بسم الله الرحمن الرحيم
السلام عليكم ورحمه الله وبركاته
بصراحه انا كنت متابعه لكم في صمت اعرفكم واحد واحد ودايم ادعي لكم ومعظم وقتي افكر فيكم وش صار مع فلان وفلانه لان الجلسه على النت في الحسره المهم انا راح ابدى في الموضوع زي ماهو واضح من العنوان ابي اتكلم عن خيانه زوجي لي بس في البدايه لاحديقول هذي قصه خياليه لاني والله صادقه وما كتبتها لكلم الابعد مانفذصبري ولا احد يقول اكيد العيب فيك ترى انا ماني وحي منزل انا انسانه لي مميزاتي وعيوبي زي كل انسان بس قابله للتغير اهم شي كل اللي اقدر عليه اسويه واذاطلب شي ما قصر في حقه احب اخذ الجديد من الحريم حركه طبخه حلوه واسويها له موصفاتي طالبه جامعيه من عايله معروفه (من مستوي متوسط)زوجي اقل مني شهاده ومستوى اما بالنسبه للجمال عاديه بس احلى من زوجي بشاهده الجميع اهله اولا وعمته ثانيا دايم تقوال زوجتك احلا منك وهو حقد عليها وجماعته طايرين فيني يحسوني من كوكب اخر ماني مغروره ولاهمني الجمال ولا المستوى بس ابي اعيش زي الناس احب البس واكشخ وزجي بنفسه قال انت كل شي يولق عليك عمرك مالبستي شي لاهو احلى من الثاني سؤالكم ليش تزوجته دامه اقل منك؟امي تعرفهم ودايم تمدح فيهم وهم في الظاهر حلوين لاكن الباطن لا المهم جاء خطبني وافقت على بالرغم انه كان ولد خالتي يبيني بس رفضته واخذت الغريب وهذي المقدمه علشان ما يكون فيه شي غامض عليكم لاني راح اغيب عنكم فتره يمكن اربع خمس ايام الله العالم المهم تزوجت وبعد فتره من زواجي كان زوجي نايم وجواله عندي في الصاله اخذته بدون قصد والله العظيم وكنت اقرى الرسايل وشفت ان زوجي مرسل رساله لوحده وهو عرياان بصراحه انصدمت ولما قعد زوجي كلمني مارديت عليه قال وش فيك قلت ليش ترسل رسايل وسخه قال هذاصديقي فلان متورط مع وحده واشتكت عليه وحنا نبي نساعده قلت له احد يساعد احد بها الطريقه ويورط نفسه قال هذي خطه واخذ الجوال وقعد يكلم صديقه الوو فلان ورطتني زوجتي درت في صديقتك ومن ها الكلام ادري كذب بس قلت مادامه اعتذر وصرف الموضوع خلاص وعلى فكره انا كنت حامل ومابغيت ايتم ولدي وسكت(هذي اول خيانه)والثانيه قال لي وش اخبار اختك ميعاد (اصغر مني)قلت تمام قال انجحت قلت ايه قال دقي عليها ابي ابارك لها ودقيت( معتبرته اخو لخواتي )وقعد يسولف وطول وفصلت انا الخط قال لي وش ها الغيره قلت انت قلت تبي تبارك مو تسولف وسكت وبعد فتره قالت لي اختي ميعاد زوجك دق على الثابت مره صدفه ورديت وقعد يسولف معي وقال انا كنت بتزوجك بقصد لما سمع من اهله انه ولد خالتي يبيني بس لما جاء يخطب قال انا ابي ريم وابوي يقول هو سماك بسمك انا عارفه