زوجي بين فتره وفتره اهله يطلبونه فلوس مع انه ربي منعم عليهم قبل شهر طلبو منه 4 الالاف ريال والحين الف و4الالاف زوجي كان طالبهم يعملون له شغله وقبل كدا اعطاهم 1500 ريال والشغله هده ما تكلف كل هل المبلغ وهو كان قصده بعد ما اعطاهم 1500 يعطيهم الشهر اللي بعده 1500 وخلاص انتهت الشغله بس هم طلبو هالمبلغ مع اني انا عادي يعطيهم بس مو على حسابي انا لاني قبل مايطلبونه المبلغ طلبته شي وقالي ادا استلمنا الراتب وفي نفس اليوم اللي استلم الراتب ابوه دق عليه وطلبه وهو اعطاه وبعدها بفتره قلت له ابي الشغله اللي وصيتك عليها قالي والله حاليا ماعندي فلوس بس ادا بقي من الفلوس اللي اعطيتها ابوي شي راح ازود عليها واشتري لك مع اني كنت متاكده انه ماراح يبقى منها شي وراح يطلبونه الشهر الجاي الا اني قلت ماشي بس لاتنسى انه الشهر اللي راح طلبتك من قبل الراتب وقلت ادا استلمت قالي صح ما انكر وان شاء الله الشهر الجاي اشتري لك اللي تبغيه وانا ماراح اتكلم بشوف ادا استلم راح يجيب لي اللي طلبته وترى هالفتره كمان طالبينه الف ريال والله يستر ما تزيد ادا استلم الراتب انا ما امانع انه يعطي اهله بس انا صرت زوجته والمفروض يجيب لي اللي اطلبه انا كبيره وفاهمه وراح اقدر ادا قالي الشهر الجاي بس بكرهادا صار معانا اولاد ولبوه شي ايش راح يقول لهم والله هالشهر اعطيت ابوي اصبرو للشهر الجاي هده الوضع مو عاجبني بالمره احس قاعدين يستغلون زوجي لانه طيب معاهم ومايقدر يقول لهم لا وانا ما اقدر اقوله مايصير انك تعطي اهلك كل هالمبالغ لانه مهما كان هم اهله بس ايش الحل معاهم

يمكن أهله محتاجين يا أختي الكريمة ويقوم بواجبهم من باب الصدقة؟ "الأقربون أولى بالمعروف"...
صح..انت لك الحق انه يصرف وينفق عليك ويجيب اللي في خاطرك....لكن اذا كان الشي اللي انت طالبته ممكن يتأجل..أجليه واكسبي أجر انك ساهمتي بأنه فك أزمة أهله...وان شاء الله يرضيك قريب...
الرجال وعدك...صحيح انه أجلك أكثر من مرة..بس أصبري عليه...ولك وله الأجر ان شاء الله.....
وفرج الله قريب.....
وصدقيني زي ما وقف مع أهل في ضيقتهم بكرة ربي يفرج عليه من عنده ويرزقه من حيث لا يحتسب ويكون كريم معاك ومايخلي في خاطرك شي....

وفق الله الجميع

__________________
[gdwl][gdwl]نفسي الَتي تملك الأشياء ذاهبة.......فكيف أبكي على شيء كان قد ذهب[/gdwl][/gdwl]

مشكور ياخوي ع الرد بس هم مقتدرين والله وادا كان محتاجين ما كان اخدت فخاطري عليهم بس هم يحبون يطلبون كتير حتى ادا زرناهم يطلبون اغراض للبيت من اكل وغيره هل هدا معقول واحيان امه تطلبه فلوس واخر زياره جينا عندهم انا كنت جالسه انا وواحده من زوجات اولادها نتعشى وفجاءه دخل ابوه وقال لزوجته هاه متى بتروحينن حنا استغربنا سالناها وين قالت بروح مع ولدي السوق وبجيب اغراض انا فنفسي انقهرت لانه اعتدر عن طلبي وراح يشتري لهم طلباتهم ااااااااااااااااااااااه بس

مشكوره اختي ع الرد وانا والله صابره بس انا عشان اولادي بعدين ماابيه يقولهم ماعندي هالشهر والمفروض انه يوفر عشان مستقبل اولاده والمفروض من اهله يقدرون ظروفه بس زي ما قلتي ان شاء الله خير لنا

اختي اللي ما فيه خير في هله مافيه خير في الناس
يمكن اهله محتاجين و ما يبي يقولج
في ناس مبين عليهم عندهم خير و هم محتاجين او عليهم ديون و رواتبهم ما تكفيهم لآخر الشهر
اختي اصبري و ان شا الله الله يعوضج خير
لا تفكرين بالمستقبل وايد
الرزاق رب العالمين
اعتبري اللي يسويه صدقه

__________________

مشكوره اختي ع الرد والله يجزاك خير انتي وكل من رد علي

الاهل في الزمان هذا مهما بروا فيهم وعاملوهم معاملة طيبة وقاموا بكل اشغالهم مايشوفوه شي ابدا بالعكس ما كانهم يسووا شي ,,
لكن اذا اعطوهم فلوس تعالي شوفي انواع المدح والحب ,,

حتى بر عيالهم فيهم يبغوه مادي ,,

والله حتى تحز في النفس ..

مشكوره اختي على ردك انا احس انه زوجي بدا يتضايق بس مو قادر يتكلم لانهم اهله

حبيبتي ان شاء الله مايضيع شي ان مالقيتيه في الدنيا تلقينه بالاخرة ...