السلام عليكم ورحمة الله وبركاته
اشكر كل من في هالمنتدى الاكثر من رائع بوجود اعضاء لديهم الكثير من الحكمه لااريد الاطاله عليكم وسوف ادخل بمشكلتي وبتكلم بالعاميه اسهل واريح
انا متزوجه من سبع سنوات وعندي طفلين ربي يحفظهم حياتي مستقره عموما مع زوجي ولله الحمد حتى يرضى زوجي شمالي شرقي وطبعا بكل مافيه من عصبيه وانتقاد وترتيب زائد طبعا قدرت اتئقلم مع كل هالطبايع وبصعوبه واكيد امر بحالات ضعف وبكيذا تصير المشكله انا مااشوف زوجي فيه الحكمه ابدا في مشاكلنا مع انه ناجح جدا في حياته العمليه واجتماعي من الدرجه الاولى ماشاءالله تبارك الله لكن أي مشكله نواجهها انا الي اكبر راسي انا الي اتنازل او اقل شي اروح اتكلم معاه بكل حياديه وتنحل المشكله احيانا واحيانا تبقى معلقه وتمشي الحياه وتنسينا المهم زوجي يعشق السيطره عليه بكل صغيره وكبيره بشكل يخنقني احيانا لايقصر ابدا نطلع سواء نسافر ونروح لكن مع بعض وقادره اتأقلم احيانا احس انه يشك فيه او لا يثق كثيرا فيه مع اني الحمدالله اخاف ربي ومحافضه على صلاتي لدرجةانه يقول بوجهي لو سويتي شي غلط اذا ماذبحتك طبعا نكون في حال الرضى وما احاول ادقق كثير بهالاكلام وامشيها واخذه بضحكه مع انه كثير يجرحني من جواء اذا طلعنا مع بعض يتنقد ليش تطالعين لاتتلفتين خلي عينك عليه ماادري عدم ثقه بنفسه ولا فيه يعني بالمختصر مقيدني بشكل كبير في تصرفاتي في كلامي في كل شي مع اني شخصيتي قويه وهذا الي يسبب التصادم بيننا اخر مشكله صارت بيننا وبصراحه مقهوره وعارفه انا تافهه بالنسبه للمشاكل الموجوه في المنتدى لكن بصراحه موعارفه كيف اتصرف قبل شهرين سويت حساب بتويتر وحبيته هالبرنامج مره في كثير من الفائده والتسليه بعد وخاصة اغلب الي حولي عندهم فنتواصل عن طريقه لكن جات المفاجئه بالنسبه لي رفضه رفض قاطع حذف البرنامج من جوالي وصارت مشكله بيننا بسببه وكاني دخلت تشات مع شباب والا سويت غلط والشي المضحك انه عنده حساب بتويتر ومحلل لنفسه طبعا اما انا لا والف لا المهم بعدماتعبت من النقاش صرت ادخل حسابي من غير مايدري واستجابه لرغبته لاني عارفه انه بيزعل ماغردت ابدا بس متابعه قرايبي وبعض الشيوخ وبصمت المهم اليومين الي فاتت عرفت برنامج جديد الي هوه الانستقرام وسويت حساب فيه وطبعا رفض كالمعتاد بصراحه هالمره ماابغى انتازل وارضخ لكلامه بدون مايقنعني وحذف البرنامج لكن قلت له انا برجعه وبيكون تحت يدك متى مابغيت ادخل واشوف وبقفل صفحتي مو أي احد يدخل وقابلني بالرفض الا زاد بتهديده انه يقطع النت في البيت وشكله بيسويها والمشكله انا طالبه وشغلي كله بالنت عن بعد ادرس والاختبارات على الابواب انا قلت له بكل هدوء بما انك مصر الا اسوي الشي من وراك اوكي بسويه مع اني ماودي وانا احب الوضوح والصراح بكل شي وقلتله اني افتح تويتر من وراه وهوه الي اجبرني لاني كنت واضحه من البدايه وهوه ماتقبل هالصراحه ورفض بدون مبرر بالله ايش الحل مع هالعقليات الي من العصر الحجري الي ما يتأقلم مع الجديد والي يجرحني اكثر احساسي بانه مايثق فيه ارسلت له على الواتس رساله طويله ومن ضمن الي قلت له اني انا ام اولاك كيف تثق بتربيتي لهم وكيف تطلع من بيتك طول الصباح الى العصر تتوقع هالوقت ماقدر اغلط الا القدر لكن انا اطالع ربي الي فوق وشايفني في كل لحظه واخاف من عقابه اما انت بصراحه لو بغغلط بقدر اخبي غلطي عنك مادري هالكلام يريحه ولا يزيده شكوك مادري أي اسوي انا عارفه اني طولت عليكم معليش اعذروني لاني ماودي اتنازل هالمره والموضوع مو برنامج الموضوع عدم ثقه وهذا الي ذابحني كل الي حولي يتكللمون عن ادبي ورجاحة عقلي من صغري الا زوجي العزيز لاحول ولاقوة الابالله العلي العظيم ارجوكم ساعدوني وفهموني كيف اتعامل مع عقليته الغريبه بصراحه واشكركم من اعماق قلبي

زوجك غيور جداً .. فقط
وانتِ الله يخليك عدلي أسلوبك لأنه يثير الشك فيه مستقبلا .. خليها على الغيرة فقط ..

