هونها تهون الحياة الزوجية خاصة في أولها تحتاج الى تضحيات

بعدين توها صغيرة وطالبة فقدر ظروفها وجب شغالة تونسها وتساعدها لأنها طالبة

الشبيءالثاني شغلك ماكل زوجة تقبل ان يكون زوجها من أول اليوم الى أخره وهو في العمل فعليك أن تعوضك زوجتك بالحنان والمحبة والوناسة وأبتعد عن الشدة الغير مبررة وخاصة في وضعك الوظيفي حيث ماكل أمرأة ترضى أن يكون كل وقت زوجها في وظيفته لذلك يقولن النساء أن زوجة المدرس من أسعد النساء المتزوجات لأن كل وقته عند زوجته وعليك بالدعاء ان يوفقكم الله ويسعدكم

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

في البدايـة احمد الله و أشكرهـ علي تماام السنة بزوااجي والحمد لله وعسى الله لا يغير لا علينا

آمين




كما ذكرت اخي ...زوجتك خوافة ...واغلب الوقت انت في الدوام ....

هات لها شغاله :

1- علشان يكون معاها احد بالبيت في فترة غيابك الطويله .
2- علشان تقوم الشغالة باشغال البيت وهي تتفرغ لدراستها و لك .

ولفت انتباه زوجتك عن سبب احضارك للشغاله ...

(( ابيك تتفرغين لي ))
اللهم اسعدهم وارزقهم ....

__________________
الفيلم الوثائقي : أحداث الاربعاء 16 - 11 على اليوتيوب

شوف اخي الكريم


هي بحاجة الى اعادة تنظيم الوقت .. يعني هي تجي بدري من الدوام يمديها تطبخ الغدا وتزين كل شي وتنام بعد الى ان تجي

المهم انك تصارحها بهذا الشي و تقولها ان وضعك مو زي في بيت اهلك .. لازم تعيدي برمجة حياتك
ممكن انها تطبخ غداها من الليل .. انا كنت اسوي كذا وادخله الثلاجة واليوم الثاني اسخنه لاني كنت ارجع من الجامعة الساعة 4.

اعتقد انك يجب ان تكون صريح معاها في سالفة الطبخ

الشي الثاني وانا اختك .. هي ما زالت طالبة وفي تخصص يتطلب منها مجهود بدني كبير .. والزواج مودة ورحمة .. لا تدقق في اشياء كثيرة ..وكل شي يجي بالتدريج والهداوة

مثلا الغسيل .. الله يجزاك الف خير انك شايل همه .. ترى انا اتكلم من من تجربة .. انا طالبة كذلك واعرف اهمية الوقت بالنسبة لي .. فإذا كانت هناك خيارات ممكنة لتخفيف المجهود بدون ان يحصل تقصير لابد ان استغلها والمغاسل وفرت هذه الخيارات ..

ترى والله انك مثاب لو خففت عنها حمل الغسيل حتى لو كانت ملابس داخلية

شوي شوي الى ان تتعود هي ان تغسلها من نفسها بشرط تذكيرها بالكلمة الحلوة وبالرفق واللين

ممكن تقولها الملابس لاهنتي يوم الاربعاء مثلا قبل لا تطلعي اي مشوار غسليهم بالغسالة والخميس الصباح اكويهم .. وانتهينا .. بس زي الشمغ والثياب هذي افضل في المغسلة زي ما تفضلت



المسألة مسألة تنظيم وقت ,, واغلب البنات يعانون من هذه المشكلة اول سنة خصوصا الطالبات ..


والحبوب تقلب ام النفسية على فكرة ..

صدقني ماراح تنسى وقفتك معها في دراستها .. وانت احتسب الاجر لان ما تفعله من حسن الخلق وخياركم خياركم لاهله كما قال رسول الله صلى الله عليه وسلم

أخي الكريم

خدمة الزوج لاتحتاج لطلب منه او محاولة فمن المفترض ان تبادر بها دون طلب من شخصه

والشيخ خالد الصقعبي تحدث عن هذا الموضوع وقطع الشك باليقين

تفضل

يمنع وضع روااابط خااارجية

ثانياً

لنكن أكثر منطقيه بنات هالجيل مو مثل أمهاتنا الله يخليهم لنا ... يهتموا بالمظاهر والبرامج والكسل ... ولكن عنصر ( الاقناع ) هو سلاح ذو حدين يملكه الزوج الذكي الأريب الذي يحول الخسائر الى أرباح أما الجاهل الرعديد فيجعل المصيبه مصيبتين

