السلام عليكم


الذهب وما ادراك ما الذهب
احبه اعشقه وودي اشتري تاج ذهب زي هذا👸


تصدقون احس بسعادة يوم اشتري ذهب
احس اني سعيده مدري ليش

اسالتي لكم..

كم طقم ذهب عندك..؟

هل تشعرين بسعادة مثلي حين تشرين الذهب..؟

و هل اشتري طقم ذهب وانا مازلت فتاة..؟
احس طقوم الذهب تصلح للمتزوجات
انا اشتري سلاسل وتعليقات وخواتم
لكن طقم باقي ما غامرت وسويتها
لكن افكر اسويها

تنصحوني اسويها واشتري طقم ذهب..؟

وهل تلبسين الذهب بالبيت ام فقط المناسبات..؟
انا البسه في البيت 😊

هيا لننتعش قليلا مع الذهب وسيرته

انتظركم خواتي..

ومن لا تحب الذهب ؟؟
الذهب غذاء الروح للمرأة ..

ههههههه
زادك الله من نعيمو يا مريم
اي والله استمتع وانا اشتريه
ولا اندم على اي قطعه اشتريها

طيب جاوبي
كم طقم ذهب عندك

وباقي الاساله😎

قبل ما أتزوج ما كنت أفكر في الذهب كثير .. وقليل اللي كنت أشتريه .. وغالباً فضة أو ذهب أبيض. (سلاسل في الغالب .. أو طقم سلسلة وحلق)

حتى لما كنت أشتري ذهب زواجي كان ذهب أبيض .. اشتريت خمسة أطقم متفاوتة الحجم والوزن.

وخلال سنوات زواجي أهداني زوجي ذهب مرات قليلة .. أحياناً كعيدية مثلاً .. أو بمناسبة ترقيته في الشغل .... كان يهديني خاتم أو عقد .. مب طقم كامل .... وبأمانة ما كنت أدقق ولا يهمني .. المهم إنه أهداني جزاه الله خير.


لكني حبيت الذهب فجأة من حوالي ثلاث سنوات أو أقل شوي

كنا في شهر رمضان .. وطلبت من زوجي يشتري لي ذهب. (كانت أول مرة في حياتي أطلبه يشتري لي ذهب وكان لهدف في نفسي مب إني حابة الذهب في حد ذاته) .. وزوجي ما قصر الله يجعله ذخر لعياله وخذني السوق واشترالي طقم ذهب محترم وله وزنه.

من يومها انطلقت.

كان عندي مبلغ محترم .. اشتريت فيه كله.

دخلت جمعية مع أمي وبناتها .. ولما استلمتها اشتريت بالمبلغ ذهب .... رحنا البحرين واشتريت من هناك طقم .. وزوجي ما قصر وزادني لأن المبلغ اللي عندي كان قاصر.



مب ضروري أشتري طقم .. ممكن أشتري خاتم .. أو اسوارة .... يعني على حسب المبلغ اللي عندي وعلى حسب اللي أشوفه في السوق ويعجبني.

ومرات أبدّل .. يكون عندي شي ما قمت أستخدمه كثير وأبدل بشي ثاني.


وعملت سلاسل لي ولبناتي بأسامينا .. واشتريت لكل وحدة منهن اسوارة .... ولما تجمّع عندهن مبلغ من عيدية العيد الماضي اشتريت لكل وحدة حلقين من فلوسها.


حالياً عندي خمس أطقم .. إلى جانب الخفايف.

وغالباً ألبس في المناسبات .. أما في البيت فغالباً ألبس السلسلة اللي عليها اسمي .. وأضطر أخلعها لما تهيج الأكزيما عندي.


وأنتظر أستلم فلوس جمعية أمي عقب شهرين بإذن الله عشان أشتري المرتعشة أو المرّية.

__________________


اللهم طِيبَ الأثر .. وحُسْنَ الرحيل.

جازتلي المرتعشه
اتخيل امي لو شافتني شاريتها بتقول البنت جنت واقعدت

مره شريت خاتم وجيت اوريه امي
قالت وش ذا..؟خاتم عجايز
خليته فتره وبعته وشريت بناتي

يا حلو سواليفك يا مهره
يعيش الواحد معك جو
اجل من يومها انطلقتي.
وفقك الله في مسيرتك وترجعيلنا بالمرتعشه والمريه(والا هم واحد)

الصورة الأولى هي المرتعشة .. والثانية المريّة.

