السلام عليكم ورحمة الله وبركاته


ما أعرف من وين أبدأ الصراحة العبرة تخنقني ..وكل يوم أحس المشاكل تزيد..

أنا بنت أدرس بالجامعة عمري 22 سنة..

أنا عائلتي حالتها المادية الحمدالله ممتازة ..اللي يشوفني يقول هذي عايشة بنعمة ..من ناحية البيت والخدم والسيارات ماشاء الله..

ووالدي راتبه الحمدالله ممتاز..

المشكلة أن والدي بخييييييييييييييل علينا جداااا ..

يعني اللي براسه يسويه وينفق على أشياااء تااافهة جدا ديكورات البيت ..حديقة البيت ..قطع أثاث ..لوحات ..كل شيىء يشتريه غااالي ,,يحب يوري الناااس..

أخواني يشتغلون وكل واحد لنفسه واخواتي اللي متزوجة واللي تشتغل ..الله يهنيهم..
بس أنا وأخوية اللي أصغر عني ما لنا دخل ..
يعني ما عنده غير امي وانا واخويه ..
تخيلوا ابوية ما يعطيني مصروف شهري وإذا طلبت منه ..يقولي\حق شوو أقوله مثلا أبي أشتري ثياب ..بس يعطيني ميتين واذا طلبت مره ثانية في نفس الشهر يقولي عطيتك الاسبوع اللي طاف ويصارخ ويسبني.. وعلى هذا الموال ..
وحق الكلية كل يوم يعطيني عشر دراهم يعني كل يوم يعطيني على قد اللي بصرفه ..
مايعطيني مبلغ محترم مثل باااقي البنات ..وإذا قلت له ابوية عطيني شهريا بدل ما اطلب منك يوميا قاام يصارخ وما يعطيني ..

ودايما لازم اطلب منه بطاقة للتلفون ..

وأمي مسكينة نفس الشيىء ما يعطيها الا ألف أو ألفين بس..
وأنا طبعا ما أحب أطلب منها..
وهي لما تشوف ابويه ما يعطيني تبكي وما تقدر تكلمه لانه عصبي جداااااااااااااااااااااااااااا جداااااااااااا وعاادي يضربهاا..


ودايما لمن أطلب منه يقولي الاسبوع الجاي ويجي الاسبوع الجااي ويقولي اللي بعده وعلى هذا الموال..

يا ناااس والله ان ابويه مقتدر بس مااادري ليييش يسوي جذيه !!!!!!!!!!!!!!!


تعبت والله حتى بالجامعة البنات يقولون لي ليش ما تكشخين ليش نفس العجايز ..أقول لهم أحب البساااااطة ..

أنا ما اطلع لمكان ..لا بيت صديقاتي ولا احبهم يزوروني .. انطوائية وكله بالبيت ..

البنااات يستغربووون مني والله ..يشوفون منصب ابوية وبيتنا واسمنا ..

بس ما يعرفووون شو السبب.. والله انهم ما يتوقعوون هالسبب..

وأنا ماودي أشتغل الحينه ..أن طمووحه وحابه أكمل دراستي.. عشان أصرف على نفسي بكرة وما أحتاج لأحد..

وتدرون بعلاقتي باخواتي ,,يعني ما يهتمووون بي أبدااا وذكرت لكم مشكلتي معاهم سابقا ,,اللي لين الحينه حاسديني وما يحبوني..
وما احب اطلب من اخواني لانهم متزوجين وهم مش ملزومين يصرفون عليه..


هذي مشكلتي ..

أو يمكن فضفضة لاني اعرف انها مالها حل ..لان هذيله أهلي وما يتغيرون ..

ادعولي بالتيسير في حياتي ..

بمكن ابوك خايف عليك من اللي يشوف حوليه من فساد البنات ... فا يفكر بان الفلوس اساس الفساد

حبيبتي مالك الا الصبر .. بكرة ان شاء الله بتشتغلي و تصرفي على نفسك ..

حاولي تكسبي ابوك بالكلام الحلو .. و الخدمة ,, تقربي منه .. مو عشان الفلوس بس عشان تعرفوا بعض اكثر

يضرب امك و هذا غلط ... بس علاقته فيك غير و البنت اغلى عند ابوها من الزوجة .. يمكن يتقبل تقربك منه

الله يهديه و يوفقك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مثل ما قلتي مالي غير الصبر والله..

وعن انه خايف علي ..لا أبدا ترى هو تفكيره ما يوصل لهاالتفكير ..