يؤسفني أن أخبرك أن البنت اذا تربت على حاجه معينه فستستمر معها الا ماندر ... ستحاول أن تغير من نظامها اذاكانت تحبك وستضحي في سبيل أرضائك ولكن بأسلوب لبق واذا مانفع ذلك مالك الا الجزاء الشرعي ( الهجر بالفراش )

مع أخترامي لرد أحد الأعضاء باقتراحه جلب خادمه أعتقد والله أعلم أني جلب الخادمه سيجعل من المصيبه مصيبتين بحيث انها لم تلد بعد وحديثة عهد بالزواج فاذا لم تتعلم خلال هذه الفتره فعليك بنسيان الفكرة نهائيا الى غير ذلك من الخسائر الماديه والاجتماعيه وانعدام الخصوصيه بالبيت .. فانا ضد أحظار الخادمه خاصه في هذا الوقت بالذات

بالنسبه لموضوع الحبوب نعم أخي فحبوب منع الحمل للأسف مضارها كثيره :

1 - اذا تناولتها الزوجه بداية الزواج قد تسبب لها العقم لاسمح الله بالاضافه الى تغير الهرمونات .
2 - تغير مزاج الزوجه بحيث تصبح عصبيه الى درجة كبيره .
3 - الاثار الجتنبيه مثل تساقط الشعر من المرأه .
4 - علاوة على ذلك انه في حاله على انجاب الفتاه في بداية الزواج واذا زادت المدة لاكثر من سنتين تضعف عظامها بشكل كبير فتحتاج الى فيتامينات واسئل الله لك الراحه في حياتك الزوجيه

حياك الله اخوي متزوج ولكن ..

مشكلة تنظيم الوقت .. مشكلة تعم اغلبية المجتمع

حتى المتعلمين منهم .. فيه ناس يتداركونها

وناس يهملون .. زوجتك فعلا تحتاج تنظيم وقت + شوية اهتمام

دورك انت : تشجيعها

تشجيعها يكون عن طريق انك : تشوف الشي الي تحبه

وتعطيها اياه .. تحب هي طلعات مطاعم طلعها .. تحب الهدايا

اهدها .. تحب السفر سافر بها ..

زد لها مصروفها .. اظهر احتياجك المعنوي لها حسسها

ان وجودها مهم لك بكلامك وتصرفاتك ..

الهدف من هالتصرفات زيادة شعورها بالامتنان ناحيتك

عشان تكون ردة الفعل هي : التفاني بخدمتك

وبنفس الوقت .. حاول تسهل الامور اكثر عليك وعليها

الملابس الداخلية جب لها نشافة حرارية تعلقها اول ما تطلع

من الغسالة .. وتطلع لك كنها مكوية .. كل الي عليها

تطبقها وتحطها بالدولاب .. الطبخ .. ممم التسامح شي طيب منك

اقصد .. لو انك تتفهم ان الطبخ اليومي بحد ذاته شغلة متعبة جدا

راح تهون عليك الامور .. اقصد تخيل لو تدخل لك كل يوم تسوي

اصناف منوعة .. مع كومة المواعين حقتها وتنظيف المجلا والارضية

والفرن بتاخذ مالا يقل عن ساعتين .. فانت حدد ايام معينة بالاسبوع

تطبخ فيها .. وايام ثانية مفتوحة لها حسب مزاجها طبخت لك ولا جبت

من برا .. بكذا تكون اعطيتها مساحة حرية باذن الله ترجع عليك

باشياء ايجابية ..

اخوي .. زوجتك .. ماهي بذيئة بالكلام او التصرفات .. تصلي تخاف

الله فيك .. مريحتك عاطفيا .. اتصور هذي اكثر الاشياء الي نحتاجها كلنا

فهل توقف سعادتك معها على كم فانيلة ولا كم يوم ما طبخت لك

فيه ؟؟

بخصوص الخادمة ما انصحك تجيب .. للاسباب المذكورة بردود الاخوان

متزوج ولكن ..

انت الان راح تجلس مع زوجتك .. وتصارحها

وباسلوب محترم ومشجع .. وفيه تفهم

ترى اسلوب الحوار ياثر على النتايج واتصور انت

عارف هالشي .. راح تتكلمون عن الطبخ

وتقول لها انا مقدر جهدك لو مهما كان بسيط

ولكن بصراحة انا ماحب اكل برا ..

هذا اقتراح بخصوص جدول الطبخ

اتمنى ان شاء الله يروق لك ويروق لزوجتك

حدد لها ثلاث ايام بالاسبوع .. سبت اثنين اربعاء

تطبخ لك فيها .. وحدد لها الاكلات الي تطبخها لك

وتكون عارف انها سريعة وماتاخذ وقت كثير ..

