(زوجي تغير علي بعد ولادتي )
السلام عليكم ورحمة الله وبركاته
الله يسعد اوقاتكم بكل خير ...

راح ابدأ على طول انا متزوجة لي سنتين و9شهور او10
قبل شهرين رزقني ربي باول مولود المهم فترة نفاسي قضيتها عند اهلي وزدت على الاربعين يوم شهر
لان اهل زوجي وصلوا من مدينه ثانية وانشغل معهم

المهم طبعا ماطلعت مع زوجي الا بعد شهرين كنت في هالشهرين مشتاااااااااقة حيل له وكل يوم اتخيل كيف بتكون اول ليلة نلتقي فيها .. المستغربته ان زوجي ساكت انا اللي قلتله اشرايك نطلع بكرة قالي تمام خلاص بس الولد خليه مابيريحنا قلت لا مااقدر هذا ولدي وماابغى اشغل احد فيه ومابرتاح وهو بعيد عني
قالي خلاص جهزي اغراضكم وبكره اجي اخذكم

لما طلعنا ووصلنا البيت كان الوضع عادي ... انا توقعت بيكون مشتاق لي قد ماانا مشتااقة لكن
تفاجأت بالعكس او اشواق بس جدا قليلة طبعا طفلي معي فانشغلت فيه واعطيته الحليب ولما بديت ارفعه عشان يتجشأ قالي زوجي انتي ماتعرفين واخذه من يدي وبدا يرفعه ويقولي خواتي وامي يسوون كذا وكذا انتي ماتعرفين اختي تسوي كذا وكذا لاولادها .. انا وقفت بس ابتسم وقلبي من جوو مقهوووور وموجوع على اسلوبه هذا قهرني وخرب علي كل اشواقي

شوي ونام ولدي .. وبدا زوجي يطلبني وفي ذي اللحظه بعدت نفسي عنه وسحبتها لاني كنت زعلانه بجد من اسلوبه وحتى لو اعطيته اللي يبي ماراح افيده بشي لان نفسيتي تغيرت ومزاجي تعكر

هو تفاجأ من موقفي هذا لانها اول مره تصير معنا استغرب كثير ... وحاول يعرف وش فيني لين قلتله واعتذر مني ولانه مانام من الصبح مع العمال راح لسرير انا هنا بدا يأنبني ضميري ولاني احبه مايههون علي ينام وهو زعلان رحت وبدلت ملابسي ولبست احلى شي وجيت عنده حصلته نايم بديت اخاف وقلت نومته وهو زعلان حاولت اصحيه وصحى واعتذرت له قالي عادي ونام

اليوم الثاني عطيته اللي يبي لكن اكتشفت اني بعد الولادة صرت اعاني من رطوبة وافرازات كثيرة

صار زوجي مايطلبني مره .. يعني لنا شهرين بعيدين عن بعض وماطلبني الا مره وحده
انا انكسر قلبي وحسيت بحزن
ومن بعدها احس ان زوجي يبعد عني صار ينام على سرير وانا انام مع ولدي في سرير وماعنده مشكله حاولت اتقرب منه جلست معه في السرير قالي ارجعي مكانك بمزح
صار هالشي يتعبني كثير اشفيه زوجي تغير علي كان يستقبلني باشواق حاره قبل الولادة والحين صرت شي عادي عنده ... المشكله ان شووووووقي له ماانطفى بس ماااحبيت افرض نفسي عليه
انجرحت كثير من هالموقف وصرت اذا طلع ابكي لين اهدى شوي حاولت اكون جريئة معه لاني خجوله
حاولت اتغير في لبسي بس انا والمشكله انه هوبعد خجول خاطري نستقبل بعض باحضان مانقدر

صرت الاحظ انه يهتم ويشغل نفسه بالولد اكثر مني ...

المعذرة طولت عليكم .. لكن حبيت افضفض واخذ بنصايحكم لاني مو قادرة اشكي لاحد

وترى بعد صارحته قلت يافلان اشبكك في شي قال لا عادي مافي شي سألته مرتين ونفس الجواب


انتظر ردكم جزيتم الخير
(تم تعديل العنوان ليتناسب مع المضمون)

مشكلتك تتركز في الإفرازات التي تشعرك بالوسع وتنفر الزوج
وغــالباً يكون السبب التهابات مهبليه..
إذاً الحل هو: التقليل من الإفرازات...
كيف؟؟
بعلاج الالتهابات ..
أولاً بعد الذهاب للطبيبه وتحديد العلاج ...
إليك بعض الوسائل الوقائيه والرافعه لمناعة الجسم بشكل عام..والمناطق التناسليه بشكل خاص..

وقد ذكرن الأخوات طرق كثيره سأورد بعضاً منها :
بالنسبه للأكل:
1- العسل والحبه السوداء ((شفاء من كل داء)
2- ثوم مقطع قطع صغيره جداً وبلعها دون مضغ مع علبة زبادي
<<الثوم رافع للمناعه الطبيعيه للجسم كما أنه معقم
والزبادي يحتوي على بكتيريا نافعه تقضي على الضاره

للاغتسال :
1- منقوع الزعتر
2- الملح الفارسي ينقع ويغتسل منه بشكل خارجي
3- منقوع المره
4- منقوع بابونج

متعــــــكـ الله بالعــافيه ....

