في مجتمعنا الخليجي

واقع نعيشه


سأسرده على لسان زوجين


هو :


الله يهداها مريم ابدا ما تراعي ظروفي ودوامي الطويل .... ما تشبع طلعات ... كل نهاية اسبوع تباني اوديها دبي ..... وغير هذا تقول في العيد ودني الدمام او مسقط.... معاشي يسير كله على طلعاتنا ما يتم لي شي اسوي فيه مشروع تجاري يضمن مستقبلنا.... ويا ليتني استفيد شي من هالطلعات ....وغير هذا كل يوم والثاني ترتب البيت وتغير فيه كفايه مخاسير ما ادري متى هاذي الحرمه بتصير قنوعه باللي عندها كل شي يديد تريده ..... بصراحه انا ما انكر انها تحبني وانا احبها لكن لين اليوم مب قادرين نوصل للمرحله الي نكون فيها متفقين مع بعض في تفكيرنا .... مع انه مر على زواجنا 5سنين .... اهلي وربعي دايما ينغزوني في كلامهم ويقولن اني امشي على كلامها ... شو اسوي ؟؟؟ ...... وغير هذا المشكله الكبيره انها ما تستجيب لي في الفراش بسرعه لازم مداعبات... دايما اقارنها بالحريم المتجاوبات عشان تصير نفسهم لكن بدون فايده .... سامحوني طولت عليكم .... اخوكم خالد.



هي :

متى بيي اليوم الي بيفهمني فيه حبيبي خالد ..... انا احبه من كل قلبي .. واحس اني بعيده عنه ...دوامه خذاه عني ... غير هذا انا وحيده في البيت هو ما يحس لأنه على طول برع البيت ... الله يسامحه دايما يتذمر من طلعاتنا ودي يوم انه يقترح عليه مشوار ....او طلعه ... كله يفكر في المشاريع التجاريه حتى يوم نكون في الجو الرومنسي الي مفروض يكون الكلام عاطفي فيه يكلمني عن مشاريعه ... انا ما اريد احطمه لكن هو ما يعرف في التجاره اي شي وطيبته تخلي كل حد يستغله ... لأن دايما الي في جيبه مب له حق الناس .... لأنه ما يرد اي حد .... وأكثر شي يضايقني يو يقارني بغيري ويقول الحريم يذوبن من لمسه وحده من ازواجهم وانتي ما ادري شو فيج .... ها الكلام يعيده 10 مرات عليه في اليوم وما يدري بالضيق الي احس فيه ... ما ادري من قاله هذا الكلام .... هو بصراحه مش مقتنع بشيء اسمه مداعبه قبل الجماع وبعد الجماع ... لأنه وقته من ذهب لازم ما يضيع الا على التفكير في مشاريع ..... ما انكر طيبته وكرمه وحنانه لكن ضعف شخصيته وقلة درايته وثقافته الجنسيه مسويه فجوه في حياتنا ..... ادعولنا نتفق .... اختكم مريم .

__________________

mema

مشكوره حبيبتي على تكرمك بالمشاركه واعتقد انا نتفق في الرأي .


اختلاف وجهات النظر و التفكير بين الازواج سبب لمشاكل زوجيه قد تنتهي لا سمح الله بالطلاق ... مع انه يكون كلا الزوجين لا توجد به عيوب تذكر .... لكن عدم الاتفاق حتى ولو في ابسط الامور واختلاف وجهات النظر في مجريات الحياه يسبب فجوه كبيره تزداد اتساعا مع الزمن .

طبعا هذا خلاني اعبر في موضوعي بلهجه خليجيه تكون اقرب لفهم قارئيها ..... والشكر للجميع .



ودي لو يتكرمون الاخوان والاخوات لنرى ارائهم في هذا الموضوع وهو اختلاف وجهات النظر مع عدم وجود عيوب تذكر .

مساء الخير لك اختي ربشة ...

لن كلامك موجود في واقعنا الحياتي الي مدي كبير ....
وهو اختلاف الاراء و وجهات النظر بين الطرفين
و لكن الحل يبقي موجود بين الزوجان لانه لن يتمكن احد من مساعدتهم
و الحل هو المصارحة ثم المصارحة بين الطرفين وعرض وجهات النظر و بما يفكر كل الطرفين و لماذا؟
و يضعوا حلول وسط ترضي كل الطرفين و الاهم من ذلك ان يقتنع بها كل منهم.....

اتمني الله ان يوفق الجميع ....
تحياتي ....

__________________