والدليل انه ما يصرف على امي ويبخل عليها ..
وحاولت اتقرب منه ..ما يحب اني اتقرب منه ..وعصبي جداااا ودايما يدعي علينا ويقولي يعلك ما تتوفقين):
واذا كلمته بطيب وجاملته يقولي كلمتين وهو مبوز ويطلع ما يحب يتكلم بالطيب أبدا ..ومنغص علينا حياتنا بشكل ما تتصورونه ..وصوته عاااااالي جدااااااا ويتضااارب مع كل من حوله العمال النااااس ..
ابساااااطه ما عنده أخلاق الله يهديه ..
الله المستعان ..ومشكوورة حبيبتي..

انا بعطيكي حل

لان مشكلتك مقاربة لي بس مو مرة زيك

انا عارف في ناس راح تعارض الحل و تقول غلط بس وش نسوي المنطق ما ينفع مرات

لو ابوكي يحط فلوس في البيت حاولي خذي منها اللي يكفيك بدون ما يدري

حاولي تعرفين رقم بطاقة الصراف و لما تكوني برا اصرفي المبلغ اللي تبيه

لاتاخذي كثير عشان ما يحس يعني مثلا لو حسابه 3430 ريال خذي 100 او 200 اهم شيء لا ينزل عن 3000 لان اغلب الناس يحفظون اول رقم و ينسى كم حسابه

يعني خذي على دفعات مبالغ صغيرة بس لا تكثيرين عن اللي تبغينه الين ربي يفرجها او تشتغلين

هذا طبع صعب تغييره بأبوكِ الله يهديه

في مثل يقول "أبو طبيع ما يغير طبعه" مهما حاولتِ من وسائل

الحل الوحيد انك تجتهدي بدراستك و تشدي حيلك عشان تتوظفي بسرعة بعد التخرج و تعتمدي على نفسك

و ترى ما فيها شيء لو طلبتِ من أخوانك...أو أحد أخوانك المقربين...قولي له أعتبرها دين لين ما اتخرج و أرجعها لك و سجليها بدفتر و أنا متأكدة بيقول لك عيب عليكِ هذا الكلام حنا اخوان...

الله يوفقك بالدراسة و ان شاء الله تتخرجي بأعلى معدل و تتعمدي على نفسك و وقتها عوضي أمك مادياً و لا تحرميها من أي شيء

__________________

هذا زوجي مع اولاده

شو نعمل انما انا احاول اسد الخلل

باي طريقه لي رجعه للمووضع

__________________
http://live.gph.gov.sa/
اللهم اني استودعك اولادي

l ممممممم أحسم مستحيل أتجرأ أسويها ..
وأصلن إذا سويتها ضميري رااح يأنبني والله!
خاطر يعطيني برضاه بنفسه ..

ما أقدر صعبة علي والله ..
جزاك الله خير ..
لا والله حتى أخواني كل واحد لنفسه ..وداايما يقولون الوالد عنده خير ليش ما يصرف وليش ما يعطيكي ومن هالكلاام..

ونفسي عزيزة ..كل واحد لنفسه ..
جزاك الله خيرا..
مالي غير أكمل دراستي والله يوفقني يااارب..

راح الكتير ما باقي الا القليل

استحملي الله يصبرك


او حاولي انك تبحثي عن عمل خفيف لكي تسدي مصاريفك

__________________
http://live.gph.gov.sa/
اللهم اني استودعك اولادي

مالك إلا الصبر لين ربك يفرجها

هذا ابوكِ وين تروحين .. تروحين لأخوانك الي كل واحد يالله حامل مسؤولية بيته وإلا للناس الغرب

هذا ابوكِ لا تقدرين تحاسبينه ولا تقدرين تقاطعينه .. وغصب عنك مقابلته ليل نهار

هذا قدرك الي انتي ما اخترتيه ..

عليكِ البر له وعلى الله الحساب

حمدي ربك أن كل هذا داخل جدران البيت وماحد يدري عنه

زين مو مفشلكم قدام خلق الله ومعيشكم في خرابه وهو مقتدر و مركزة كبير

غيرك ابوهم غني وصاير قدام الناس كنه طرار .. والعالم بس يتكلمون عليه

انتي تقدرين تستحملين بخله هالكم سنة لين الله يوفقك في دراستك وتشتغلين

الحمد لله انتي مو جايعه ولا عريانة

لكن ما تقدرين تستحملين نظرات الناس لو كان كل شي مكشوف

الحمد لله ان هالعيب مستور .. خليه في القلب تجرح ولا تطلع لبره وتفضح

__________________

عزيزتي كان الله في عونك...

سؤال: كم بقي لك حتى تنهي دراستك؟ لأنه يبدو أنه لم يبقَ الكثير...

تحملي قليلا حتى تتخرجي وتتوظفي وتكونين مسؤولة عن دخلك ودخل والدتك وأخيكِ...

تحياتي...

__________________