(لم اعد راضيا عن زوجتي لاني ثاني زوج لها)
السلام عليكم الله يسعد اوقاتكم بكل خير// اخوكم فالله قلبك مزحوم بالكلام والله اني ماارتاح ولا انام الاوقلبي يوجعني تعبت خلاص بقولكم قصتي والله يسعدكم ابي ردود تساعدني وتطلعني من اللي انا فيه تعبت نفسسسسا جدا وكل شي القصه كنت ادور ع بنت الحلال وبتزوج ونيحث هنا وهنا المهم مااقتنعت باللي حولي تطلقت وحده بشهر بعد العرسها فكرت فيها صفاتها حلوه جمال ودين وخلق وانها تطلقت لانها ما تطيق الرجال ولا جاها الا ثلاث مرات بالكثير خطبتها وكل شي كان تمام وتزوجنا لي الان سنتين بس متضايق يوم افكر جاها رجال غيري تتذكره تقتلني الغيره ودي بوحده ماتعرف الا انا وبس ماذا افعل يااخواني اطلقها او اتزوج عليها ابي هذاللي بقلبي يزول ارجوكم جاوبوني

(تم التعديل ليتناسب مع المضمون)

.............................
انا مو مطلقة عشان ما تقول اني انجرحت
لكن النظرة الدونية للمرءة بهالشكل توجع حتى الحجر
..................................
حل مشكلتك مو بيدنا
ثقافة المجتمع تحتاج الى رموز لتغييرها!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

أخي الغالي،،
غيرتك في غير محلها ،،،، أغير أنت ام الرسول صلى الله عليه وسلم
كل زوجاته ما بين مطلقه وأرمله رضي الله عنهن إلا عايشه رضي الله عنهابكر،،
دع عنك الواساوس وعش حياتك ،،،، فهاذي ليست بغيره ،،

غيرتك مرضيه ووساوس شيطان

مااشوف عندك مشكلة بقدر ماعندك فراغ بداخلك مو قادر تشغله

زوجتك كانت متزوجه على سنة الله ورسوله ،، وانت خطبتها وانت راضي

كيف الحين تقول غيران !!!

وعليك السلام ورحمة الله وبركاتة
أخي الغيرة التي أنت فيها منصبة فقط من ناحية "الجنس" اسمحي سوف اكون صريح فأنت ترى أن هنالك رجل قد لمسها قبل رغم (انها كنت زوجة لهذا الرجل وهو حلالها وهي حلالة) يجب أن تكون نظرة ارقىء من ذلك فهي ربما لم تجد المتعة معه حسب قول ثلاث مرات أو اقل أذن لم تذق المتعة مع زوجها السابق.
ثانياً المراة المطلقة دائما لا ترى زوجها السابق بأي صفة حسنة الا ما ندر وأنا متأكد أن زوجتك لا تنظر الى اي جانب ايجابي مع زوجها السابق في الفراش
سوف اسرد لك قصة واحد من أخواني تزوج امراة مطلقة ذات دين وخلق ولها ولد من زوجها عمرة ذلك الوقت 6 سنوات الان ماشاء الله رجال ماذا حدث
تتطلب يوماً بان طلب طليقها أن يشاهد ابنة ويطمن عليه فقام أخي بعزيمتة "دعوة" على العشاء واكرمة غاية الاكرام رغم أن زوجتة قالت له ترى الرجل كثير والوسواس فكان يتندر عليها
لم أرى الغيرة من أخي او صدر منه فعل دل على الغيرة ... أخي أنت المريض ويجب أن تطرد هذه الامور من رأسك وأن تنظر الى زوجتك بنظرة الشهامة وعلوى المكارم ليست فقط مقتصرة على الفراش فهي لم تفعل شيء يغضب الله بزوجها السابق وانصحك لا تفتح أو تلمح الى زوجتك بشيء من هذا فالطامة سوف تكون عليك اسف أني قسيت عليك

يالله مومصدقه كذا نظرة بعض الرجال للمطلقه لحد ماقريت موضوعك
يااخوي زوجتك كانت متزوجه بالحلال وش ذنبها المسكينه تناظر لها النظره ذي الشي الثاني انت كنت عارف انها مطلقه وهذا الشي موبيدها لكن انت اللي كان بيدك تتركها قبل تتزوجها وانت عارف وضعها
ماقصر والله الشيطان فيك بصراحه دامها مومقصره معاك وشايلتك بعيونها ليش تبي تطلقها حتى لو طلقتها ماراح اي وحده ترضى فيك بالساهل وبينظرون لك البنات نفس نظرتك لزوجتك وراح تنحط بمكانها لكن الفرق بينكم هي تطلقت وهو شي موبيدها وانت طلقتها ظلم ..خاف الله فيها لاتظلمها الظلم ظلمات يوم القيامه
وبيجي اليوم اللي راح تقتص منك ..اتمنى انك تاخذ الرسول صلى الله عليه وسلم قدوه لك ولاتعطي مجال للشيطان يوسوس.لك
بصراحه بعد كلامك ماراح ارضى الا بمطلق عاش نفس وضعي ومعاناتي والله لايرزقني بواحد نفس نظرتك ):

__________________
وكن في الطريق عفيف الخطى,شريف السماع كريم النظر
وكن شخصا ان اتوا بعده ,يقولون مر وهذا الأثر..

لو كانت مخطئة قبل ترتبط فيها بنقولك مالك حق شيء مات والميت لايعود
فما بالك بشيء تم على وجه مشروع ،

استغفرالله ، واترك عنك الوسوسة
بعدين مدة زواجها الفاشل ، لاتقارن بمدة زواجها منك
يعني انت صاحب العشرة وانت من في المقدمة

انا متزوجه رجل مطلق في بدايه زواجي كانت تاتيني مثل افكارك اذا قالي احبك قلت اكيد قالها لها اكثر مني وقيس عليه اي شئ يعمله زوجي بس ضغطت ع نفسي وشوي شوي اختفى الامر هذا والله زوجي ماكان يشعرني انو كان متزوج
نصيحتي لاتسترسل في ذي الافكار لانهامن الشيطان

ربي يسعدكم جميعا كلامكم جميل وانا اقتنع فيه بس فيني وساويس واافكار تعصر قلبي واللي متعبني اكثر ماهي مقصره معاي واكثر شي ربطني فيها ودفعني لها وقتها جمالها والله ماكنت افكر بالغيره هذا التفكير الا بعد سنه من الزواج وتكلمت معها بهالموضوع وهي تبكي لانها ماتبيني اقولها شي عن زواجها الاول واتضايق اني اقولها هالشي غصب عني ماني عارف كيف ازول هالوساويس مني واررررررررررررررتاح واحس اني ماني مثل البشر اللي تزوجو بكر!؟ وش حل هالوساويس كيف امحيها من صدري كيف