعذار والسماح اصبح جزء من المستحيل ان يحصل
وان الامساك بشعاع الشمس اسهل من ان يعود قلبي لها مع إعترافي أني والله ثم والله أحبها حبا لا تتصورونة ولا تتوقعونه لو ولا وجودة لما صبرت علي ما حصل
منها لكن لكل شيء حد وكان الحد في قصتنا هذا الاتصال وان شاء الله الي ان اموت لن اسمع صوتها ولن اناديها ولن تسمع مني حراف واحدا
هي تعرف انا كنت لها أبا و أما وأخا وأختا و بيتنا و قلبا وووووووو ولكن لله في خلقه شؤون
الحمد لله والشكر علي قضائه وحسبي ربي ونعم الوكيل
وأشكركم علي حسن الإصغاء
01-04-2011, 07:40 PM
هكذا كنت وهكذا كانت فمن المسؤول
ضوابط المشاركة
العرض العادي
