مرحبا


انا متزوجة وعندي بنت و3 اولاد ذكور

اتزوجت وانا عمري 15 سنة وداخله على 16 سنه

منذ اكثر من 20 سنة وانا وضعي مع زوجي مو عاجبني رغم اني حاااولت قدر المستطاع تصيحته في تعديل اسلوبه معي والانتباه لي وتعديل وضعه بشتى الاساليب لكن مو نافع معه .. واتحملت مصااعب وضحيت بكل ما املكه عشان اعيش مع زوجي براحة على امل يتعدل الوضع مستقبلا لكن للاسف الوضع من السيئ للأسوء

1 ــ لايهتم بمظهره الخارجي نهاائبا,, مثلا لدرجة انه لايقوم بحلق لحيته ويبقى عليها لمدة تناهز اسبوع او اسبوعين << وضع يثير الاشمئزاز .. حاااولت معاه لكن ماكو فايدة

2 ــ اغلب وقته (ثلاثة ارباع الوقت تقريبا ) يقضيه مع اصحابه وجلسات البحر اللي مايمل منها نهاار وليل وبشكل يومي // ولما يرجع يجي بينام اقول له ياليت تجلس معي شوي لاني طول اليوم ماشوفك وخاطري تجلس معي واحس انك تهتم فيني شوي .. يصدني ويقول والله تعبااان وانتي فاااضية وماوراك شي .. خليني ارقد احسن >> احباااط بقووووة وتحطيم على مستوى

3 ــ 24 ساعه بالبيت جالسة ولما اقول له تعال نطلع ونشوف الدنيا ونغير جو يقول انا ماعندي وقت واذا تبغي تروحي الى بيت ابوك روحي هناك وغيري جو ،، وحتى اهلي مايزورهم .. اقول له انا اقصد نطلع مع عيالنا ونروح حديقة او مطعم او اي مكان نجلس فيه نغير جو ,, لكن مايعطي اي اهمية للموضوع

4 ــ لما اقول له يا ابن الناس الحرمة تحتاج الزوج معاها يشاركها كل همومها وافراحها وانت مالقيك الا اذا بتنام ,, انا محتاجة منك لكلمة حلوة تحسسني اني أنثى واشعر انك زوج واعيش زي العالم اللي عايشين وانا من النوع اللي اهتم بمظهري ولبسي واناقتي لكن ماكو فايدة معاااه .. ولما اجي اطلب منه يجلس معي اذا رجع من عند اصحابه يقول لي وانتي بس ماتجيك السوالف الا نص الليل !! .. اقول له وانا اشوفك متى غير نص الليل .. يابن الناس حس فيني شوي تراني قربت اطفش من هالمعيشة ,, لكن يسخر من كلامي ولايهمه اي شي من اللي اقوله ..

5 ــ اقول له طلبات لعيال كثرت والحياة صعبه ياليت تفكر بعمل اضافي او عمل غير عملك هذا (عمله مؤقت يعني الاجازة الصيفية ماكو عمل ويجلس في البيت ) يعني عمله مو دااائم .. يعني في الاجازة الصيفية تجلس بدون عمل وتصير الامور صعبه كثير علينا انا وعيالك .. فالافضل تدبر لك عمل اضافي او تغير هالمهنة لانها ماتصلح الا لشخص اعزب ماعنده مسئولية زوجة وعيال ,, والمشكله انه عليه سلفتين للبنك ومايبقى من راتبه اللي يحصله شي .. رغم هذا وهو مايرضى يشتغل اي شغل اضافي ويتحجج انو مريض مع انه يجلس مع ربعه طووول الوقت ولايشكي من اي مرض بس يجي البيت تطلع امراضه ومدري ايش .. وضع كئيب جدا ومتعب



