السلام عليكم ورحمة الله وبركاته
اخواني اخواتي انا اليوم جايه وكلي امل بعد التوكل على الله اني القى الحل عندكم باذن الواحد الاحد
راح ادخل في الموضوع على طول
انا متزوجه صارلي كم سنه وشاء الله انه ما رزقنا اطفال وبعد الفحوصات صار السبب في زوجي واتجه لعدة مستشفيات وكلها نفس النتيجه (عدم وجود حيوانات منويه ولا حيوان منوي واحد) سبحان الله
ومن فتره قريبه ذكرو لنا طبيب ممتاز في دوله غربيه و راح زوجي لهادوله راجيا من الله ان يجد علاجا يرد البسمه لنا ولكن......... (ولكن النتيجه نفسها غير ان هالمره سوى عمليه فتح الخصيه للبحث بدقه عن حيوان منوي ) ولكن ااااااااه لم يجدوا شيا ابدا ابدا
ورجعنا وكلنا حزن والم (الحمدلله على كل شي)
سوالي لكم هل هناك احد مثل حالة زوجي ورزقه ربي اطفال؟؟
وهل هناك احد (الحيوانات المنويه معدومه)وجرب علاج بالاعشاب وجاه اولاد(لاننا فقدنا الامل في العلاج بالمستشفيات) يعني لو انهم لاقين حيوان منوي واحد كان عندنا امل ولكن......
تكفووووون ردولي
اسالكم بالله اللي عنده جواب لسواليني يرد لي لا تبخلون علي الله يجزاكم الجنه ويرزقكم الذريه الصالحه ويوفقكم
انا مشتاااااااااااقه اشوف اطفالي وكل ما شفت اللي حولي عندهم اطفال والله اني ابكي موحسد والله لكن اتمنى يصير
عندي طفل يملى علي البيت بضحكته وصياحه ..
(الهم اني اليك اشكو ضعفي والمي فارزقني ولا تحرمني يا قادر يا علما بحالي استجب دعاءي)