السلام عليكم ورحمة الله وبركاته

ألزواج شر لابد منه , تأكدت ان هذه المقوله صحيحة

أخواني فلقد مللت الحياة الزوجية وانا في بدايتها
سؤالي هو الى اخواني واخواتي المتزوجين , هل الوضع الذي امر ان فيه طبيعي ام لا.
انا من بئية محافظة تزوجت قبل تقريبا اربع شهور , طبعا مجتمعا في الغالب في السعودية لايوجد اي علاقة او اتصال بين الزوج او الزوجة قبل الملكة او الزواج , لذلك كان اول محادثة وتعرف على الزوجة كان في لليلة الزفاف. ولله الحمد كانت البداية سعيد ومشجعة ثم بعد ثلاث اسابيع تغير الوضع من الزوجة اصبحت متقلبة المزاج يوم يكون عسل وعشرة ايام نكد وضيقة صدر وتعكير مزاج, مع العلم انها لم تخطئ بحقي كثير , لكن تقلب الحياة الى ضيقة صدر ونكد , تعبت ومللت من التعامل بهذه الحياة,
اعطيتها كل ما املك من الحب والرومانسية والعطف وخدمتها بعيوني, حتى اني استصغرت نفسي للدرجة التي وصلت اليها من العطف , طبعا الحب والرومانسية والعطف من جانب واحد اللي هو انا, الزوجة لم ادع عليها قاصر , كل شيء وفرته لها , وكلامها اوامر, كنت اقرأ في النت واتابع الاشياء التي دائما تشكتي منه الزوجات من ازواجهن احاول ان اوفره لها سواء كان شيء مادي ام معنوي....
احسست وعذرا على هذه الكلمة , ان النساء اللتي يطلب العطف والحب والرومانسية من ازوجهن , نساء يكذبن بمقولتهن هذه, وهذا من خلال تجربتي.
اتعبني كلامها الجاف بعض الاحيان , والتي جعلتني استنتج ان النساء لا يقومن بوزن كلامهن قبل قوله, لاني تجرحت كثير منها وتعبت نفسيا , لكن لاني احبها حب الله اعلم به صبرت ومازلت اصبر لاننا في بداية المشور

أخواني واخواتي
هل الذي امر فيه شيء عادي؟ لاننا في بداية الزواج؟
متى في الغالب تزوال هذه الظروف لانني مللت.؟ الخوف من التفكير في الطلاق يوما ما على الرغم من اني احبها لكن لا اتحمل انا امرض امامها بسبب حبي لها؟

انا بانتظار مساعدتكم

أخوكم صالح

شكلها صغيرة بس لازم تقدر وتحترم الرجل اللذي تقدم لها وختارها شريكة له

شاكر لكم الردود اخواني
ملكي هو ,,, لا والله ماهي صغيرة

بانتظار المزيد من الارا

((ابعد حبه تزيد المحبه)) الشده والحزم بشكل معقول من الأمور التي تحبها الزوجه في زوجها,,لا ضايقتك بالحكي والكلام الجارح رد عليها وحسسها بخطاها ,,الا شفتها منرفزه وقالبه وجهها عليك بدون سبب طنشها وتجاهلها لين يطيح الي براسها,,نصيحه السماحه والحبابه الزايده هاليومين ماله سنع والناس تفسرها ضعف وخضوع,,طبيعتنا كبشر غريبه تفرض علينا تجاهل مشاعر الناس الي تحبنا من قلب وتعطينا شعور بالثقه الزايده فيهم بحيث اننا مهما غلطنا أو أسأنا لهم احساسنا يقول بأنه مستحيل يزعلون منا أو تقسى قلوبهم علينا,,وهذا غلط لأن لا المحبه تدوم ولا الكره يدوم وكل شيء سبحان الله ممكن يتغير,,

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

لا تكون حامل وتتوحم ...خلها تحلل ..وتتأكد ..
الله يصلح ما بينكم ويجعلها في نظرك من اكمل واجمل النساء ..

