السلام عليكم ..

السالفه ومافيها انتظرت الحبيب على فطور يوم عاشوراء واتصلت ويقول قريب ولاجاء الا بعد الصلاة وحضرت له المقسوم وسألته فين كنت ؟ ولا قالي
وبعدها قمت اسوي العشاء وتعرفون اروح واجي على المطبخ ومرني بالمطبخ وطلبه ياخذ غرض للغرفه واخذه ثم شاف شئ مو مرتب وقال لو في البيت مره صاحيه بتسوي الشغاله مثلها وسكت ومشيتها..
وخلصت شغلي ورحت اجلس ابي اتابع برنامج احبه ومسك الريموت ويقلب على قنوات ثانيه وطلبته يغير ومارضى وشدت بينا ويقول(( انتي بس نوم وتلفزيون)) وماتسوين شئ الشغاله تسوي كل شئ ويسب طبخي وكلام كله يقهر ..رديت عليه (اذا مااعتذرت عن كلامك ماعاد بطبخلك) قال:انا اقول الحق.

مع العلم \\ اني معلمه وعندي ولدين الصغير 9 شهور ومايريحني بالليل..

المهم خلص العشا وحضرته راح وماتعشا معنا ونام وبعدها غير وطلع ومارجع الا الفجر

واليوم الثاني طلع بعد العصر وماجا الا عشره بالليل.

انتظر ارائكم ..

تبينه يعتذر على شو بالضبط ؟؟

حبيبتي زوجك عطاك بعض الملاحظات اللي شايفها فيك ... وانتِ اكيد عندك ملاحظات عليه ..
على كلامه انه متضايق من اعتمادك الشغاله يمكن .. او من اهمالك له وللبيت ..
الطبخ له ليس دليل كافي لاهتمامك فيه خلي الزعل بصوب ... وشوفي لك وقت مناسب واجلسي تناقشي
معاه ... اعرفي منه سبب معاملته وسبب انزعاجه ...وانتِ بعد قولي اللي عندك من اشياء مضايقتنك ... وان شاء الله
تتوضح الامور ... ربي يسعدك ويهنيك يارب ..

__________________

ليش يعتذر؟؟

هو مجرد نبهج على اخطائج

لا تصيرين حساسة حبيبتي

وكل ينحل بالنقاش مو بالهواش

قعدي وتناقشي معاه

وعسى ربي يفرج لج

__________________
لا اله الا انت سبحانك اني كنت من الظالمين

شوفي وش عنده
قوليله
وش ناقصك
ليش تقول كذا
صارحني
وبعدين اذا عطاك ملاحظات
لاتعصبين
ابتسمي وقولي من عيووووووووووووووووووني
وش بينقص منك
هو كلام
وتسعدينه فيه
لاتكبرين السالفه
دقي عليه
وسويله الاكل اللي يحبه
ولاتنسين الكشخه
وبعدها تكلمو وتحاورو
شكلك حسسااااااسه
حاولي مادققين على زوجك
هذا اللي عندي
ربي يوفقك

من حقه ينتقد بس عاد بأسلوب
هي موظفة مثله +عندها ولد

اقتباس:

ويقول(( انتي بس نوم وتلفزيون)) وماتسوين شئ الشغاله تسوي كل شئ ويسب طبخي وكلام كله يقهر ..رديت عليه (اذا مااعتذرت عن كلامك ماعاد بطبخلك) قال:انا اقول الحق.

يعني اسلوبه مو حلو صراحة

بس انتي مو تنتظريه يعتذر لانه ماراح يعتذر>>>>طبع في بعض الرجال

بس فشليه بردك الحلو...يعني تعاملي معه في جلستكم على الغذاء بلطف اكثر و عاتبيه وقولي ان ملاحظاته على العين و الراس بس تفاجئت من قسوة اسلوبه ..الله يحنن قلبه عليك

و بالنسبة للطبخ ..حاولي تتصفحي اقسام الطبخ اكثر حتى تملي عينه بطبخك
و ايضا اختى حتى لو عندك خادمة اجعلي لك لمساتك الخاصة من ترتيب دولاب ملابسه و تعطيره بنفسك
اهتمامك بالولد..من و الى,,
بعض الفواحات الخاصة للمنزل,,
اكسسوارات ناعمة للحمام
يعني الشغالة تنظف و تكنس و تلمع لكن ما تعرف للمسات الساحرة اللي تخلي الشقة تفتح النفس و لها
لمسة ربة البيت

__________________

الله يوفقكم ويجزيكم كثير الحسنات

احسكم اخواتي وقفتوا ضدي بعكس الاخ الفاضل اللي عرف انه ممكن ينقدني لكن بأسلوب

مع انه هو اللي مطنش بزيادة وانا عادي وماشيه طبيعي .. يارب يسخره لي ويحسسه انه غلطان..

زوجك إذا كان يثير حفيظتك و يدقق وراك ؟

فهو اكيد فاقد شئ00 وحاب يلفت نظرك 00بطريق غير مباشر !! او متضايق منك لامر ما 00وخاصة في هالفتره

شوفي إن كنت مقصره بشئ00 في اكله يحبها 00 في رومانسيتكم 000في فراشكم 00وغيرها00


زوجك غلطان بأسلوبه 00 لكن بعض الشخصيات 00 لا تحب المواجهه وللأسف00 فيكون طريقة تنفيسه عن

غضب ما عن طريق غيرمباشر00 وافهميها انتي

الله يعينيك ويسر امرك

ناقشيه بهدوء وبيني له غلاه 00 وشوفي وش بتطلعين فيه

__________________

حبيبتي لاتكونين غشيمه يمكن زوجك ناقصه شي بس موعارف يعبر....يمكن انتي مقصره من الناحيه...؟؟ انتي افهميهاعاد

ترى الرجال لهم ردات فعل غريبه زي مثلا انتي مقصره في شي معين يقوم ينتقد شي ثاني اتمنى تفهميني

وتهتمين شوي فيه وتخلينه الاول في القائمه بعدهايجي المطبخ والبيت ونظمي وقت نوم اولادك...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

مع كلام اختي الغاليه لمني
يمكن هو يبي ينبهك بس اسلوبه كان يدايق ومااختار الوقت المناسب
عدلي من نفسك وبعدين بين الرجل وزوجته هالرسميات

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

فاهمتكم اخواتي الفاضلات ..... والله يبارك في كل اللي ردوا

واختي داني اعذريني ماانتبهت للاسم ..

دعواتكم,,