السلام عليكم
الحمدلله لست اعاني من أي مشكلة
ولكن أريد توجيهي في أمر ما
حقيقة لازلت أحياناً اتعامل وفق اهوائي لا بطريقة تكتيكية ومدروسة
أما الآن فأريد أن اوازن ما بين التصرف العفوي و التصرفات العقلائية المدروسة

زوجي مسافر ، واعلم بإنه كثير الإنشغال
وهو حاليا في مكان تكاد تكون فيه شبكة الانترنت معدومة
وإذا كان لديه وقت مناسب يفتح " الواتس اب " لتتمة اعماله المهمة
فبالتالي وقته يكاد يكون معدوم لمحادثتي
ولعلمكم بإن شخصيته شمالية شرقية
فكيف تكون طريقة تواصلي معه ؟
حقيقة اجهل الطريقة الأمثل للتواصل معه وهو بعيد فهذه المرة الأولى ...

وعليكم السلام ورحمة الله وبركاته

هلا بالزين ,, شو الاخبار ,,,, الله يعلي مقامش كوكي وفي قسم ساعدني قوووويه مره


ان شاء الله اكون عند حسن ظنش بي

للمعلوميه انا عزباء .... ما فهمت مشكلتش زين اسهبي اكثر

__________________
وهل من مصير اخر ؟

هلا زين حبيبتي

وعليكم السلام ورحمة الله وبركاته..

الله لا يجيب المشاكل ويديم عليك الراحة والسلام ❤

ويرجع زوجك سالم غانم يارب.

بالنسبة للتواصل، فأحسن طريقة انك ترسلي له مسجات على الواتساب وهو وقت ما تتوفر عنده شبكة يرد عليك !

بس لا يكون كلامك كأنك بتضغطي عليه و تنتظري منه رد، فقط مجرد سؤال واطمئنان!

أو

إذا اتصل عليك تقولي له لو تقدر تسمّعني صوتك وقت ماتفضى من وقت للثاني سريع، بس أطمن إنك بخير..

للعلم لو طنّشتيه ومارسلتي تسألي عنه بيتضايق ويشوف قلة اهتمام منك ،

ولو ضغطتي عليه وجريتي وراه بالرسائل والاتصالات، حيحس انك بتضغطي عليه و ماتقدّري إنشغاله وضغطه..

😊 شدعوة مقامج عالي والله
واخترتكم انتو الثنين لأن آرائكم تعجبني
وعقلانيين ما شاء الله ..

هي حقيقة مو مشكلة بس حالياً زوجي مسافر
وما ابي اتصرف بعفوية حالياً ولا اخلي مشاعري تتحكم بي
😁 لأن بجننه من الاتصالات والرسايل
ومحتارة شلون اخلي طريقة تواصلي معاه
هل اسأل على طول
ولا اتغلى ولا شلون
ابي اتصرف بحكمة اكثر

وفي نفس الوقت بنات اذا رجع بالسلامة ان شاء الله
في اليوم اللي مش يومي
شلون اخلي التواصل
او اكتفي بزيارته الظهر و زيارته لي بالليل قبل النوم

ابي امشي حياتي صح
ما ابي اغلط
ولا الي مشاعري هي اللي تحركني بشكل واضح وصريح فشلون اكون متوازنة

تسلمين زين

ها بشري جننتيه اتصالات ولا كبحتي جماح عاطفتك

تبين رأيي ,,,, خليه هو يدق ويبادر ,,, عطيه حق المبادره كوني مستقبله ,,, فرصه تجربين شو الي ممكن يناسبه

مو الي يناسبش

ممكن يشعر بالتغير واظنه التغييير للافضل ,,,, تواصلي فقط بالواتس وتحيني الوقت المناسب له ولا تسألين كثيييير ؟؟؟؟؟؟

لا تكثري من التساؤلات .... متى بتجي ووين مقيم ومن الاسئله الي شبه معروفه


هو رجل مو طفل فلا تخنقينه ... اكيد بيكون مشغول فخليه على راحته ,,,


اذا رجع بالسلامه تحمدي له فقط من خلال الواتس وخليه براحته لا تسألينه بيمر عندش او لا ولا تنزلين له للمكتب

ولا تكتبين له كلمني ,,,,,,,,, لا تكررين نفس الاخطاء

اذا جى عندش برغبه منه لا منك ، استقبليه واذا حابه تهدين له اهديه ,, قعد خير وبركه ما قعد الله وياك


لاحظي انه زوجش يحس ومستشعر اكثر مما تتخيلينه ,, انش تغارين وعندش حب امتلاك

فأنتبهي لتصرفاتش

بس عندي تساؤلات : كم مدة غيابه ؟ بيطول


وليش تحاتين كثييير هل مريتي في فترة سفره وتواصلكم مع بعض بمشكله ومو حابه تكررينها ,, اذا مريتي بها حاولي ما تكررينها


وتفادي ما فعلتيه بالسابق ... اخر نصيحه لش لا تبالغين في ردود فعلك ، واجهي مخاوفك ، زوجك لا يحب الضعف


اتمنى اكون افدتش

__________________
وهل من مصير اخر ؟

في موضوع جميل جدا وممكن يفيدش زين

موضوع الفجوه العاطفيه بين الزوجين في قسم السعاده الزوجيه للعضوه المؤيده بنصر الله