زي سندويتشات مثلا .. ووضح لها انك اخترت

هالاصناف الخفيفة عشان ما تتعبها بالطبخ

يوم الاحد والثلاثاء .. قل لها انتي حرة تحبين

تطبخين الله يعطيك العافية بكون سعيد ما تحبين

ولا يهمك اجيب من برا ولا اتعبر باي شي

يوم الخميس .. قل لها اتمنى هاليوم يكون لي

تجهزين سفرة منوعة على ذوقك وابداعك

يوم الجمعة نطلع نتغدى برا ..

هذي فكرة بسيطة ... وانت تقدر تعدل

بالي يريحك .. ولاحظ المقصد من هالجدول

مو بس تنظيم جدول الطبخ لها .. ولكن كطريقة

تبين فيها حرصك على راحتها .. والي اتمنى يكون

باذن الله تعالى دافع لها تعطيك اكثر

انا فقط استنكر من كلمة صغيرة بمداخلتك اخوي ..
بالجامعة وصغيرة طيب والي تتزوج باول متوسط وشايلة بيتها وزوجها
وش تصير .
والله مافي صغير
في شي اسمة تهاون وعدم احترام
مدري وش قصة هالايام
اكل مطاعم
ملابس مغسلة
شغل بيت شغالة ومافي بالبيت غير 2 بس
والله زمن الدلع والرفاهية والمشاكل من دون اسباب
لاتعليق اكثر .
بصراحة .

__________________
[ ]

ايشبهم الحريم كلهم مافي مسئوليه

زمن العجايب

الله يعينكم ويريحكم يااااارب

__________________
ياررب ارح قلبي وعوضني خير

زوجتك مع احترامي لك
ولطيبتك
مو مهتمه

حسسها بعدم ارتياحك
وهي اذا صدق تغليك بتعدل امورها
اما نوم ست ساعات الين تجي وبعدين تقوم!!!!!!!!!!!!!!!!!!!!!!!!!!!!!!!


هذي زووووووجه
لازم نظام للزوج

هي تعاملك وكأنها لسا في بيت اهلها
عاملها انت كمان وكأنك لسا عزوبي

انا ماقصد تنساها
بس اذا طلبت في السوق قول لها خلي ابوك يوديك وطالع فيها وش تسوي
بتطلع عيونها
ايه ليه ما يوديك مو انتي لسا عايشه على نظامك في بيت ابوك
خلاص خليه يوديك

مو انتي ما تغسلين ملابسي يا زوجك
مالك نفس دايما تطبخين لي يازوجك
وعدد لها

وكأنك لسا في بيت ابوك
خلاص خليه يجي يكمل لك

انا متزوجك ومتزوج المغسله والمطعم
ماعلي قصور



صرااااااااااااحه
كلنا تزوجنا طالبات
ونكرف كرف ..........
لا ومع الحمل
وماكان يسوي كل شي الا احنا ( اتكلم عن الزوجات اللي فعلا قايمين بواجباتهم من غسيل وطبخ واهتمام بلقاء الزوج ووو)

صراحه اللي ودها تكسل بتكسل
واللي ودها تشد بتشد

اللي ودها تتميز مع زوجها بتتميز
اللي ودها تأسره والله مابتغلب

بس اللي مطمنه انها مو فارقه معاه ومش ممكن يتخلى عنها او يزعل عليها او يتضايق من قصورها عليه
والله يحق لها تتمدد بعد وتخليه هو يخدمها

من الاخير
الخيل من خيالها
وافهم يافهيم

تقدر تخرعها من باب الماده اذا انت مو عارف كيف تبين لها تضايقك
قول لها ترى الميزانيه ماعاد تسمح

الاكل من المطاعم يكلفنا كذا وكذا
والغسيل كذا وكذا

يعني مايبقى لنا كذا وكذا من بعد ما نخصم حق السياره وملحقاتها والاكل واغراض البيت والفواتير
وشدددددد الحزام وخلها تحس

يارب تبطل دلع وتقوم

__________________
[/IMG]

مدري ليه تحمست مع مشكلتك لدرجة وانا اقرا جلست اكتب عندي رؤوس اقلام عشان ارد عليك
لاحظت فيه ردود متعاطفة جدا مع زوجتك و ردود قاسية ..

أنا من رأيي انك لا ترخي مرة ولا تشد مرة
ملاحظة قبل كل شي: لازم انتم يارجال تحطون في بالكم ان احنا غير الجيل السابق، ما كنا متعودين على شي وفجأة تنحط أمامنا مسؤوليات عديييدة وصعبة (زوج- طبخ- غسيل اواني- غسيل ملابس- كوي- تنظيف بيت ترتيب مسح تلميع وشغللل لا يطاق )

اللي في وضع زوجتك بصراحة يكسرون الخاطر، اقصد طالبة ومتزوجة
ومع ذلك المفروض انها تزوجت وهي عارفة وش بيقابلها من صعوبات ومسؤوليات
وفي المقابل انت مطلوب منك تتعاون وتتساهل معها ..

