السلام عليكم .. تحيه طبية للجميع
عندي مشكلة وبأخذ رأيكم
أنا رجل تزوجت منذ أكثر من 4 سنوات وعندي طفلة حاليا عمرها سنتين تقريبا واكره زوجتي ولا أتحمل منها أي شي وذلك بسبب كرهي لها مااااذا اعمل ؟؟؟؟

ارويلكم حكايتي كاملة وانتم احكموو (( تزوجت زواج تقليدي وعمري 24 سنة بفتاه عمرها 18 سنة وكان بيننا صله قرابه وملكت عليها وشفتها الشوفه الشرعية وشكلها عجبني وانا عاجبها وكلو تمام المشكلة انو ماكان في فترة خطوبة حتى اتعرف عليها مزبوط المهم تزوجنا وبدات حياتنا كزوجين ككل الزواج ببدايه حياتهم ومع مرور الايام ألاحظ بأنها غبية وموسوسه (على أي شي توسوس ) وطنشت بانها لسا البنت صغيره بعمرها المهم م الوقت سار يضايقني غبائها ويعصبني (انا من الناس اللي بالهم ضيق اعصب بسرعه ) ومع مرور الوقت سارت تطفشني باننا تاخرنا بالحمل وانا ساكت واقولها لسا محنا مستعجلين واطمنها انو انا عادي وانو مبغى اولاد الا منها لانها بدابت تسوي افلام غريبه عجيبه ومع مرور الوقت اشتكيت لامي فقالت انتو لسا صغار ولما الله يرزقكم بالبزوره تنشغلو فيهم
وسرت ادعي الله يرزقني بالذريه والله عشان يشغلها فيهم والحمدلله بعد سنتين بالزبط حملت وبدات مشاكل الحمل ومالحمل والوحام والافلام دي وانا صابر ومتحمل لانو عارف مو بيدها
الله رزقنا ببنت وسمتها وانا وافقت وكل شي تمام وفعلا انشغلنا فيها و بمرور الوقت وخلصت الاربعين ورجعت بيتنا يعني الواحد مشتاق ومن الكلام دا بفجئة وسوست انها حامل مره ثانيه انا عيوني كدا @@ يابنت بدلي غيري وفعلا طلعت حامل ومع مرور الاشهر الاولى طلع حمل كيس بدون جنين وتعبت ومرمطه نصها يكفي (بسبب الوسوسه)
سارت تصرفاتها غبية ودايما هواش على انها ما تهتم بالبنت وملاسنه ورد ع بعض المهم لحد ما طلقتها الطلقه الاولى وسارت تبكي و.....الخ وانو اخر مره وانها حتهتم ورجعتها وجلسنا شهر كدا مزبوطه بس مزبوطه كشغاله وليس كزوجه وبدا جسمها يتخن وكلمتها انو جسمها زاد وانا ما احب كدا ووعدتني انها تزل وزنها وتهتم بجسمها وفي كمان امور انبها عليها انها ما تسويها وتسويها مدري هوا غباء او عناد وبالاغلب غباء صراحة ولما اقولها مو انا قولت لا تسوي كدا تقول نسيت لدرجه بعض الاحيان توصل اني اعيد التنبيه عشرة مرات والله
ونفس الحال ورجعت حليمه لعادتها القديمه من هواش وكلام ونفخ وسب لحد ما طلقتها المره التانية وبكى ..... الخ ورجعتها للمره التانية ووعدتني بانها حتتغير وفعلا اتغيرت كم شهر كدا ورجعت حاليا لعادتها القديمة (( مشكلتي انو زماااان لما تغلط ازعل منها واسامحها بسرعه )) المهم بدات فترت المهاوشات مره اخرى فتركتها ما انام بغرفة النوم بدون فايده ومشاكل ...الخ لحد ما ققررت افجعها فقتلها بانني بزوج عليها وهااااتو بكى ومناحه ووعود بانها تتغير وقتلها انها الفرصه الاخيرة لها هذا الكلام قبل 3 اشهر واتغيرت فعلا وبعد شهر رجعت مشاكلنا والله بدون ما احس هههههههه اتعودنا وسرنا هوااااش
الاسبوع اللي فات وديتها لاهلها وقتلها بازوج لاني فعلا وجدت فتاة كل ما اتمناه فيها من ذكا ونباهه وفهم وتحمل مسوليه وفعلا ابغى اتزوجها ولكن زوجتي دي رافضه ورافضه اطلقها وانا الان والله اكرهها.
ولا افتكر بيوم من الايام اني اشتقت لها اول رجعت لبيتنا مشتاااااق وجسمها زااايد عن اول لا ولما اقولها جسمك تقولي جسمي وعاجبني ومبغى اغيرو وانا فعلا قرفت من الحال دا
.
اريد حل لوضعي وانا حاليا نفسي اتزوج وابغى اطلقها لانو كرهتها وبنفس الوقت يضايقني انو اطلقها لانها الثلاثه يعني مافي رجعه واخاف انها تتبهذل انو مطلقة والكلام هذااا <<< هذا اللي ببالي حاليا
وحاب اكدلكم انني حبيتها واهتميت فيها وبدور الاشياء الحلوة فيها ولكن لم اجدها او اجد مقابل ذلك تغيير وان وجد كان تغيير موقت ولست انا من الرجال اللي يرغب بالزواج من ثانية بدون سبب او اختلق الاسباب او الاعذار كي اتزوج مع انه حق مشروع ليا وبدون اعذار.