ومع استمراار الاهمال منه لي والى بيته حسيت اني وصلت الى حالة اكتآآب مزمن وكرهت حتى اجلس معاه كزوجة .. وحااولت ابتعد عنه لكن عيالي هم اللي يكسرون خاطري ويقولوا لي لاتخلينا .. وارجع واظل معاهم لكن وربي ماني طايقه حنى اطالع وجهه لان مشاعري احسها خلااااص تلاشت من ناحية هالانسان واستمراري معاه وهو على هالوضع سبب لي تعب نفسي .. مع العلم اني كلمت اهله وحاااولت بشتى الطرق بس اهله يدافعون عنه ومايرضون عليه واحسهم يصدون عتي اذا جيا اكلمهم ،، وربي عذااااب

اذا جلست معااه بيصيبني جنووون .. واذا تركته لعيال يكسرون قلبي .. وانا اما اجلس وافقد عقلي او اخليه ورزقي ورزق عيالي على الله ,, والله حيـــــرة وتعب تعب

__________________

طيب حبيبتي انتي ما تشتغلين؟


اعتقد ان زوجج يبيله من يصحيه يبيله ضربة قوية على دماغه


مو عشانج انتي عشان العيال






وانتي اذا بغيتي اييج ولا يسهر عند ربعه سويله اي شي يجذبه





حفلة/ مفاجاة/ اي شي تخلينه سبب ان يرجع البيت






ولا تكثرين من ذكر تقصيره ترى بيقصر اكثر

__________________
لا اله الا انت سبحانك اني كنت من الظالمين

ادعي ربك فالله خير معين

الله يعينك ..


لكن حاولي ترجعينه للبيت وتخلينه يحب البيت ، ويمكن يكون في باله شي يخليه يتهرب من البيت ولا يبي يقوله لك ..


عموما الله يصبرك ويعينك

يارب يفك كربك ويفرج همك ويشرح صدرك
اميييييييييييييييييييييييييييييين
ربما حبيبتي لان كثيرا ما تتهميه بالتقصير وتشعريه بمسؤلياته لهاذا يهرب من البيت
ربي يصلح حالك وانا لا الومك لان 20 سنة كانت كفيلة تصلح حاجات كتير لكن في رجال كتير الله يهديهم ما يحبو المسؤلية وعندهم انانية ولا مبالاة

__________________
لا اله الا الله

الله يسخر لك زوجك ويوفقك واصبرررررررري وادعي ربك وارتبطي بالله فهو خير معين

حاولت اشتغل شغلات تعدل من وضع البيت المادي بس المشكلة هو يستغل هالشي عشان مايشتغل ويوفر متطلبات البيت بالشكل اللي المقبول ع الاقل .. وانا اتعب في شغل البيت ومتابعة عيالي وبعد شغل بره البيت !! يعني انا احس نفسي منهكة نفسيا وجسميا .. ثاني شي اذا انا اشتنغل في البيت واراعي بيتي وعيالي وبصورة شبه كلية فكيف استحمل تعب العمل بره البيت بعد .. انا بشر ولي طاقة والله ما يرضى بالظلم .. ورغم هذا كله هذاني ما ارتاح لا ليل ولانهار والارهاق ذبحني وهو ولا همه ولاحتى يقول جلسي مع لعيال وراعيهم وراعي البيت وانا واجبي اوفر اللي تحتاجونه .. الحمد لله انا مو مهم عندي الناحية المادية كثر ماهو مهم عندي الراحة النفسية اللي المفروض يهيئها لي انا مع عياله من خلال الاهتمام اللي فرضه عليه الشرع من قبل الله سبحانه ..




