ممكن صح ...

تعينت بعد التخرج على طول في نفس الجامعه .. زاملت رئيسة قسمي ودكتوراتي اللي كانوا يدرسوني .. اعطيت محاضرات عملي لزميلاتي من نفس دفعتي واللي لسه ماتخرجوا

نفسيتي كانت سيئه صح لا أدري ما السبب .. وحسيت بضيق في البدايه ربما لأنه جو جديد ونقطة تحول في حياتي من طالبه شايله مسئولية نفسها لاستاذه شايله هم طالبات وقسم واشغال اداريه ..

لكن الحمدلله تأقلمت بعد ترم من التدريس وبدأ احساس الضيق يتلاشى ..

دائماً يا اختي قولي الحمدلله على النعمه غيرك مو لاقي وظيفه والمشاعر اللي تحسي فيها عاديه تجي دائماً في البدايات لكن محتاجه وقت تاخذي وتعطي مع الزميلات

اكيد في معلمات قريب من سنك في المدرسه
والكبار مافيه مثلهم .. تاخذي منهم خبره وتستفيدي منهم كثيييييير ..

__________________

(( لا شيء يجعلنا عظماء سوى ألم عظيم ))

انا تنقلت من تلات مدارس وكانوا اريح من دى المدرسه
دى المدرسه مارتحت فيها مع مديرتها طيبه لكن مارتحت
مافيه ابدااا وحده بسنى ولا قريبة منه المدرسه قديمه و معلماتها ماسكين اماكنهم فيها
وماعندهم خبرة بالنظام الجديد بالعكس يقولوا انتى درستيه قبل فاعطونى نصاب اكتر منهم
كلهم يبغون رواتبهم ماتنقص ويحاولوا يكملوا ثلاثين سنه قبل التقاعد
ان سالتهم عن حاجه ضحكوا وقالوا متحمسسة و يقولون لى مشى مشى ماحد داري عنك ..
وهم يسالونى عن حل الانشطه الجديده كيف نحلها و الاستراتيجيات الجديده ..
والله العظيم بدون مبالغه انهم مافكروا الا بالراتب وبس ..
ولا يتكلموا معايا يتكلموا مع بعض عن بناتهم و زواج بناتهم و اولاد بناتهم
عن بن القهوه ايش نوعه من فين شارينه و بس
وفوق دا حاطين لى مكتب في الدور التالت كلمت المديره و تتعذر عنهم
انهم حريم كبار و ظروفهم ماتسمح يطلعون و ينزلون و صعب يقربون مكاتبهم من بعض
مايقدرون يمرون من بينها بحكم الحجم ..
حتى اماكن الصفوف الدراسيه غيروها طلعوا المرحله اللى ادرسها فوق عندى
ومراحلهم تحت عندهم ...
جد تعبت ..

شوفي بالنسبه انهم مايعرفون للنظام الجديد

( قولة مااعرف راحه ) هذا مثل عندنا ..

ياحبيبتي مافيه أحد غبي .. اللي تبغى تعرف بتعرف .. بس هم وصلوا لمرحلة انه خلاص مانبغى نشتغل وبنات الناس يصطفلون ..
وصلوا لمرحلة عدم العطاء .. عشان كذا والله أتمنى من الدوله تعيين الشابات اللي جالسين في البيوت ..

بخصوص لما يقولوا لك متحمسه وما ادري ايش ؟!!

حماسك لا يقل ولا تتأثري بكلامهم .. انتي بتحللي راتبك .. ترضين عيالك يأكلون قرش حرام؟؟!
التدريس رساله .. واللي تعمليه كله أمانه .. اتركيك من كلامهم اللي لا يودي ولا يجيب

ولعلمك .. اغلب اللي يقولوا هالكلام تلاقيهم يشتغلون من تحت ويوضحون لك انه مو هامهم وانه مو متعبين انفسهم .. وهم للأسف كذابات ينجزون شغلهم عشان الرئيس أو المديرة ماتنقصهم في الاداء الوظيفي .. يعني لا يغرك هم عاملين حسابهم
لكن شغالين بالتحطيم عليك عشان تقصري في شغلك ..

ومثل ما قلت لك لا تهتمي من كلامهم .. تري مو عشان الأداء الوظيفي ومظهرك قدام الوكيلة .. عشان الأمانه اللي في يدك ..