انه كذب يلعب بعقل اختي ولما قلت له قال اختك كذبه غيرنه منك اختي ما تحبه وتكره من حركته وتقولي كيف متحمله الحقير والثالثه انا لما ولدت وجبت النونو وتشتت بيت دراسه ولد اوكيه اخليه عند امي لما اروح الدوام ولاكن لما اجي طبخ غسيل كوي مذاكره قلت لزوجي ابي خدامه قال لا وبعدين وافق بشرط اني ادفع معه مبلغ معين وجت الخدامه ولتها ما جت اغتصبها من اول شهر على الرغم انهابنت الله ينتقم منه انا اشوف الخدامه تقولي مدام ابي اروح لديرتي اقول لها ليش تسكت ولما طفح مها الكيل قالت لاختي ملاك(اللي اصغرمن ميعاد)المهم وقالت لها اختي قولي للمدام قالت حرام المدام مره طيبه معيااا وماابي اخرب حايتهاوقالت لها احتي خلاص بس من كثرما تشكي لي ملاك مره اسمعتهم ميعاد وقالت لي وفعلن طلع الكلام صحيح انا مره كنت مسويه نفسي نايمه وقام زوجي وقف فوق راسي شوي وطلع ورحت وراه ودخل غرفه الخدمه بس حظه الخدمه كانت تتسبح وكذا موقف اكد لي طبعا حنا ماعرفنا لابعد ما قربت تخلص السنتين وانتظره شهر علشان اورقها ما خلصت مماطه من زوجي مايبها تروح وعلى فكره ترى قالها ابى اتزوجك بس في السر بس الخدمه قالت لا ولما قلت له قال انتي مخفه خدمه تضحك بعقلك وقتها كنت انا مخلصه الجامعه وسفرنا الخدامه والرابعه جابت لي صديقتي واسطه في الوظيفه معينه وقلت لزوجي وقال لي لا وين تحطين ولدك ولا تبين خدامه وتسوين لي سالفه مثل الاولى مسوي نفسه مظلوم على الرغم ان ولدي كبير واقدر اخليه عند امي وبعد فتره قال صديقتك اللي جابت لك واسطه تقدر تتوسط لمرت صديقي فلان حرام محتاجين قلت انا اكلمها واشوف (ويمكرون ويمكر الله والله خير الماكرين)وبعد ماراح فتحت الكميوتر ودخلت على سجل المحادثات ولقيت ابو الشباب مسوي نفسه واسطه في نفس الوظيفه اللي قالت عنها صديقتي ويبي يتوسط للبنت وتزوجها بس البنت قالت له ليش تبي تتزوج على زوجتك قال مريضه نفسيا بس البنت بعد فتره اعرفت انه هو المريض النفسي وتركته وكلم وحده ثانيه وقالت له ليش تبي تتزوج على زوجتك قال تروح لاهلها كثير قالت له البنت لو لقت عندك خير ماراحت لها دورفي نفسك وغيرهن كثير(تصدقون دايم ادعي لي هل بنات من كل قلبي )والحين قيس (زوجي)طاح في هل ماسنجر ليل نهار ويرسل للبنات صورته وهو عرياان انا مريت بصدفه ابي الشاحن اللي وراه وشفته والحين يا عالم وش السواه ابي رايكم اطلب الطلاق انا والله ثم والله ثم والله ماعاد يهمني بس اولدي حرام يتيتم وانا من كثر ما اجي عند اهلي ابوي يقوال اذا جيتي هالمره طلاق وبعدين ابوي رجال كبير ومريض اخاف اضايقه وهو عنده 7بنات واخواني بس 3 وصغار يااارب افرجها آآآآمين

