طبعا كلكم عارفين بعد الهدؤ تاتي العاصفه



زوجي الله لا يحرمني منه البارحه



كنا مع بعض بالسياره



رايحن مشوار فسالته




وين انت رايح بالضبط

اجاب بصراخ ونرفزه اروح مكان ما اروح انت وش تبين


اجبت مجرد سؤال عشا اعرف


وقف السياره وقالي انزلي



من جد قالي انزلي


في وسط الشارع


وانا ركبني العناد ونزلت
طبعا لمعرفتي بالمكان لم اشعر بالخوف



فقط قمت باغلاق جوالي والمشي الى كل مكان

بدءت بالمشي لمدة 3ساعات وانا مقفله جوالي وانا ابكي من القهر


لانه رضا على نفسه يسوي كذا


حسيت ان رجولته اختفت


بعد 3ساعات شغلت الجوال وانا متاكده انه قاعد يدور علي وانه حرق جوالي اتصالات


بعد ماشغلت الجوال اتصل وينك ومن هذي التسؤلات



وجا اخذني


وبكل هدؤ

وبادب تعامل معي



وعند وصولنا للبيت بدء يضمني


ويبكي




ماهمني هذا لانه اشعر انه خسر احترامي له كارجل




والعجيب انه من البارح الى اليوم ماسالي وين رحتي وايش صار معاكي


هل تعتقدون ان الشعور بالذنب مانعه يسال او خوفه من العتب والملامه




لوانتي نزلك زوجك كذا ايش راح تكون ردة فعلك



لوانت نزلت زوجتك بوسط الشارع ايش راح يكون احترامك لذاتك ورجولتك



انا لا ابحث عن حلول انا ابحث عن راي في الموضوع


ايش رايكم باحدث المؤلم وهذا لعلمك اني حامل بالشهر الثامن الان

لاحول ولاقوه الا بالله

انا لو مكانك استخف شلون يقدر ينزلي بالشارع مايخاف علي

ومايخاف يصير لي شي وانتي بعد حامل الله يعين بس دام اعتذر الحمد الله وحس في غلطته

اهو مايبي يسالك لانه مايبي الموضوع يبتدا يبي ينسي

__________________

__________________

بس ليش معصب ماذكرتي السبب

__________________

أختي اسمحيلي اقولك أنك غلطتي في حق زوجك .............المفروض انك ماعاندتي ونزلتي؟ ولا وأقفلتي جوالك؟؟؟؟؟الظاهر ان كل واحد اعند من الثاني...............

لو انا مكانك مشيتها..............................وطبيعي انه ماراح يكلمك بالموضوع لانه بالنسبه له انه انتهى وانحل.والرجال كذا مايحبون الكلام الكثير والاعتذار............

صراحة اسلوبك حلو عشان يحط لج الف حساب قبل مايتصرف ويقو كلام مو في محلة

وانا اعتقد زوجك قال لك انزلي من السيارة عشان يؤدبك وبيوصل لك رسالة انة ماتسالينة وين رايح وين جااي

بس تصرفك حلووو


وانا لو منك كان اسوي لها هلحركة ويحس اني مو طفلة ولا بزرة عشان يهددني ويقولي نزلي

بس اكيد زوجك راح يحط لج الف حساب قبل مايعصب ولا يتكلم بكلام ينم عن التهديد

وهو رجل مميز فعلا؟؟؟؟؟؟؟؟؟؟؟؟؟

__________________

انا قد مريت بموقف مشابه نوعا ما لموقفك مع زوجك
بس الفرق انو اخوي
وصديقني انا ما ندمت لاني نزلت
لانه صار يلف لف وراي من شارع لشارع اركبي وانا مطنشه لين وصلت البيت
وصدقيني بعدها ما كررهاا

مبين زوجك عصبي مررررره وانتي ما شاء الله عليك تتمسكين برأيك وقويه هذي المره عدت وعلى نزله في الشارع ارجوك انتبهي ولا تعاندين زوجك وحاولي اذا عصب ما تتكلمين الى ان يهدى نصيحه من اخت لختها

وهو ما سئل وش صار عليك بعد مانزلتي لانه حس بغلطه