السلام عليكم ورحمة الله وبركاته
كيفكم ان شاءالله الجميع بخير
ابشركم وضعي الحمدلله تمام وانتظر مولود قريبا ان شاءالله
ولكن فيه منغصات او بالاصح بعض الحاجات اللي احاول تغييرها
اولاً تعبت وانا احاول اخفف درجة الحيا مني انا وخصوصاً انها تربت على الحيا وانا احب المراءه اللي تستحي واقدر الحيا ولكن مو بهالشكل يعني مثلا ساعات اشوف ملابس واشتريها وابي اشوفها عليها فـ اول كلمه اسمعها منها اخيه هههههههههه تصدقون ان وجه عمتي الى الحين ماشفته وتتغطي عني

ثانياً وهذا الاهم هو غيرة اولادي منها
فـ صرت الاحظ ان اولادي يطلبون طلبات كثيره وكأنهم يقولون شوفي ابونا مايرفض لنا طلب
وبطبيعة الحال فيه حاجات خطيره ومااقدر اجيبها لهم لانها خطيره عليهم فـ يتضايقون بشكل غريب
فكيف احد من الغيره ؟
ثالثاً حزنها على بنتها كونها عند جدانها واحيان كثيره تكون شارده وتبكي على بنتها بالرغم اننا نستغل اذا جدها طالع بعيد ونجيبها عندنا تنام عندنا حتى يرجع جدها لانه رافض انها تكون عندنا

اما الباقي فـ الحمدلله بنت الحلال ماهي مقصره ابدا قايمه فيني وفي عيالي الله يسلمها ويسعدها

ماشاء الله تبارك الله
بتكلم بنقطة وحدة
حزن الام على اطفالها مايعادله حزن 😞
وهذا شيء فطري و طبيعي الا اذا كان قلبها من حجر
لذلك كن كالوالد لهذه الطفلة واظهر اهتمامك بها حتى يقل حزن الام عليها

ماشاء الله اخوي الوحيد الله يبارك لك
وبين أطفالك وزوجتك حاول تكون متوازن والله يوفقك ياقلبي عليها قلبها مشتت بين بنتها وأسرتها الجديده كم عمر بنتها ؟ الله يجبر قلبها ويعينها وضعها مؤلم وجدها مبالغ في رفضه لو كل ويك اند تنام عند أمها ليلتين او ثلاث حتى يهدى خاطرها

ماشاء الله ☺الله يوفقك ويسعدك تستاهل كل خير
اولادك طبيعي يغارو بس حاورهم واصبر عليهم
اما زوجتك عطيها وقتها لا تستعجل عليها وياريت
لو تقدر تكلم عمك يخلي البنت تجي عند امها
ولو ع الاقل خميس وجمعه ..سؤال من يهتم بها ف بيت جدها

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

بالنسبة لغيرة الاولاد ف طبيعي..
و بعد فترة يتعودوا خاصة لو جاء النونو الجديد ان شاءالله و حاول انك لا تفرق بينهم و بين الطفل الجديد حتى لا تزيد الغيرة

بسم الله ما شاء الله
لا قوة الا بالله تبارك الله


الله اكبر ولله الحمد


حفظكم الله وستركم
وبارك لكما


الحيا جميل آخى العزيز
وانت عودها ومع الايام
تتغير بإذن الله


ولكن حافظ على ان يستمر
هذا الخجل والحياء حتى لا ينقلب
الآمر لا قدر الله الى جرآة التى لا تحمد
عقباها لا قدر الله .. الست معى


اما عن الاولاد فيجب من الحوار
معهم واحضر بعض الهدايا التى
يحبوها واعطيها زوجتك تعطيها
لهم .. اسأل الله العلى القدير
ان يآلف بين قلوبهم


اللهم آمين


وكيف حال طليقتك
واعلم انها تشتغل من
خلف الستار وتملىء اطفالك
فعليك من الحيطة والحذر
منها كفاك الله شرها


ولا تنسى تحصن نفسك
وبيتك واهلك بالقرآن الكريم
والاذكار

__________________

مرحله غيره الاطفال طبيعيه
ودلعهم شوي هالفتره لانهم بطلباتهم يختبرونك باقي على غلاهم ولا لا
زوجتك ماشاءالله نعمه اذا قايمه فيك وعيالك
حزنها امر طبيعي مع الوقت بتتعود اهم شي دايم حسسها ان بنتها شي مهم وبيتك مفتوح لها
الله يوفقك ويسخركم لبعض

ماشاء الله تبارك الله الحياءشعبة من شعب الإيمان ويمكن بعدها صغيره الله يسعدك ويبارك لك فيها
بشر كيف حال يد ولدك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

نعم صحيح اختي انه طبيعي ولكن هالشي يضايقني لاني احاول اني اسعدها وابذل كل مابوسعي لسعادتها لانها تستحق السعاده الله يحفظها
اما بنتها يعلم الله اني اعاملها مثل عيالي بالضبط وازود بعد
ولكن ساعات هي تتضايق من دلعي للبنت
فمثلا شفت البنت نفسها بجوال مثل اللي مع عيالي ورحت واخذتها واشتريت لها
امها تضايقت تقول ماابي ادلعها وتتعود على الدلع
فـ صرت اعطي الام فلوس واقول لها هذي للبنت واشتري لها اللي تشوفينه مناسب لها

عمر البنت 7تقريبا بصف ثاني ابتدائي
وجد البنت معه حق لانه خايف ان يوصل لابوها انها عندي وياخذها