صراااحة معقولة في رجال كدا ...

ماعنده ذرة اخلاق ... والله ماني عارفة ايش ارد عليك ...

لي عودة باذن الله

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا حول ولا قوة الا بالله،،
اختي وضعك صعب جدا،لكن الا تخافين على نفسك من الامراض الناتجة عن الحرام؟؟
اضافة الى نفسيتك التي ستنعكس على معاملاتك تجاه الناس وتجاه ابنك خصوصا..

لا استطيع ان اقول لك تطلقي،،لكن.....

__________________
استغفر الله لي و للمؤمنين و المومنين ,, الأحياء منهم و الأموات الى يوم الدين

لاحول ولاقوة الا بالله

الله يفرّج همك بصراحة الخيانه صعبة

بس لابد من حل غير الطلاق انا ماشوف بكلامك اي مبادرة بحل المشكلة يعني ماسويتي شي

المفروض تحاولي تحلي المشكلة من جذورها

زوجك ضعيف ايمانه يبيله صدمة تصحيّه من سباته

الله يسخره لك ويعينك استغفري ربك كثير ترى الإستغفار نعمة من ربي مامن هم الا ويفرجه ربي من الإستغفار

__________________
حسبي الله ونعم الوكيل

اشكرnooraوhermosa ماعدت انا ع التفاعل انا اليوم موجود وبرد لاكن بكره مااقدر اختي من قالك انا ما تكلمت معاه تدرين وش بيصر لو ناقشته انضرب يقول انتي تشكين فيني وانا بعلمك وشلون الشك معاد فيه روحه ولا جيه ولاطلعه مره وانا بس ناقشته عن الكلام اللي قالته اختي طبعا ما طلعت معه لا في حق ولاباطل انا اكذب عليه واختي تكذب و حنا نتبلاه وانا وقتهاماجاني نوم ورحت وجلست ع التلفزيون قام علي وقال يالله للفراش انا مدري وش تبين تسوين بعدي لما انام هذا الشك اللي تبينه ليش بس انتي تعرفين تشكين وسحبني من عند الكنب وطحت وانا حامل وتوي داخله السابع ما قال اولدي حرام ولما رحت اركض ركض وراي وطحت علي الدرج وولدت اولدي بعدها في اياام قليله اقسم بالله العظيم اني صادق وانادايم الروح لبيت اهلي ويدق ويقول ما عاد اعودها واقسم بالله لاكون ختم بيدك بس ارجعي ولما ارجع كله كذب والله يوم يدق يقول انا ماراح القى مثلك وانت وانت وانت وانا غلطااان سمحيني بس الحين انا ماعد اصدقه ابد لو يحلف مليييون مره
اختي nooraانا قلت من اول انكم راح تستغربون والله واقسم بالله انه هذا زوجي وانا مااكذب ولا زدت عليه ولاحرف بلعكس نقصت كثير لاني لو اكمل راح تقولون وش ها الغبيه الساكت والله اني صادقه
اختي hermosa اكيد اخاف واموت من الخوف بس وش اسوي ربي عالم بحالي دايم ادعي واقول يارب انا ماسويت الحرام اذا عاقبته بفعاله نجني منهاانا وولدي ولا تظلمنا يمن حرمت الظلم على نفسك

حبيبتي الله يعينك عليهب ويصبرك ،،هذا ان قررت البقاء معه..

لكن عليك ايجاد حل وجذري لهذا الامر،والا فحياتك كلها ستكون جحيم بجحيم،،
والا اصبري على ما يفعله ولا تنطقي بكلمة>>وهذا اجده شبه مستحيل ان هناك امرأة تسكت على الخيانة.
دعواتي لك يا غالية من كل قلبي ان يهدي الله زوجك ويآتيك بللي فيه الخير
استخيري يا حبيبتي وشوفي لإيش يرتاح قلبك وسويه

موفقة ان شاء الله

__________________
استغفر الله لي و للمؤمنين و المومنين ,, الأحياء منهم و الأموات الى يوم الدين

اخوني اخواتي اسالكم بالله اللي يقري الموضوع يذكرني انا وولدي لو بدعوه انا محتااجه لدعواتكم الله لا يحرمكم اجر ها الدعوه واللي مومصدق يقول يارب اذا كانت كذبه انتقم منها انا راضيه وماراح ازعل ابد

أيش باقي ماسواه كله كووووووم وأغتصاب الشغاله كوم حرام عليه ضيع مستقبلها

صراحه موعارفه أيش أقولك بس توكلي على الله مفرج كل الهموم وكاشف كل الكرب بيده كل شي لاتيأسي

فرج الله همك حبيبتي أسأل الله الهادي الى سواء السبيل أن يهدي زوجك اللهم أمين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

الله يفرّج همك

ويخليلك ولدك

عليك بالإستغفار

قال عليه الصلاة والسلام ((من لزم الاستغفار جعل الله له من كل هم فرجا، و من كل ضيق مخرجا، ورزقه من حيث لا يحتسب)

والدعاء بجوف الليل

لن أنساك من دعائي بإذن الله

الله يهديه ويسخره لك

اللهم يامسخر الجبال الراسية والعبيدالعاصية اسخر قلبه لها واهده واصلح حاله

__________________
حسبي الله ونعم الوكيل

لا حول ولا قوة الا بالله

حسبنا الله ونعم الوكيل

اقسم بالله عيني تصارع الدمع وانا اقرا موضوعك وردودك

اختي تفكرين بولدك الان تبينه يتربى تربيه صالحه لازم ينصلح حال رجلك

لان بكره بيكبر الولد بهالبيئه والعيشه وبيتوقع ان هالامور عاااديه

اذا انتي موظفه وقادره على مصروفك ومصروف ولدك

اهلك ما باعوك ولا استغنوا عنك

روحي لهم ارحم لك ماحد يدري وش بيصير بكره يسافر احد هالدول ويرجع لك شايل امراض قاتله

الله يعينك فيما ابتلاك هذا ابتلاء اختي الكريمه اصبري واحتسبي

وربك يفرجها