السلام عليكم

يا اخواني يا اخواتي انا سبق و عرضت موضوعي وهو شكي في زوجي و الصور التي وجدتها في نقاله

اليوم له 17 يوم مسافر و بيرجع بكرة و هو الان في الطريق المشكلة اني قلت اتصل فيه علشان اتأكد انه جاي بكرة لاني متفاهمة مع الحناية تجي للبيت و ترسميلي حنة قبل موعد قدومه بيوم

جناب المغفلة و الهبلة و الخبلة مسويتله مفاجأة بمناسبة رجوعه و ليلة رومانسية و اجواء..

يا اخوني كل ما اتصل الرقم مشغول مشغول مشغول و بعدها بعثت مسج و قلتله رد علي بالفعل ربع ساعة و رد علي و قالي اني جاي اليوم و سالته ايش اجواءه و ايش اخباره و و و و.. و شوي اجاني اتصال قلته طيب سوق على مهلك و انا جاني اتصال قالي اوكي اصلا انا داخل بمنطقة مت فيها تغطية..

طبعا انا استغربت لانه المنطقة ادري زين انه فيها تغطية بس قلنا يلا...

رديت اتصلت به لقيته مشغول ( صابني الشك و الوسواس) بعثتله مسج : نفسي افهم انت ليه مشغول مشغول مع من مشغول واستغفر الله ، المهم شوي ثاني اتصلت الا انه خارج التغطية و لانه عنده 20 شفرة اتصلت بالرقم اللي اعرف زين انه معبيه رصيد .. لقيته مشغول انصطدمت انقهرت و بعثتله مسج على رقمه هذا واللي طبعا كان مخبيه عني و كتبتله لا تفكر ترجع للشقة انت قتلتني..

يا ناس انا هبلة و غبية اتجهز علشانه و اقوم الصبح اغني بشوق انتظره وو اقول بسويله و بقوله و و و

و في الاخير هو يكلم غيري ،، ادري المفروض اتعوذ من الشيطان الرجيم و اقول لا

و الله لو لقيته مشغو على ارقامه اللي يستخدمها كنت ما شكيت و مشيت الموضوع و قلت يا بنت لا توسوسي و تخربي بيتك

بس مشغول على ذاك الرقم و الله متت قهر... ايش اسوي

لا عاد عندي نية في حنة و لا استشوار و لا زينة و لا شي ما لي نفس في شي ما لي نفس اشوف وجهه ومن اشوفه مدري وش بتكون ردة فعلي... يالله كون بعوني..

يا ريت لا تقرون و تسكرون افيدوني و لو بدعوة.. لاني حقيقة مش عارفة ايش اسوي...

استقبله عادي اعاقبه اناقشه ايش اسوي

اعيره باخته و اقوله انه اختك تكلم شاب لانك انت ما خفت من رب العالمين و هي دقة بدقة

اهرب بجلدي و ارجع بيت اهلي و شماته الناس و كلامهم ... و هم اقاربي.

والله نفسي اقوله انت اخواتك يكلمون شباب لانك تكلم بنات و هن في رقبتك واني ما ابي احمل منك لا تجيني بنت و اللي تسويه في بنات الناس القاه في بنتي و انا كلها 4 شهور و برجع بيت اهلي كلها اناقش رسالتي الماستر و مثل ما كان 17\10\2010 يوم عرسنا رح ايكون يوم طلاقنا و فراقنا للابد..

احيانا يضعف ايماني و اقول باتصل بمهندس هو طلبني و بقوله تكفى ساعدني في رسالتي لاني امر بظروف صعبة... بس انا ما ابي اكلمه حتى ما اكون خاينة..

يالله يا الله ...

صار يتصل فيني وانا لا رديت و عملت تحويل على نقالي..

مدري وش الصح وش الغلط مدري يش اقوله ،، احيانا افر اني اسوي نفسي عادي و اعمل ميك اب و حني و كل شي طبيعي و اضحك و قدام اهلله و استانس بس من يجي معاي ما اخليه يلمس شعرة و اقوله وكلت فيك امري لله و هو مو غافل و رح ياخد حقي منك... و يستحيل اخليه يقربني الا بشروطي و اولها اشوفه يصلي 40 يوم متواصلة مو 3 ايام بس..

و اعطيه انذار اني اول ما اخلص ماستؤ بتركه اذا ما تعدل

نفسي افهم ليش نعامل الزوج على انه الجائزة الكبرى و ليه ندافع و نهاجم
اذا هو شايفله شوفة و ما يصلح و يخون الله الغني عنه....

يعني فرضا لو هو شك فيني اني اكلم غيره او لقى شي بجوالي و اتصل فيني و بالساعات ما ارد عليه و اقوله مشغولة بالجوال

اكيد ما رح يكافيني الا بالطرد...

طيب ليش احنا الزوجات لا،،،

ننقهر نموت ؟؟؟ هو ايش يعني الرجل اذا ما كان محترم و ذو اخلاق و دين و لاشي

ليش مجتمعنا مصر يحطنا بين السندان والمطرقة؟؟؟؟؟؟؟؟؟؟


اخ يا ناس صرت انا اكلم نفسي و ارد على نفسي اكثر من 50 مشاهدة و لا فيه حتى دعوة

وكلت امري لله...

يعني بيكون مع مين مشغول انا فرضا لو لقيته مشغول بارقامه اللي يستخدم فيهم كنت مشيتها و ادري زين انه يحب يسولف حتى مع اصدقاءه كثير...

بس اللي حرقني انه سوى تحويل على نقالاته انهم خارج التغطية و لما اتصلت برقمه اللي مخبيه عني و يستخدم القاه مشغول انقهرت...

ادري الشيطان شاطر بس كمان قلب المرأة يحس،،، انا فعلا ندمت اني بعثتت ذيك المسج

بس تدري اذا جا و ناقشني بقوله انا ما عندي دليل وو ما بدور انا اجاني شعور الله العليم بيه و حركتك اللي صارت بالجوال انا مو غبية عشان ما افهمها،،، بس تأكدت اني وكلت امري لله و ربي هو اللي الحكيم الخبير

فوضت امري لله

طيب لو هو مش مخطئ ليش يبعث رسائل يترجاني... دليل غير مباشر

سابعا هو صار يدور علي و يتصل على اهله و يقول ابي اكلمها ما حصلتها....

حاليا بعثلي مسج و كاتب انتي مهملتيني انا ادور عليك و انتي و لا رديتي .. فبعثله مسج و قلتله انا مو مجبرة اني ادور عليك وانت بايع