لوكنتي مكاني للنساء
السلام عليكم ورحمه الله وبركاته بصراحه اليومين الي فاتت لما ادخل منتدانا الغالي واشوفه انه مغلق للصيانه يتكدر خاطري مررررررره والحمد الله اليوم دخلت وفرحت مررررره فيه انه رجع بالف سلامه وتصميم اكثر من رائع الله لايحرمنا من هاالمنتدى الغالي وشكراعلى القائمين عليه المهم اولا رجعت لكم بمشكله تخص زوجي وهل الي انا سويته صح بس ابغي كلمه حق تنقال في وحده كان زوجي متعرف عليها قبل الزواج وانتهت العلاقه من سنين مررررررررره طويله ونبشت وراه الين لقت عمل زوجي واتصلت عليه وكلمها وارسل لها صوره والحمدلله ربي كشفه قبل لاتتطور الامور وهيا كانت متزوجه وتطلقت من زوجها المهم بعد ماعرفت الموضوع واجهته وتاسف وتندم وقال ماراح يتكرر هالشي قلت طيب وسامحته لاني احبه واموت فيه وعلشان خاطر بنتي المهم امس الهانم دقت عليه وهوكان نايم وصحا وانا جنبه ودق عليها ماعرفها لانها كانت تدق عليه وميرفع عليها المهم قال لها مين انتي عرفت بنفسها هوارتبك لاني جنبه وقفل وقال فلانه دقت عليا المهم قلت خليني اكلمها واردعها قال طيب خذي سوي الي تبغيه واتصلت فيها وسلمت عليها وقلت لها الين متى بتلحقين وراء واحد متزوج وعنده عيال وش تبين منه قفلت السماعه وانتظرت دقايق واتصلت مره ثانيه بعد كلمتها بكل هدوه وقلت لها ايش تبغي من واحد متزوج وليش تبغين تخربين بيته اتسفت وقالت انها دقت بالغلط عليه قلت اوكيه ماابغها تتكرر مره ثانيه وامسحي ارقام زوجي من جوالك علشان لاتغلطين مره ثانيه ووعدتني انها مارح تدق عليه واتمنت لنا الخير والسعاده وقفلنا السماعه بكل احترام طبعا منتظر زوجي الغالي يعرف الاخبار وقلت له الي دار بيننا وقال ماشاء الله عليكي كلمتها بكل ادب واحترام وهو كان منتظر عكس هذا الشي انا عارفه اني طولت عليكم بس ابغي اعرف الي سويته صح او كان لازم اوريها العين الحمراء علشان ماعاد تتكرر منها وتجري وراه مين من النساء تسوي مثلي وتكلم وحده تجري وراء زوجها بكل احترام وهدوء منتظره ردودكم
التعديل الأخير تم بواسطة mysoso ; 30-05-2008 الساعة 06:09 PM