لكل المتزوجات.. تعلمن عزيزاتي ان الرجل يحب ان يكون مرغوباً عند زوجته .. ويعشق عندما تعبر له زوجته عن ذلك بطرق مختلفة ..
اليوم جبت لكم طريقة بسبطة .. وسهله وحلوة ..
اذا كان زوجك مشغول وتعبان .. وودك انك تريحيه وتخلينه ياخذ فترة استراحه معاك .. بس بطريقة غير عن كل مرة ..
ارسلي له رساله على تلفونه انك مشتااااقتلته .. وبيني له رغبتك فيه وشعورك بالراحه و و و و معاه .. واهم شي عبري له عن رجولته اللي تخليك تحسين بانوثتك ..
بعدها على طول ارسلي له رساله ثانيه .. وقولي له .. انا اسفة مب انا اللي ارسلت الرساله .. هاذي رغبتي .. طبعا انتي استخدمي الكلمه اللي تثير زوجك ..
وانتي طبعا في هالاثناء تكونين في غرفة النوم .. لابسه وجاهزة ومتعطره ... وحاطه مكياج خفيف ..
عاد لين جا وشافك .. انتي وشطارتك ..
او طبعا ممكن بدال ماترسلين له المسج الثاني انه مش انتي اللي ارسلتي المسج الاول .. ممكن تقومين وتروحين له مكان شغله في المنزل - يعني لو هو قاعد في المكتب في بيتكم على سبيل المثال - وانتي كاشخه ولابسه والعطر ينشم على بعد متر..
وتقولين له انه المسج اللي وصل مش انتي اللي ارسلتيه بل رغبتك فيه ..
ان شاء الله تكون الطريقة واضحه ..
وخلونا نبعد شوي عن الروتيييين .. ونونس ازواجنا .. ونريحهم
التعديل الأخير تم بواسطة ملاك الغربة ; 30-05-2007 الساعة 05:50 PM
العفو احتي .. وان شاء الله ربي يقدرنا على تحصين ازواجنا في هالزمن !!
انا هنا ..
اسعدني مروروك وكلامك القيم .. فعلاً لازم الزوجين يسعون لارضاء بعض ويغضون الطرف عن اخطاء بعض ..
اختي نعومي ..
ان شاء الله تضبط معاج وتريحين زوجك وترتاحين وتخففين عنه شغله .. ويرتاح .. مافي احلى من ان يفهم الزوحين بعض .. ويسعى كل واحد منهم عشان يريح الثاني ..
اختي نور ..
يعطيج العافية على المرور .. من وين يايبه هالمعلومه
انا صار لي سنتين متزوجة الحمدلله وعندي بنت .. وعسى ربي لا يحرمني منها ومن ابوها .. ويرزقج كل خير يارب ويهنيج ويسعدج ويوفقج