اتمنى لك الرضا والسعاده

__________________
وهل من مصير اخر ؟

مشكورين بنات ❤️
قرأت كلامكم والمعذرة ما كنت قادرة ارد
والحمدلله ألحين لقيت الفرصة

هذي اول سفرة له تصادف بحياتنا الزوجية
وهو اكيد بيمر عندي من غير طلب فمستحيل اتصل عليه واسأله وعلى فرض - و فرض المحال محال - انه ما بيمر هم ما بتصل

مستانسة من نفسي وشكراً لأنكم ساعدتوني ❤️ ممتنة لكم وايد

ما اتصلت فيه .. هو اللي يتصل
وصار موقف ما زعلت فيه بس سويت نفسي زعلانه وطلعت من الواتس اب وفي نفس الوقت بتوقيتنا كان وقت الصلاة بس بتوقيت البلد اللي هو فيها للحين ..
هو يعرفني اذا اسوي نفسي زعلانه بس ما ادري ليش تفاعل هالكثر 😂😐 الظاهر عجبه الدور
وظل يكتب رسايل وايييييد واتصالات وواتس اب

ما اسأل عنه وايد بس على قولت الاشراقة عشان لا يحس ان اهملته فاسأل احياناً رفوع شره
و رغم انشغاله ما قصر معاي بالسؤال والتواصل ومعيشني جو سفرته وانشغاله واجتماعاته بالصور

فيه أمر صاير مكدر خاطري
ومحتارة اخبره او لا!
معلمة ابناءه متصلة بي تشتكي من الام
لأن الام متصلة بالمعلمة ومهزئتنها!
لان المعلمة سبق وحاولت تتواصل مع الام والام ما ترد
والطفل متدهور مستواه لان محد يدرسه حالياً
والشغالة هي اللي تحل معاه واجباته او يروح بدون ما يودي معاه الواجب
الطفل ذكي بس مستواه ضعيف وكثير الغياب

اخاف اخبر ابوه ويتضايق
اخاف اسكت وبعدين يحط اللوم علي ليش سكتت؟!
هل ارجع ادرس عياله ؟؟

الحيرة تاكل قلبي ..
هو يحس ان انه مسؤولة عن ابناءه وان المفروض اخبره بكل شيء
لأنه يعرف ان بناته يفضفضون لي
وانه مو كارهه هالمسؤولية بالعكس عيوني له ولعياله
بس ما ادري شالتصرف المناسب الحين!!!

زين فرحت لتطوراتك ممتاز الحمدلله، الله يهدي سركم

بصراحة مو عارفة بايش أنصحك،

لأنه بالنسبة لي شي غريب يحملك مسؤوليتهم ويلومك بشي يتعلق فيهم- حتى لو إنت راضية- وأمهم لسة في الدنيا !

من رأيي اتصلي على المعلمة واعطيها رقم زوجك وخليها هي تخبره او ترسل له مسج مثلا،

بلاش تدخلي نفسك في الموضوع لأني أشوفه شي حساس هي بتشتكي من تقصير الأم وانت ضرتها تجي تخبريه!

مهما كان قصدك فعل الخير ، ممكن نيتك تنفهم غلط إنك بتتصيدي أغلاطها أو تكرهيه فيها

كمان ، حتتنكد سفرته وبيشيل همهم وراح ينعكس على علاقتك معه..

خلي المعلمة تتواصل مباشر مع والدهم أفضل

والله أعلم


ملاحظة على السريع:
لا عاد تحملي نفسك مسؤوليتهم مهما بلغت رغبتك في المساعدة والعطاء، والباب اللي يجيك من الريح سده واستربح

الحمدلله رب العالمين بفضل الله ثم بفضل النصائح اللي تلقيتها منكم ومن بنات وشباب المنتدى .. وآنه بعد احس بالراحة لهذي التطورات و زوجي أيضاً قال لي انه بدأت تتعدل نفسيته ويشعر بالراحة اللهم لك الحمد .

بخصوص ابناءه ما ادري حبيبتي اذا تعرفين مواضيعي السابقة أو لا
من أول يوم جاني يخطبني قال لي عندي نقطة مهمة جداً .. عيالي ما فيه من يهتم فيهم ولا في نفسيتهم وتعليمهم وآنه ابي زوجة اعتبرها امهم تهتم لشؤونهم وتعليمهم ونفسيتهم وتخبرني بتطوراتهم خصوصاً اني كثير الانشغال...
امهم الله يخليها لهم ويحفظها موجودة وما ابي اتكلم عن بنت الناس..

خايفة ان اخذله .. وخايفة اتسبب لنفسي بمشاكل آنه في غنى عنها
ما ابي فجأة اسحب نفسي من كل شيء
احبه وما يهون علي ضيقه أو زعله ... احس نفسي في حيرة

قلت له خل المعلمة تتواصل معاك ما وافق ، خصوصاً ان المعلمة نفسها حاولت تتغزل به مرة عن طريقي احيانا تقول لي حطي صورته
واحياناً تقول لي شخبار " شيخ الرجال " 😐👋🏻😏 يا زعم مطيحة الميانة لأنه شخص معروف فتفكر ان عادي تقول هالكلام
المهم انه ما يبيها تكلمه ولا تتواصل وياه
والادارة يحاولون يتواصلون مع الام والام ما ترد
وعمات الطفل سبق وصارت مشاكل مع ام الطفل فما بيتدخلون