حد يلبس كل وحدة بروحها .. وحد يلبسهن ثنتينهن مع بعض .. مثل أمي.


أول أيام زواجي ما كنت أهتم إلا إني أكون مرتبة وأنيقة .. لكن ما كنت أحرص على لبس معين .. وأمي في البداية ما كانت ماخذة راحتها معاي .. فما كانت تعلق أو تنتقد.

لما طاحت الميانة صارت تنازعني إذا ما كنت لابسة اللبس الرسمي في العزايم اللي نسويها عندنا .. الكندورة المخوّرة والذهب .. تهاوش إذا ما كنت لابسة ذهبي وتقول: شو هذا؟!! طالعة عريانة .. روحي البسي شي في رقبتج.

أروح ألبس طقم وأرجع .. تبتسم لي وتمسح على ظهري وتقول: هيه جذي زين وشحلاتج.

طبعاً تسوي جذي مع بناتها المتزوجات خصوصاً .. وتلاحقهن عشان يلبسن ذهبهن .. وحدة تسمع الكلام ووحدة متمردة.

__________________


اللهم طِيبَ الأثر .. وحُسْنَ الرحيل.

انعشتينا والله جزاك الله خير..
وحمستيني أروح أشتريلي قطعة ذهب جديدة ..

ايوه اشتري يا مريم
احس متعه حتى وانتي تتنقي وتتخيري فيه

وبعد ما اشتري القطعه اجلس اسبوع اناظر فيها وانا لابستها
كل شوي عيني فيها تقولين اول مره تشتري ذهب😆

نقلت لكم موضوع فوائد لبس الذهب على شان ما تقولون شخبار الذهب ..




كلنا نعرف ان هرمون الاستروجين (هرمون الانوثة) هو أهم ما يميز المرأة في سن الإنجاب،
فهذا الهرمون هو المسؤول عن انوثة المرأة اي بمعنى آخر الدورة الشهرية ووظائف الاعضاء
التناسلية، كما انه مهم للبشرة لدى السيدات ولتكوين العظام والمحافظة على قوتها
وكثير من النساء يعانون من انخفاض شديد لهرمون الانوثه يعني تتلخبط الدوره عندهم او تقل الخصوبه
يعني في حريم وايد يتزوجون ويطولون على ما يحملون هذا معناه ان هرمون الانوثة منخفض عندها.
حتى في بعض الحريم يحملون و بعدين يتعبون فيروحون حق الطبيب ويعطيهم ابر الثبيت للبيبي..وهذي الابر
فيها هرمون الاستروجين(هرمون الانوثه)
حتى الملامح الانثويه في جسم المرأة هذا الهرمون هو اللي يبرزها


والكل طبعا يبحث عن شي او بالاحرى علاج يزيد من هرمون الانوثه!!

واهوا بصراحة موجود عندنا ...

الا وهو ((الذهب))

سبحان الله ...
الرسول صلى الله عليه وسلم قال: "حرم لباس الحرير والذهب على ذكور أمتي وأحل لإناثهم"


و حسب دراسات علمية وجد ان الذهب يصدر اشعاع يزيد من هرمون الانوثة بالجسم
عشان جذي الرسول عليه الصلاة والسلام حرم لباس الذهب على الرجال لانه يزيد هرمون الانوثه
عندهم



فكل وحده من الحين تروح تلبس لها خاتم ذهب او تراجي او اسورة .....
عشان يصيييير عندها هالهـــــــــــرمون مرررررررررتفعععععع


منقول ..

صح صح الذهب رفيق الانوثه
اختي تقول احس طبايعي تزين وتهدا يوم البس ذهب
عاد مدري من صدقها ولا يتهيالها

لا تطفشون من الذهب
اذا مره تحسيه ثقيل عليك خذوا خفايف على قولت مهره

وخليها عليك في البت دااااءما
زي حلق صغير خاتم مريح سلسله ناعمه وسواره

وكلها خفيفه وناعمه حتى ما تثقلك
وتزبط على اي شي تلبسيه حتى لو بجامه لا تشيليه
الذهب يحلي اي شي

بكذا تكوني احطي نفسك بالذهب وبهرمون الانوثه من جميع الجهات😄