السلام عليكم

حبيت اطرح مشكله لاقرب الناس الي كتبت مافي قلبها واحببت ان اساعدها وانا واثقه كل الثقه بتجاوبكم مع المشكله

.............

اسمحولي بتكلم شوي عامي


بدت المشكله من يوم دخلت هالزوجه البيت بدت الغيره تتسلل الى قلب الام لانه ولدها الوحيد

بدت تحاول يوميا تسبب المشاكل حق هالزوجه والنتيجه يجي الزوج معصب على زوجته الى ان تطور الامر للضرب وامام الجميع

حتى الخادمات بالبيت....

وللاسف انها كلها اقاويل ملفقه للزوجه المسكينه ... والمشكله ان الزوج يصدق اي كلمه تقولها له امه... على حساب زوجته

وللعلم ان البنت ماقصرت معاهم دوم تساعدهم بشغل البيت مع وجود الخادمات وهي حامل وتعبانه وهم مابين بعين هالام اللي دوم تشتكي حق الزوج زوجتك ماتساعدنا!!!

تقريبا اقدر اقول صارت حياتهم جحيم الزوجه كل يوم تبكي والزوج كل يوم يعصب ويصارخ وكله على اسباب تافهه تثور السالفه

ومااكتفت الام بهذا القدر صارت لدرجه ان اذا الزوجه قعدت تولف معاهم يقلبون الكلام عليها ويغيرونه ويترسون فيه اذن الرجال

ويمكن كل اللي تسويه من حبها الشديد لولدها ماتبي حد ياخذه منها...

لدرجه انها ماخلتهم يسافرون بعد الزواج شهر العسل... ومضت الشهور وكل مافكرو بالسفر

طبعا هي اول وحده بتروح معاهم .... مع ان زوجها موجود وعيالها..

لكن حتى في الطلعات العاديه تطلع معاهم ... والزوجه ترضخ للامر الواقع

يمكن هي مره او ثنتين طلعت مع زوجها بروحها......

المهم تطورو الاوضاع اكثر واكثرررر

اول مره يمر عليهم اسبوعين بدون صراخ وزعل ويبتدي الحب يرجع لحياتهم

كانت الزوجه بغرفتها...

جاها زوجها معصب ... شسالفه ماتدري حاولت تهديه بالكلام الطيب مانفع...

حست بالضيقه لانها ماسوت شئ...وفجأه انهال عليها بالضرب

ومب اي ضرب لدرجه انه سبب لها الجروح بالوجه

جات الام تدافع عن ولدها !!!!!

وتصارخ وتقول هذي البنت نكديه شتبي فيها اهجرها ولاتعور قلبك

بعدها طلع ورجع مع هله الى غرفه الزوجه وطاحو فيها اتهامات وقالو انها قالت كلام واجد

والله العالم انها من اهل الله ولا لها بسوالف هالحريم

ويوم انكرت كلامهم قام الزوج يضربها جدامهم

بعدها الزوجه طبعا انهارت من اللي تشوفه منهم.... ولو وحده غيره ماقعدت بالبيت لحظه وحده هذا هو الواقع

لكنها في كل مره تستحمل الضرب

لكنه هالمره مااكتفى بالضرب بس هجرها هو وهله لدرجه انها اسبوع ماتاكل ولاتشرب حاجه غير ماي كانت تجيبه الشغاله وبعدها منعوها انها تروح لهاوهي حامل ومحتاجه للتغذيه

كان يجي ويروح عليها يشوف حالها دوم تبكي وماتاكل شئ ولايهمه عايش حياته

ومع كل هذا صبرت عليه وحاولت كل يوم تراضيه بكل الطرق وبالكلام الحلو وهي جروحها بقلبها

وكان يصدها دوم حاولت معاه 3ايام ومافي فايده وبعدها ماستحملت الوضع راحت عند اهلها

مع العلم ان امه حاطه في باله يتزوج وحده ثانيه احسن له



وطبعا تمضي الايام وهو لايسال عنها ولااهله بعد مع انها ماقصرت معاه في شئ حتى وهو مايكلمها كانت تجهز له كل ثيابه واغراظه للدوام

لكن والله مايبين في عينهم شئ

انا ودي تنصحونها نصيحه لله

هل خروجها صح ولا غلط

انا اتوقع انه صح لانها سكتت على الغلط من البدايه وخلتهم يتمادون في كل مره

بانتظاركم

__________________

حبيبه زوجي

طبعا خروجها صح الا صحين
والله بنت حلال الي صابره الفتره كلها والمفروض من البدايه
الاسلام كرم المراه وهالرجال قاعد يطلع عضلاته عليها
اسمحيلي الطيبه ماتوصل لهاذي الدرجه
بيت اهلي اعز لي واكرم لي حتى لو اعيش عندهم منذله بتصير اكرم من هالعيشه مع هالزوج واهله ....
احس اقتهرت .........

