________________________________

أول شي .. احب اعبر لكم عن مدى فرحي بالانضمام لكم هنا في هذا المنتدى الراقي .. واتمنى ان نكون عند حسن ظنكم ..


اليكم مشكلتي التي اعاني منها ..

تزوجت قبل سنة ونص .. عندي بنت .. عمرها 9 شهور .. انا ام عاملة .. اعمل في المجال الصحي .. بدوام 9 ساعات في اليوم ... على مدى خمسة ايام بالاسبوع ..


10 سنوات بيني وبين زوجي ،، يعني احنا مناسبين لبعض ومافي فرق كبير بالعمر .. الفرق طبيعي

انا بصراحة .. عمري ماعرفت ان التعبير عن الحب صعب لهالدرجة ...!!!


زوجي انسان بارد ..


وانا مادري شاسوي معه ...


هو عمره مااشتكى ..


ولما اسأله .. يقوللي والله الامور تمام بيني وبينك .. انا احبك .. وعارف قد ايش انتي تحبيني ..


وبنتنا الله يخليها لنا مالية الدنيا علينا ..


بس انا احس بشي مفقود .. ودايم اسأله اذا هو حاس بشي مفقود .. ولكنه يقوللي لا كل شي تمام

وانتي مو مقصرة بشي ابد ..

احترت .. اخاف انه يجاملني .. اخاف انه يجي يوم وينفجر في وجهي من كثر مااحس انه يكتم جوا قلبه ..

وعلى فكرة .. احساس المرأة غالباً يصيب ولا يخطئ ..


وش رايكم ياجماعة ،، هل انا ابالغ ...؟ هل الامور بيني وبين رجلي تمام .. كما يقول..؟


ام ان علي ان اتبع احساسي ...؟


وشكراً

__________________
________________



oh! I've been down this road before
With a passion that turns into pain
And each I saw love walk out the door
I swore never get caught again

اختي ماتحسي دوامك طويل ؟؟؟؟؟؟؟ الا اذا كان وقت دوامه اقل منك يمكن يطفش الرجال

طبعاً طويل ..


بس هو عمره مااشتكى ..



وخلاص اتعودنا ونسقنا امورنا على هالحال ..


هلابك اختي ..

__________________
________________



oh! I've been down this road before
With a passion that turns into pain
And each I saw love walk out the door
I swore never get caught again

عادي فيه كثير من الرجال يشوف الغزل والكلام الحلو انتقاص في حقه كرجل!!


وفيه كثير تربى على ان هالشي عيب


وفيه اللي مايتقن هالفن او انه اسلوبه نوعاً ما بايخ في التعبير عن مشاعره




يعني كثير اسباب




انا ما ألومك على هالشي انا متزوجه قبل سنتين و6 شهور واول زواجي كنت اتشكى من معامله زوجي


البااااارده ..



بس لما جلست أفكر بعقلي ..قلت :

هذا زوجي وهذي طبيعته مستحيل تتغير الا اذا هو حس ان عنده مشكله فـا ليش انا اسوي من الحبه

قبه وأكون مشكله من لاشيء .. بالنهايه انا عارفه انه يحبني وانا احبه والحمدلله متفاهمين وعايشين

مع بعض ومرتاحين وعندنا بنوته حلوة ... الحمدلله على كل هالنعم ...



فيه غيري مو مستقرين في حياتهم فيه غيرنا محرومين من الأطفال وفيه غيرنا بنات اكبر من عمرنا الى

الآن ربي ما رزقهم الزوج الصالح ... يعني الزواج والأنجاب بحد ذاتهم نعمه كبيره من رب العالمين


اذا حسيتي انك مقهورة من أسلوب البرود قولي الحمدلله ....

__________________

اختي دوام زوجك الى الساعة كم؟؟؟؟؟؟؟؟؟؟

عذرا على السؤال اذا حبيتي لا تجاوبي

بصراحة الدوام بالمستشفيات يجيب الهم ومدري كيف زوجك مستحلك بصراحة انا عن نفسي والله ما اخلي زوجتي توظف بمستشفى وين انا عايشين زوجتي بين رجال وانا في البيت زي الاطرش بالزفه مدري

انا اقول تكاشفوا وتصارحوا لاكن في وقت حلو مو وقت يكون تعبان هو من شغله وبالله التوفيق

اختي كلامي مجرد (( رأي ))

كلامك عين العقل ..

والحمدلله على النعمة ..


فعلاً رايك سديد .. الله يجزاك خير ويوفقك اختي

__________________
________________



oh! I've been down this road before
With a passion that turns into pain
And each I saw love walk out the door
I swore never get caught again

اولاً : انا اداوم في مستشفى واذا كنت ماتدري انت وين عايش فأحب اذكرك انك عايش في السعودية
وفي شي اسمه قسم نساء وقسم رجال...


ثانياً : مااسمح لك تقول زي الاطرش بالزفة .. يعني (الملافظ سعد) زي مايقولون .. كلامي هذا مجرد راي ياخوي ..!!!

وبالله التوفيق

__________________
________________



oh! I've been down this road before
With a passion that turns into pain
And each I saw love walk out the door
I swore never get caught again

يا هلا ...

اختي عمري بدا ..

انا ما اشوف انه في مشكله ..

يمكن انت اللي حساسه شوي ..

دام زوجك يقول لك ان كل شي بينكم تمام .. خلاص يا اختي ليه توجعي راسك بالتفكير السلبي

يمكن انتي ضميرك مأنبك شوي عشان انت دوامك طويل ..

كل شي له ضريبه يا اختي و هذا ضريبة الوظيفه ..

وثانيا لو كان زوجك متضايق من شي معين ليه يسكت اكيد راح يصارحك ..

اقوول اختي اتركي عنك الوسوسه و عيشي حياتك و انت مرتاحه بين زوجك و بنتك ..

وربي يسعدك ..

أختك أميرات..

هلا اميرات ..


الله يجزاك خير يارب ..


الظاهر ان مالي الا كذا ..


كل خوفي انه يخبي عني .. ويمكن مثل ماقلتي الاحساس بالذنب هو اللي متعبني ..


بس الحمدلله .. كلامك وكلام الاخت ريم اقنعني انو مافي شي ان شاء الله ..


جزاك الله خير اختي وعساك عالقوة .. والله يريح بالك زي ماريحتي بالي ..

__________________
________________



oh! I've been down this road before
With a passion that turns into pain
And each I saw love walk out the door
I swore never get caught again