السلام عليكم ورحمة الله وبركاته

اخواني واخواتي الاعضاء اليوم على قناة بداية شفت زواج الداعيه عبدالله بانعمه ومازال العرس مستمر عالقناه واللي مايعرف قصة هالداعيه يسوي بحث فالنت ويقراها والله اليوم دمعت عيني اكثر من مره عسى الله يسعدهم ويوفقهم ويرزقه بالذريه الصالحه والله يجزي امه كل خير ادعوله هذا ابسط شي ممكن نقدر نسويه لاخ لنا وداعيه

اختكم اوركيد قطر

حبيبتي هذا كان انسان عااااااادي جدا شاب مهتم بالدنيا كذب على ابوه انه مايدخن وابوه قاله اذا تكذب الله يكسر رقبتك واليوم الثاني انكسرت رقبته وعاش من يومها مشلول واصبح انسان داعيه وتغيرت حياته صارله اكثر من 16 سنه على هالحال ابحثي عنه والله قصته من جد مؤثره

السلام عليكم ورحمة الله وبركاته

ايه سعودي ,,,,,,,,,لكن من اصل يمني ....

عمره 34 سنـــــــة

حصل له الحادث وهو عمره 18 سنه

هرب من المدرسه مع اصدقاءه وقفز في المسبح وانكسرت ثلاث فقرات من ظهره ..

وظل في المستشفى فترات طوليه حتى استقرت حالته ,,,

ومن مالمصاريف اللي تركمت عليهم اضطر ابوه الي بيع بعض املاكه ,,,

اسأل الله ان يسعدنا بشفائه كما اسعدنا بزواجه

اللهم امين ...اللهم امين ...اللهم امين ....

هو سعودي كان عمره 19 سنه ابوه شاف عنده سيجاره قاله انت تدخن قال لا وحلف ورفع صوته على ابوه ابوه بلحظة غضب قاله الله يكسر رقبتك اذا كنت تكذب

اليوم الثاني راح المدرسه وشرد مع ادقائه واخوه اصر يجي معاه مع انه ماكان يبيه

راحوا استراحه لقوها مسكره هو عطاهم فكره قال لاصدقائه نجيب طابوق ونطمر من عالجدار وسوو اللي قاله هم يبون البركه وكان هو اكثر واحد يقعد تحت الماي راح قفز من فوق ويوم وصل للبركه ارتطم راسه بقاع البركه وسمع عظمة رقبته تتكسر وظل حول 5 دقايق اذا ماخانتني الذاكره تحت الماي لين مااستفقده اخوه نزل وشافه مايقدر يتحرك

طلعوه واسعفوه وتصدقي مايتحرك فيه الا راسه يعني عيون وفم وانف فقط غير معاناته فالمستشفى وغير امنياته وغير امه ومساندتها له والله يااختي القصه طويله

هو طلع ببرنامج الجانب المظلم عالمجد اكتبي على اليوتيوب الجانب المظلم عبدالله بانعمه وبيطلع لك

واذا في سؤال اسدحيه لين ماتطلع لك حلقته