محتارة بامر خاطب

السلام عليكم ورحمة الله وبركاته

انا فتاة في 28من عمري
تقدم لي شاب عمره مناسب لي وتقريبا كل شي فيه تمام
لكني كنت متضايقه ومو متقبلته واهلي يضغطون علي في هذا الموضوع
وتمت الشوفه الشرعيه
وطلعت وانا متضايقه وقلتلهم اني مو مرتاحه
لكن هو من خلال السؤال الكل يمدح فيه وفي اخلاقه
لكني مو مرتاحه
خصوصا اني بالشوفه تضايقت وماحسيت اني شفته كويس
دخلت في تويتر ابحث عنه بغرض اني اشوفه بشكل اوضح ووجدته وكان يضع صورته لكن غير واضحه
لقيته حاط معرفه في برنامج اخر فذهبت ابحث ووجدتله في برنامج خاص بالفيديوهات معرف بإسمه الصريح وكل المعرفات اللي ضايفهم معرفات اباحيه ومنحطه
انا جدا متضايقه من هذا كان ممكن اضغط على نفسي عشانه كويس
هو يمدحون اخلاقه وسألنا عنه وكل اللي سألنا يمدحون فيه وهو محترم جدا وطيب
بس انا جدا متضايقه من هذا الموضوع مع انه في المواقع الثانيه كلامه محترم
لكني متضايقه جدا وحاسه اني مو قابلته
واستشرت ثنتين من صديقاتي قالو وحده قالتلي انه عادي كل الرجال يشوفون كذا ومدام سمعته كويسه وافقي
والثانيه تقول ارفضي خصوصا انه حاط اسمه الصريح
وانا جدا متضايقه وودي ارفضه بس خايفه اكون ظلمته ومرات اقول يمكن مو هو يمكن احد متبلي عليه
كيف اتبين من هذا الامر ؟
مع العلم اني ماكانت نيتي اني اتجسس ولا حطيت فبالي هذا الشي كنت اقول ممكن القاله صوره اقدر اشوفه زين
تمنيت اني مابحثت له عن شي وحاسه بتأنيب ظمير بس اقول يمكن خيره

وش اسوي ابي اراء حكيمه جزاكم الله خير

ابعددي عنه نصيحه هذا مجاهر بالمعصيه اختي اللي يشوفو كذا وبالعلن بعد قلوبهم ميته وضمايرهم
طبعا بعد التأكد انه هو ..
واللي يقولك كل الشباب كذا فهو كذاب فيه شباب صالح الحمدلله ..
اشتري راحتك ودينك ..

__________________
الحمدلله

شوفي لو كنتي مرتاحه مارح يفرق معاك وبتقولي رح اخليه يبطل يشوف ومارح تسألي حد اصلا
بس بما انك مو مرتاحه فليش تتعبي حالك بالتفكير خليه يروح الله يستر عليه ويرزقك اللي يريحك ويرضيك يارب lk

__________________
-

" وَلسوف يُعطيك ربُّك فترضى "

استخيري الله واسألي العظيم من فضله
وأكثري من قول لا إله إلا الله وحده لا شريك
له له الملك وله الحمد وهو على كل شيء قدير..
لا يضيع هذا اليوم منك ..

خوذيها نصيحه مني اتبعي احساس قلبك اذا مو مرتاحه لاتوااافقين لاتغلطين غلطي كنت مو مرتاحه بشوفة زوجي مرره احس بإحساس غريب مع ان الكل يمدح اخلاقه بالعمل و...الخ
وقعدت اقنع نفسي يابنت العمر قاعد يمشي ووافقت عليه وتم الزواج وتعالي شوفي المصايب اللي جتني اقري قصتي بمنتدى المطلقات الله يعوضني خير ولعلمك بس لماشفت معرفه بعد الزواج اكتشفت ضاايف عنده حسابات مقرفه
نفس اللي خطبك ..واقولها لك لاتوافقين تحت اي ضغط دامك مو مقتنعه ماعليك من اهلك والله ماينفعوك بعدين ..
والله يكتب لك اللي فيه خير لك

__________________
وكن في الطريق عفيف الخطى,شريف السماع كريم النظر
وكن شخصا ان اتوا بعده ,يقولون مر وهذا الأثر..

نستخدم العقل عشان نقبل بالخاطب
ونستخدم الروح في الرؤية الشرعية
عقلك وافق
وقلبك لا
ارفضيه , لازم الاثنين يتفقون الا في حالات نادرة ..