شهرين وهو ينتظر طبيعي بيمل ويطفش
ومن ناحية الإفرازات والتوسع راجعي دكتورة مختصة
لكن إذا ماودك تروحين للدكتورة فعندك صابونة فرجنتي وكريمات خاصة موجودة في الصيدلية

.

الحمد للله عالسلامة ..
ومبروك المولد ، .. اقر الله به عيني والديه
.. واسعدكم جميعا

واهلا بك اخت جديدة بيننا
حللتي اهلا .. ونزلتي سهلا



ما اشوف في شئ يدعوا للقلق في اللي حكتيه لنا اختي الكريمة
حلوه الرهافة والحساسية في المراة .. اللي المسها فيك ..
لكن لا تخليها تاثر عليك سلبيا


قراتي .. فيما كتبتي ..
انه بين ..
مشاعر حب زوجك لك .. اللي واضح لي ..
انه ما زالت موجودة، .. ان ما زادت مع المولود الجيد
وبين ..
اهتمامه بك، خاصة .. وكونك والدة جديد .. وام جديدة
وبين ..
اهتمامه بمولدكم الجديد، .. وشريك وعضو جديد في اسرتكم وحياتكم
وبين ..
مشاغله ومسؤولياته .. وضغوطها عليه

انه ..

يحاول ..

ان يسدد ويقارب .. بين كل هالامور

.. ، لا تشغلي بالك

ما في فيما ذكرتي .. ما يدعوا للقلقك

كوني طبيعية، .. وخذي الامور وتعاملي معها بايجابية


وحتجديه .. عادي زي اول ما تغير فيه شئ تجاهك، ..
زي ما جائك متلهف عليك اول ليلة رجعتك .. بعد ما نيمتي طفلك
، لكن تعكر مزاجك من مقارنات بريئة ما المس انه كان يقصد بها ..
ويعرف انها حتزعجك
وحسبي، والا ما كان تطرق لها




بالنسبة ..
للتغيرات الجسدية بعد الولادة
طبيعية عند الجميع
والجسم بالتدريج .. يرجع لطبيعته
ممكن تعجلي هالعملية ..
لها اساليبها .. اسالي عنها اهل الاختصاص







دعواتنا لكم، .. بالتوفيق


.

اختي اولا مبروووك قدوم البيبي جعله الله من مواليد السعاده

ثانيا : ممكن يكون زوجك عنده مشاكل بشغله او مشغول بهم
مش شرط تكوني انتي السبب

لكن لترتاحي اولا روحي لطبيبة واعملي فحوصات وشوفي
في التهابات ولا لا

ثانيا نصيحة اخت داومي من الان على تمارين كيجل
اذا ماتعرفيها اقراي عنها في النت وطبقيها باستمرار
وباتشوفي فررررق شاسع
هذه تمارين معروفة وفعاله لشد عضله الرحم فا ماراح
تحسي بتوسع

نصيحة لكل بنت او متزوجة
داومو عالتمارين هذه ( ماعدا في وقت الدورة اكرمكم الله)


ثالثا واخيرا ابتعدي عن اي خلطات للمنطقة الحساسة
هذه الخلطات هي سبب الالتهابات

غسل المنطقة يكون بماء دافي بدون صابون
مع المحافظة على جفافها

بعد ماتعملي المذكور اعلاه وتحسي انتي نفسك بفرق
استميلي زوجك وشوفي ردة فعله بعدها

اذا استمر وضعه زي ماهو فا افضل حل هو المصارحة
فقد يجون سبب ابتعاده بعيدا عنك

__________________
سبحانك لا اله الا انت اني كنت من الظالمين

طبيعي شهرين يتعود على بعدك فالبعد جفا

وهذا حال الكثير من الرجال

حاولي تعالجين نفسك وتستشيري طبيبه مختصه

وحاولي ماتخلي البيبي يشغلك عن زوجك وتنامي بعيده عنه راح يتعود زوجك ع بعدك ويصير عادي عنده هالشيء

تقربي منه اكثر وادا مافادت محاولاتك صارحيه خليه يتكلم ويقول اش عنده

اعتقد ان كثير من النساء يمر عليهم مثل حالتك
انا جربت في بنتي الله يشفع فيها ويرزقني بالطفل السليم مثل تجربتك واكأنك تتكلمين عني
طبعاً انتي عليك بالمحاوله معه والمصارحه بالموضوع واحذري ان تنامي وحدك بغرفه وهو بغرفه
وبأذن الله تنحل اموركم
وحطي في بالك ان بعدك عنه فتره النفاس وبعد النفاس هو السبب الرئيسي بجفاء زوجك
بأذن الله هذه الفتره بتعدي وترجعي مثل اول وافضل لاتحزني .

__________________

غالباً ليس لها علاقة بكل ما ذكرتي .
التغيير عليه كبير جداً .
إقرئي عن إكتئاب ما بعد الولادة للرجال .
المصارحة المصارحة المصارحة هي الحل
إحتويه وحثيه على الحديث معك دعيه يتكلم دون تطمينات أو محاكمات .
فقط يعبر لك عن ما في نفسه .
واقنعيه بالبقاء معكم في نفس الغرفة وحاجتك النفسية والعاطفية لوجوده بجوارك وبالقرب منكم .

__________________

مع هذا الرأي السديد