السلام عليكم جميعا
اليوم عملت زهرة ببندورة وحبيت اعطيكم طريقتي فيها كنت حابة انزل صور الها بس للاسف الكاميرا اخذها ابن الجيران ولحد هلا ما رجعها عالعموم هي طريقتي
المقادير :
راس زهرة (قرنبيط)
لحمة راس عصفور يعني لحمة مقطعه صغير بس مو مفرومة حسب الرغبة
راس بصل وثوم حسب الرغبة
ملح وفلفل وكمون وبهارات مشكلة
زيت زيتون
بندورة (طماطم) 3 حبات
رب البندورة ملعقة او ملعقتين كبار
الطريقة:
نقطع البصل ونضع طنجرة صغيرة عالنار ونضع فيها الزيت ثم نحوس البصل وبعدها نضيف اللحمة ونحوسها ثم نضيف البهارات من فلفل وملح والقليل من الكمون والبهارات المشكلة
بعدها نضيف ماء مغلي ونتركها لحد ما تستوي اللحمة
بهذا الوقت نقطع راس الزهرة قطع متوسطة ثم نقليها بزيت قلي ونضعها عورق نشاف
ثم نحضر صلصة البندورة عالخلاط حيث نضيف البندورة ورب البندورة والقليل من الماء ورشة ملح وفلفل
ثم نضيفهم للحمة ونتركهم لحد ما يغلو ثلث مرات ثم اضيف الزهرة
انا بدي تكون الشوربة على حد الزهرة او اعلى بقليل لكن ما تكون كتير
نغطي الطنجرة ونتركها عنار هادية لمدة نص ساعة او اقل حسب استواء الزهرة
ثم نحوس الثوم ونضيفه ونتركه دقيقتين ليمتزج طعمه مه الاكلة ثم تقدم اما بجانب رز او خبز حسب الرغبة
سامحوني على كتابتي بس بتعرفو من بلد لبلد بتختلف اللهجة وبتمنى تعجبكم وصحة وعافية ....