__________________

مشكوره اختي على سرعة الرد لكن على أي اساس حكمتي على انه اسلوبي يثير الشك بالعكس انا احاول قد ما اقدر مااثير شكه لكن ابين له انه مو خوف منه خوف من رب العالمين وبالعكس هالشي المفروض يطمنه لانه مو موجود معايه طول الوقت لكن الله في كل لحظه يراقبنا وعالم بكل تصرفاتنا اتوقع هالشي الي يخليك تحكمين اني اثير شكه ولا في شي ثاني اختي

ياقلبي انا رديت لك لأن زوجك نفس زوجي بكل شيء قلتيه .. عن البرامج لكن انا شرطت عليه مايدخل ولو دخل بدخل .. وهو حر يرضاها على نفسه يرضاها علي ...
نعم أنا حكمت على الشيء اللي قلتيه ..
غير إنه بيثيره الشيء هذا ،، بيقلبها عليك ..
لما تطلعي معاه حاولي ماتتلفتي كثير بالعكس خلي نظرك عليه كأنك أنت اللي كاتمته .. حتى يقتنع ويمل ..
مو عارفه مرحلة زوجك وين بالضبط وصلت .. لكن اذا فقط اللي ذكرتيه فهو غيره فقط ..
الكلام الحلو واللين يعدل سلوكهم ..
كيف أسلوبك لما يرفض لك طلب ... تعاندي وتقولي ليه وابغى اسباب ،، او تدلعي عليه وتترجيه وتدعيله وتعطيه كلام حلو ..
احسك من رسالتك له طريقتك الأولى ،، مااتوقع تنفع معاه ...

__________________

__________________

ياعمري ياسكرا تسلمين عللى تجاوبك طيب ايش رايك ان اول يوم تناقشنا فيه كان قبل امس في الليل وماحاولت اعانده ابدا ولا اكثر كلام لكن لين ما اخذ جوالي ومسح البرنامج في هالوقت استفزتني حركته فقلت له برجعه واذا لغيت هالحساب بفتح واحد ثاني لانه مارضي يناقشني وكاني جدار قدامه وفي لحظتها كنت ناويه ما انام الا وارجع البرنامج لكن تعوذت من الشيطان وبطلت وصحيت من النوم وهو زعلان لكن رحت وبوسته في راسه وقلت له ماراح اسوي شي الابرضاك وانا داريه انك بترضى لانه مافي شي غلط الي اسويه ورضينا طول اليوم وانفتح الموضوع في الليل مره ثانيه ونفس الي صار ولا كاني اتكلم الا بالعكس يهدد ويتوعد وكاني ارتكبت اثم عظيم وشي حلو ماشاء الله انه زوجك موافق انه مايحمل هالبرامج على الاقل تحسين انه مافي ظلم لك ويرضى على نفسه الي يرضاه للك

والله الله يعلم قد ايش فرحت لما شفت اسمك اخي ابو مريم لاني كذا مره اشوف ردودك على الاعضاء وتفاعلك معاهم طيب انا راضيه لو انه مو محمل هالابرامج لكن عنده حسابات في الفيس بوك انا ماحبيته فماسويت لي فيه ولا افكر ماقتنعت فيه وزوجي العزيز عنده وعنده في تويتر وعنده في الكيك مع انه ينكر هالشي وانا متاكده انه مسويله حساب

دامه ينكر هذا الشيء أشوف انه احترم رغبتك ماعاندك وقالك ايوه عندي !!! هنا الفرق ..
وبعدين انا ترى ماابحث وراه ولاأحب اتجسس لأنه حرام اذا ربي اراد يكشفه لي بينكشف دايم اجهزته قدامي لكن الحمدلله مااقرب منها ..لأني ماأحب احد يقرب من أجهزتي يمكن تعودنا على كل منا يحترم غرض الثاني ويثق فيه ..
.يمكن يكون عنده الله أعلم لكن لابد من الثقه دام اتفقنا ..
وانتِ خليك كذا صدقيني بترتاحين مالك بوجع الراس ..

__________________

هذا اسمه صراع ارادات ولن ينتهى الابكسر ارادة احداهما .. لن اعطيك نصائح فالموضوع سيطول وانا كلامى مش حايعجب..
انصحك تابعى نصائح حكيمات المنتدى ومنهم الاخت بيتا والاخت امرأه ما .. حايفيدوكى كتير فى كيفية التعامل بدلا من كسر ارادتك انتى ..

بصراحه مافهمت عليك يا اخ رؤؤف ياليت توضح اكثر لو عندك شي يفيدني وبجد انا محتاجه تفاعل اكثر في موضوعي الى الان مارجع البيت المفروض من 3 يكون هينا اول مره يسويها بصراحه مو عارفه كيف اتصرف اتصلت عليه على 12 الظهر اسااله اذا حيجي يتغدا وقال لا مارجعت اتصلت عليه الى الان مو عارفه تصرقفي صح او لا انا والله ثم والله ثم والله مو مهم البرنامج عندي االله لا يرده لكن الفكره الي براس زوجي هي الي مضايقتني المفروض مايعاملني بهالطريقه ويكون ارقى شوي بتفكيره الله يفرجها ويسر الامور يارب