ببدأ معك وحدة وحدة ،
بالنسبة للنوم هذي النقطة ما معها حق فيها ابدا !
ماشاء الله لو محلها استغليت ان زوجي يتأخر وقدرت انام وأطبخ وأخلص أشغالي
ببساطة وضح لها انك تبغاها تكون صاحية اول ما تجي من دوامك
لو فرضنا انها وصلت البيت 2 ونامت لحد 4 بيكون قدامها ساعتين تتجهز وتطبخ فيهم قبل ما تجي
بس ضروري تشد على انها تصحى ، لو في البداية تجيبها بطريقة حلوة.. مثلا تقول لها انا اجي البيت و نفسي اشوفك لأني اكون طفشان من الشغل وانتي اكيد بتغيرين نفسيتي ..

و سالفة الخوف ابدا لا تعطيها وجه فيها عشان ما تستفحل، لأن هذي امور نفسية تزيد اذا ما وئدت في مهدها
كل الناس في بيوت لحالهم و مو طول الوقت معهم رجالهم .
وأحيانا احنا يالحريم نبالغ في سالفة الخوف او حتى نختلقها لأسباب نحتفظ فيها لأنفسنا



نجي لموضوع الكوي،
أنا معها بصراحة هالشي ما يطااااق والان صار فيه ادوات تساعد عليه
اهمممم شي جب لها نشاف (يجي لوحده مو مع الغسالة) والله انه من اكثر الأجهزة فعالية في البيت و ملابسي البيت كلها و ترنقات زوجي وملابسه الداخلية وملابس ولدي ما صرت اكويها، تطلع منه مفرودة ما تحتاج غير طوي
أما الثياب البيضاء يكويها زوجي برا مع الشمغ
يعني صرت ما اكوي الا ناااادرا وهالشي اراحني كثير لأن الأعباء كثيرة لازم يخف منها شي .

غسيل الثياب برضو احرص هي تغسلهم و مافي مانع تساعدها مرات وأكيد غسالتكم اوتوماتيك ولو كانت غير ذلك فضروري الاوتوماتيك تريّح .

اما عن الطبخ بما انها تجي بدري فعندها وقت كثير يمديها تطبخ
وأنا مع اللي قالوا مو كل يوم لأنه شغلة مملة جدا وتجهد الذهن بالاضافة الى الجسد
يوم تطبخ ويوم تسخن حق أمس (هالشي يريح خصوصا اذا كانت مرقة او رز لو تسخنت ما يتغير طعمها) وانت تساهل معها قلها احيانا اطبخي حق يومين ومرات تجيب من برا ومرات تطبخ حاجة خفيفة مثلا توست محشي او برقر .. بس لا تتعود انها ما تطبخ ابدا أقلها مرتين في الاسبوع دامها تدرس .. و بما انك تجي متأخر فصارت عليها وجبة وحدة غداء عشاء يعني لو انت حاب ما تاكل اول ما ترجع احيانا فتكون ما تطبخ الا المغرب ويكون عشاء ..

جلي الصحون سهل مقارنة بالأشياء الثانية. لو فيه امكانية غسالة الاواني يمدحونها بس ما أحس الموضوع يستاهل اذا هي ما تطبخ كثير والاواني قليلة ، تاحسها تنفع اذا الاواني كثيرة .


تنظيف البيت عموما ممكن كل شهر تجيب يوم خادمة بالساعات للتنظيف العميق ..

وفي النهاية الله يسخركم لبعض
وجميل جدا تقديرك لوضعها الله يكثر من أمثالك
وبالتأكيد الحزم مطلوب في أوقات لأن اذا تعود الشخص على الكسل صعب تغييره
كما أن اللطف مطلوب في أوقات أخرى، والله اني أقدر زوجي كثيرا ويعجبني منه انه لا يدقق في هذه الأمور رغم أني جالسة في البيت، واذا كنت غاضبة منه لأمر ما (عنده عيوب) فإني مباشرة افكر في هذه الميزة وهي انه ما يطالبني بما فوق طاقتي ولا يدقق وراي مثل بعض الرجال، وبصراحة هذه الميزة رغم بساطتها إلا انها رفعت رصيده كثيييرا و خففت عني عيوبه الباقية ..

يرجى كتابة (ما شاء الله) كما بين أقواس و شكرا /الاشراف