__________________

اسمعها مني بعض النساء إذا حست إن زوجها يحبها وضمنت حبه خلاص استضعفته وصارت ماتهتم فيه لأن كل شئ موفره لها الحب والرومانسية والأمور المادية ومرة أخرى أقول ليس كل النساء .. فمنهن من تقابل العطاء بعطاء
ولكن أرى الحل أن تشد شوي وتظهر قوتك في المواقف المحتاجة
أذكرلك قصة أحد الأقارب كان أول ما تزوج يشكو من زوجته بمثل ما شكوت حتى أنها لاتهتم بأي أمر ممكن أن يتعبه أو يضايقه ... المهم مرة من المرات كانت في زيارة لأهلها في قرية تبعد عن الرياض ساعة ونصف فاتصل عليها حسب الموعد اللي بينهم عشان يأخذها للبيت قالت خلاص فلما وصل لها قالت ما ابي أروح اليوم خليها بكرة بعد ماتعب و وصل عندها فما ناقشها بس نظر لها نظرة قوية وخرج من عندها وقفل راجعا للرياض ولا كلمها وقامت تتصل عليه ولا يرد وخلاها تقريبا اسبوع وأحرقته رسايل واتصالات ولايرد عليها وكانت تقول ياقاسي ليش ماتر د ما توقعتك كذا وصارت تعتذر فرجعها وصارت توب التوب على مايقولون
مع إنها كانت تمن عليه أنها قبلت فيه مع أنها محسودة علية لانه رجل بكل ما تعنيه هذه الكلمة من معنى وهي عادييية جدا في كل شئ
سقت هذا الموقف لأبين أن بعض النساء يبغى لها شدة معتدلة

في الغالب اكثر الزيجات في بدايتها مايكون فيه تفاهم وتجانس بالشكل المطلوب لازم يكون فيه شد وجذب وتنازلات من الطرفين لين ماكل واحد يتعود على الثاني ويتعرف عليه اكثر ،،،، صدقني زوجتك تتدلع وعلبالها انها معاك بتكون مخدومه وكلامها مطاع بشكل لامحدود ،،، اخوي جرب التطنيش في البدايه ، ومع اول غلطه لها من غلطاتها المعتاده وقف بحزم عند هالغلطه وقلها من اليوم دلع مافيه ،،،، انا صبرت عليك واجد وتحملت بما فيه الكفايه وتحملت تجريحك لي وماعاد اقدر اتحمل ،،، انتي وحده بتمشين معاي بما يرضي الله بتلقين مني كل شي زين ،،، بتستمرين على هالوضع ،، انتي الخسرانه ، ولازم نبرة صوتك يكون فيها تحدي وكلام صريح ،،، ولاتخليها تقاطعك بالكلام ، سكتها بصوت عالي نوعاً ما (( اذا انا تكلمت لاتقاطعيني )) ومتى ماخلص كلامك عطها ظهرك واطلع من البيت او طنشها ،،،، طاوعني وشوف النتيجه . صدقني عن تجربه . وانتبه لو يستمر تطنيشك لها كم يوم عادي تحمل ، لازم تحس هي ان فيه شي نقصها وهي الي خسرته ، وصدقني هي الي بتجيك وتعتذر منك او تحاول تراضيك بأي تصرف ،،،، اسمع كلامي انا عانيت نوعاً ما في البدايه مثلك وبنفس المشكله تقريباً ،،، وحالياً حياتي مع زوجتي من اروع مايمكن ولله الحمد .

وبعدها اي شي حلو تسويه لك لازم تكافئها لو بإبتسامه او على الاقل كلمه حلوه .

يا اخوي
اعط على قدر ما تحصل منها
يعني اذا قصرت قصر..واذا اصطلبت اعطي

__________________

والله ياأخوي كأنك تتكلم عني أنا كنت مثل زوجتك بالتمام يوم عسل وعشرة نكد وكان هذا كله دلع ماكانت عندي تلك المعرفة بالحياة الزوجية ولاني متحملة المسؤلية فأستعمل معاي زوجي أسلوب التطنيييييش وعاد هو خبير في هذا اللأسلوب ...
بعدها أنا إتأدبت بس مو من أولها بعد ماتفاقمت المشاكل وصرت ماني عارفة أسيطر على حياتي كل يوم عشرين مشكلة وهو مستمر على أسلوبه.....
بعدها تأكدت إني أنا بالفعل زوجة نكدية رقم واحد فأستسلمت لتطنيشه وبدأت أغير من نفسي واللي ساعدني من الدرجة الأولى في تغييييييير نفسي هذا المنتدى الراقي وأعضاؤه المتميزين .....والى الآن وانا مازلت تحت التطوير يعني لاتحسب أسلوب التطنيش من البداية حيجيب نتيجة خااااااااااصة إذا كانت عنيدة مثلي ......عاد الله يكون في عونك
وحاول انت انها تدخل عالمنتدى وتتصفح فيه من وقت لأخر .....
أسأل الله أن يوفقك ويخلي زوجتك زي إنت ماتتمنى
تحياااااااااااتي