والله العظيم احيان اذا عندي شغل في الجامعه وأمور بنات الناس متوقفه عندي
أجلس من الساعه 8 الصبح لين 6 المغرب عشان أخلص معاملاتهم
هل أنا ملزومه أجلس هذا الوقت كله؟؟
مو ملزومه طبعاً .. من حقي أرتاح وأنام مثل الخلق والعالم

لكني عارفه انه أي تأخير في معامله مثلاً ممكن يحرم الطالبه ويدمر مستقبلها ..

فالواحد يخاف الله أولاً ولا ينظر لأي شخص من المثبطين ..
عملك بينك وبين ربك .. الله يحاسب

__________________

(( لا شيء يجعلنا عظماء سوى ألم عظيم ))

انقلي من مدرستك لمدرسه ثانيه
او حولي من معلمه الى اداريه الحلول كثيره ان شاءالله
بإمكانك تأخذين اجازه امومه بدون مرتب او بنصف راتب ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

يا أختي لو يعطوني أضعاف الأجر المعتاد ما أدرس في مدرسة تذكرني بطفولتي بحلوها وبمرها.. المسألة نفسية ما أقدر حتى أمر جنبها..

يمكن الأمر له علاقة بعلاجك مثلما قلتي..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

غصب عنى مو بيدي رفضضت بس اضطريت اداوم
ماما راحت تنقلنى فيها ..
المدرسه دى لها ذكريات كتيييره لسى افتكرها مريت فيها بازمه نفسيه كبيره
كنت ابكى كل صباح بعد الازمه مابغى اداوم و اروح غصب
كنت جدااا شااطره بس جدااا جدااا خجولة اغيب وقت التكريم عشان استحى
نفس المكان ونفس الساحه ونفس الزاويه اللى كنت اجلس فيها مع كم بنت من زميلاتى
والاغلب وحدى ماتغييير المكان ابدا ..
تجينى مشاعر غريبة و ذكريات تمر و احس بتغير داخلي و مع طالبات غير الان
الوجيه تغيرت و الاسماء بس نفس الجو اللى زمان نفس الاهتمامات و الكلام
لا شعوريا ارجع معهم للماضى و اقرب منهم و لكن بشكل افضل من زمان
احس اتجرا اكتر و اكتر ماعرف كيف
بس اكيد دى فكرة الدكتور ماغيره

حاولت احول اداريه بس رفضوا ..
واخذت اجازه بدون راتب مده ترم كامل
وقدمت مره تانيه وً تم رفضها ..

عليكم السلام ورحمة الله وبركاته

أشجعك وبكل قوة تكرسي جهدك ونفسيتك وروحك لأولادك وزوجك وبيتك وسترين أن راحة النفس واستقرار القلب أهم من المعيشة في بيئة متسخة بالحسد والكبر والتنافس غير الشريف وعالم المدارس مشحون تنغيص وحسد ومشاجرات وابتعاد الله الخلق والسماحة والتواضع والطيب .
وأختي كانت تريد تصبح مدرسة ولكنها رفض ونحن وزوجها كنا رافضين تعمل والان الحمد لله تحمد ربها ألف مرة انها لم تعمل هناك واذا سمعت عن قصص المشاجرات والحسد والعنف والضيق النفسي التي تعاني منه المدرسات تقول أعيش بالاكتفاء مع زوجي أفضل مليون مرة من المال الذي يتبعه ضغط وسكر وأمراض.

اشتري صحتك وعافيتك ومزاجك وعيشي القناعة أفضل من أن تتدمري نفسياً وتأتيك الأمراض وتصرفي راتبكِ كله في العلاج .

العافية لا نعرف قيمتها إلا اذا فقدناها ... والعيش بتواضع مع عز ، أفضل من العيش بغنى مع مهانة
والحال لن يدوم غداً سيتغير حال زوجك للأفضل بفضل الله وستقول نحن نعيش مثل الناس ولا ينقصنا شيء، وهذا قالوه غيرك قبلكِ .

صح و هذا رايي كمان
ما فيه افضل من انى اجلس بالبيت مابغى اشتغل
لكن مو بيدي احتاج مصروف بجد