يا اهل المنتدى
بقولكم مشكله لوحده غاليه عندي هي صديقتي واختي
هي متزوجه من 3 سنوات تزوجت صغير السن يعني بحدود 17 يتيمه ماشافت ابوها واصغر العيله
تزوجت رجل عمره 35 سنه
هي بنت واخلاق وجميله ولطيفه وحبوبه وطيب القلب وهاديه الى ابعد حد
المهم تزوجت واحد اكبر منها وسالوا عنه قالوا اخلاق وماعليه
وبعد الزواج
اكتشفت انه يدخن وسكتت ولا قالت لأهلها لانها ماتبي تصغره بعيون اهلها
ومرت سنتين وحملت وانجبت طفل مريض ومن انولد وهو بالمستشفى لانه فيه مرض وراثي نادر
وهي وزوجها حاملين للمرض
مع انهم مايقربون لبعض
والطفل لحد الان بالمستشفى واحتمال وفاه كبير جدا لان بالاساس هالنوع من الاطفال ما يعيش اكثر من سنتين والان كمل سنه
والدكاتره قالوا احتمال 25 % ان اطفالكم يكونون بهالشكل
فقررت هي وزوجها عدم الانجاب
المشكله انها اكتشفت ان زوجها يكلم بنات على الجوال وطبعا هي شايفه فواتير الجوال وطلعت الاسماء اصحاب هالارقام
وفاتحت زوجها بالموضوع بالبدايه ضربها وطاحت وودها المستشفى وعطوها ابره مهدئه
وبعدها وبعد حرب اعترف انه خاينها وشافت بجواله صور هالبنات عارين من دون ملابس
وكل هذا وهي ساكته ما تكلمت بحرف واحد لاهلها
طبعا الان هي محتاره هل تسامحه؟؟ هل تطلب الطلاق؟؟
علما بانه سلفته ورثها من ابوها ولما طلبت انه يرجعه قال اصلا انتي ما عطيتني اي شي وماعندك شي يثبت كلامك
هل تقول لأخوانها هل تزعل وتروح عند امها
وش رايكم ابي نصيحتكم لانها فعلا محتاره

__________________

الله يصلح البيوت بادن الله
لكن صحيا مو لايقين لبعض واخلاقيا زوجها بالضياع ويمد يده عليها ويجهر بمعاصيه

ويبون يوقفون انجاب بصراحة احس الطلاق افضل ليرتاح الطرفين وكدا كدا ما في عيال

يعني اللي بتطلق ما عندها شي تخاف عليه


هدا رايي والله يستر

وفيه نقطه
هو دايم يغرقها بالهدايا وحركات الرومانسيه
وحتى من الدلع الزايد جايب لها خدامه ومفكر يجيب السواق
بس لما تساله تقول ليش تحط لي كل شي انا ماطلبيت
يقول انا ابي اكرمك عشان ماتقولين ولاحرف حتى
اذلك بكل شي اعطيك اياه
وانا جبت لك الخدامه حتى
أذلك
وقال لها هالكلمه بالحرف الواحد
وش رايكم

__________________

الطلاق

هو الحل لمثل هذه الاوضاع


فهو لا يستحق ان تضحي بشبابها

وبغريزة الامومه من اجله


قولي لها تستخير وتتوكل على الله



الله يعوضها خيرا منه



تقبلي تحياااااااااااتي .........

تطلب الطلاق هي عمرها الان 20 تقريبا تصبر عليه ليش وهو ماعنده اخلاق ونصب عليها وواطفال ماراح تجيب منه يعني حرام قدامها الطريق طويل والوانه زاهيه اما مع هالشخص ما اتوقع انها تقدر اتكمل اذا هذا جواله وش ظمنها ويش اسوي اذا طلع عنها وانشاء الله يرزقها الزوج الصالح ياابعد حيي

أنا رايي مع الأخوات .. الطلاق احسن في هذه الحالة ..
وعسى الله ان يبدلها خيراً منه ..



تحياتي ،،،

لاحول ولا قوه الا بالله الله يكون بعونها ويفرج كربتها

فعلا مايستحقها والرجال اذا خان مره بيخون الف مره
الا اذا ترك هذا الشي بقتناع
الله يفرج لها

الطلاق هو الحل
فهو لا يستحق ان تضحي بشبابها
الله يعوضها خيرا منه
ويفرج كربتها

__________________


لا احلل نقل اطباقي دون ذكر المصدر

(ام علي وريما شخص واحد وهو انا )

الطلاق هو الحل المناسب

خلي تروح تعيش عمرها شنو جابرها تعيش مع واحد ما يقدر الحياة الزوجية ولا يستاهلها

__________________