يظهر من الكلام ان

الام قوية الشخصيه

الزوج (( طرطور )) عديم الشخصيه

عذرا على قوة الالفاظ

لها الدعاء فانه يقلب القلوب...وانا اتيح الطلاق كخيار مناسب

الله يكون في عونها ....
... إذا كان يحبها ، بيرجع لها وبيفهم وش اللي قاعد يصير بالضبط ...
إييييييييييييييييييييه ،قلبتي علي المواجع .

انا اقول خروجها صح مليون في المية تو الناس ليه ماطلعت من قبل لا يستهينون فيها ؟؟؟

خل تقعد في بيت اهلها ومايرجع لها الرجال هذا الا بشروط هي تبيها
واول الشروط نصيحة يسكنون لحالهم في شقة خاصة فيهم
شائت العجوز ام أبت

خل تستاهل الي سوته ولدها راح سكن عنها بعيد

اوجه كلامي لصاحبة المشكله

اختي كشف الله ضيقك وعوضك خير .........
القصه مأساويه .... واسأل الله ان يعينك
الظلم ظلمات .. ولن يضيع حقك عند الله .. اما الظلم البشري فليس بغريب على ضعاف النفوس ..
اختي زوجك يظهر لي انه صغير سن واذا لم يكن كذلك فهو رجل تربي في بيت ظالم
ونزعة الشر ليست غريبه على من كانت تربيته على يد هذه الظالمه..

اختي ... استخيري ربك في البقاء مع هذا الزوج او طلب الطلاق والخلاص
لان مثله .. صعب التغيير واذا تغير لن تغيري من اسلوب امه الا بالخروج من منزلها
وتكون العلاقه سطحيه تجنبا للمشاكل

__________________

[move=left] وغدا نفرح.........فلا نعرف للحزن محلا
وغدا للحاضرالزاهر نحيا...... ليس الا
قديكون الماضي حلوا انما الحاضر احلى[/move]

اشكركم من كل قلبي على تجاوبكم مع المشكله

ولكن السؤال هنا الى متى بتظل في بيت اهلها وتعتقدون الطلاق هو الحل الامثل خاصه وهي حامل؟

او انها تطنش لسالفه زوجاه بسهوله وغير مبالاه!

تحياتي لكم

__________________

حبيبه زوجي

طبعاً رجعتها لبيت أهلها هو الحل الأمثل حتى لوكانت حامل .. المسكينه وهي بدون عيال سوى فيها كذا .. أجل بكره لو جوها العيال وكبرت المسؤوليه وش اللي بيسويه .. على الأقل تقعد في بيت أهلها معززة مكرمه ولو فقدها وجاها لي البيت أول شي تخلي أبوها أو واحد من أخوانها يوقفه عند حده .. عن مسأله الضرب .. وبعدين ترجع وتشوفه تغير وإلا لا ... وخل تقوله أن أمه مالها دخل في حياتهم .. لأن وبصراحه ام الزوج هي اللي تخرب بيت ولدها دائماً .. والمفروض مايكون كذا مع أمه ولا أنه يقسى عليها .. على الأقل يفهمها ويقول لها يا يمه هذي حياتي مع زوجتي وأنا حر فيها ...

على العموم .. الله سبحانه وتعالى شرع الطلاق لظروف قهريه .. وبصراحه اذا هذا الزوج ماتأدب بالكلام مره ومرتين .. ترى بنت الناس مش لعبه بيده ويهين كرامتها قدام الخدم ...!!! خل تتطلق اذا مانفع أو ماسأل فيها ...

خروجها صحيح
ويجب ان لاتعود الى بيت زوجها الا بعد التفاهم مع والدها او وليها ووضع شروط تحفظ لها كرامتها
ويجب ان لايكون هناك اي تنازل عن اي حق من حقوقها
وزوجها باعتقادي اذا هوباقي عليها سوف يرضخ لكل شروطها وخاصه بعد الولاده