وربي سويت كل شي .. حااولت معااه بشتى الطرق .. وحتى اخر مرة يعني من قبل كم يوم بس كان عيد ميلاد ابني فقمت و شريت كعكة وشموع وحلويات وقلت له الليلة نحتفل بعيد ميلاد ولدنا الكبير وخلينا نطلع وننبسط شوي .. قال احتفلي معاهم لحالك انا بطلع مانيب جالس .. يعني وشيخسر لو جاملني وجامل ابنه ع الاقل ..!!
يعني مافي شي ماسويته له .. احيانا انتظره لوقت يرجع بدون ما اتعشى ويجي في وقت 1 بالليل تقريبا واقول له انا ماتعشيت الليلة ( المح له عشان يقول قومي نطلع نشتري شي ونغير جو ) لكن يرد علي ببرووووووووود ويقول بذمتك هذا وقت للأكل ومدري ايش ..!!!

وحتى لو بالغلط ليلة وحدة يرجع البيت بكير يجلس راااز وجهه مع التلفزيون ومن قناة اخبارية الى قناة اخبارية .. ولو تقوم القيامه جنبه مايحس وشصاير .. وهذا الطبع اللي فيه من اول ما اخذتنه للحين .. حاااولت اعدله واصبر واقول بيتعدل كل شي لكن في النهاية احس نفسي كني أأذن في خرابة لحالي .. يعني لو حاااولت معاه وتعدل نصف درجه لمدة يوم يرجع يوم ثاني على نفس عوايده ,,
يعني احس انه ميئوس منه ..

__________________

يا الله مالي غيرك ياربي ساااعدني وخلصني من هالتعب

مشكورة وربي يجزيك كل خير

__________________

والله ياخوي حاااااولت مرااات كثيرة معاه .. واذا فكر يرجع يجلس معانا وتلاحظ عليه كنه جالس غصب .. كنت اكلمه واتفاهم معاه واقول له بيتك وزوجتك اهم من كل شي .. راعينا احنا محتاجينك كرجل وأب يحمينا ويشوف طلباتنا ،، لكن يعصب ويزعل ويقوم يطلع من البيت وهالشي يخليني اسكت عنه وافقد الامل فيه ..
على فكرة تراني حتى امور اللي المفروض هو يسويها للبيت كرجل اقوم فيها انا ( يعني انا اسويها ) اذا بغيت اشتري حاجات البيت ومستلزماته اطلع لحالي اشتريهم من السوبر ماركت وينكسر خاطري لما اشوف الحريم معاهم ازواجهم وهم يشترون حاجات بيوتهم لكن انا لحالي افتر واشتري كل شي بنفسي ..
ولو فكرت بعشى من بره .. اضطر انا اطلع اشتري عشى لي ولعيالي .. ويرجع من بره حتى مايسأل ها تعشيتوا او لا او حتى يدق جواله ويسأل محتاجة شي انتي ولعيال عشان اجيب معي ..
وحاااولت الفت نظره الى هالنقطة واقول له ياليت تحاول تدق علي وتشوف طلباتي وطلبات لعيال لان انا اتعب لحالي وما الحق على كل شي .. ساعدني تكفى .. لكن وربي يسكت عني ولا حتى يناقش ولا يقول ثلث الثلاثة كم ..


رغم هذا وانا صابرة .. لكن مو الصبر له حدووود ؟؟؟

انا بشر مو حجر .. ولي حقوق زي ماهو له حقوق ..

تعب والله تعب

__________________

احلف لك بربي اني خلال هالزمن اللي عشته معاه كنت صااابره وساكته ومتحملة .. لكن في الكم سنتين ذولي اللي فاتوا زاااد الشي عن حده .. وطفح الكيل وصبري نفذ

وانا ماطالبته بشي مو من حقي وحق عيالي .. مع العلم اني ما اتهمته بالتقصير من عبث .. الا لما قتل فيني اجمل احاسيس المرأة وتركني اعاني لحالي ولا اقدر اكلم احد من صديقاتي واشرح له وضعي عشان لاتكبر معاه المشكلة
لكن حاولت مع اهله واهله عاجبهم وضعه .. لا والقهر يدافعوا عنه ويتضايقوا لما اجي اطلب منهم ينصحوه .. من جد بلااااااااااااااااااااااء

__________________