ولكي اوضحكم الموضوع اكثر اجعلها على هيئة نقاط واعطيكم مثال واااااحد على كل نقطه اكتبها
الحب والرومانسية : متاكد انها تحبني بس افعالها تخالف حبها لانو من يحب يدور على راحت حبيبه ولا انا غلطان والرومانسية لا تجيد فنها وبكل الحالتين حافظه مش فاهمه ( مثال مره كونا بالسوق وشوفت ملبس عاجبني وحبيت اشتري لها قتلها ايش رايك بهذا قالت لا مو حلو سكت بالبداية ورجعت قتلها شكلو حلو عليكي خلينا نشتريه قالت لا مايجي عليا ومدري ايه قتلها نجرب قالت لا مبغى ياهووو انا احب زي كدا قالت لا وطنشتني وراحت تدور بالسوق ووقتها والله في وحده كبيرة شويا بعمرها لما طليت فيها لقيتها بطل فينا شكلها سمعت الفلم كلو انا وقتها استحيت ولحقت المدام خخخ.)
الاهتمام بالبيت : ليست مهتمه واذا قلتلها كدا وكدا تنظف وتهتم بس على الاشيا اللي تشوفها وترجع تطنش تاني ( مثال : مره جانا ضيوف رجال وانا المجلس حق الرجال فين وفين ندخلو المهم لاحظت وانا بالمجلس عند الضيوف في غبار ومدري ايه ومنظر زباله صراحه بعد ماراحوو الناس نبهتها قلتلها المجلس بالاسبوع مره وحده بس طقي الغبار ونظفيه عشان الغبره والناس لما تجي بفجئة قالت طيب سوتها مره وحده بس وعليها لليوم قبل ما الناس يجو تنظف وللا حاليا غباااااااار مليان مو انا سرت انام فيه حاليا وورا التي في الغبار انسو تنظفو وزي كدا ..الخ)
الاهتمام بالبنت: مهتمه بس بدون درايه وماعندها احساس بالمسئولية بمعني لو ما اتكلم واقولها سوي كدا او كدا ماتسوي او تنسى الا اكون وراها 24 ساعة ودا مو معقول ( مثال العلاج لما تمرض البنت لازم ازبطلها المواقيت واقولها عليها بوقتها ومرات انسى او اكون برا واجي اقولها اديتها العلاج يكون عدا ساعة تقول وي نسيت او تكدب تقول اديتها عشان تصرفني ( الحركه دي كفشتها بعلاج الكاليسيو حق العظام الدكتور قال كل يوم تعطو البنت المهم العلبه خلصت ومافهمت انو خلص عشان تقولي اجيب علبه ثانية المهم انا رميت العلبه بنفسي وسالتها قتلها اعطيتي البنت قالت ايواا قتلها فين العلبه وريني هيا راحت تدورها مالقتها ورطت حلفتها وقالت ما اعطتها ) وعندها حالة غريبة مع الادوية ترمي الوصفه حقت العلاج بجي بقراها ما احصلها اقولها فينها تقول رميتها انا @@ ليه طيب تقول مالها داعي او ماتدري ليه رمتها وفهمتها انو نقرا الدواعي والموانع ونعرف منها واكثر من مره وبرضو ترمي الا اخر شي قتلها ترميها تشوفي شي مايعجبك وسارت ماترمي )
وحقولكم الحالة اللي بعدها بديت صراحه اكرها او كرهتها بالاصح (يوم جمعه كان فاكرو لليوم كنا جالسين والسبت معروف دوام قلتلها ماعندي ثياب غسليها بحلق اكويها بالمغلسه برا لان الاخت ما تعرف تكوي مزبوط المهم قالت البنت صاحية وطفشني قلتلها انا اغسلها قالت لا لما تنام البنت اقوم اغسلها قلتها اوك دا الكلام العشا تقريبا البنت ما نامت الا ع 11 قامت وودتها غرفة النوم وبتنام جنبها قلتلها قومي غسلي الثياب طالما البنت نايمه قالت انام شويا واقوم قتلها تصحى عليكي بعدين قالت بالحرف الواحد ( الصباح تلاقي لك ثوب مغسول ومكوي ) فهمتها يعني ابلع ريقك وفعلا بلعت ريقي ونومت انا جنبها المهم ع 2 صحت البنت وصحتها وصحيت معاهم وقلتلها خذيها برا واخذتها وطلعو شويا صحيت ع صياح البنت وقفلت الباب عشان ما اسمع قومت وجيت لقيت البنت كلها كريم بوجهاااا وملابسها طلت وانا عيوني مقفله من النوم ( دا الكلام على الفجر ) المهم لما دخلت مو مصدق وضربتها صراحة وامسك البنت وامسحلها واغسل مو راضي يروح والكريم حق الحساسيه اللي من تحت من الحفايظ نصو اكلتو (الاخت ايش مسويه لما ضربتها وشردت ونديتها بفهم منها ايش الي صار قالت غيرتلها حفاظيتها ونست تشيل الكريم حق الحساسية وقفلت عليها الباب عشان تغسل الثياب قتلها انا ايش قولت من اول غسلي غسلي وتقولي تلاقي الصباح ثيابك جاهزة وسرت العن وادعي وفتحت فم البنت لقيتها بالعتو وع طول على المستشفى وغسيل معده واخذت الكريم معايا وتنظيف والله لما ينظفو البنت كانها بتموت ولما شافتها كدا داخت وطاحت على الكرسي وطنشتها وشويا وقامت من نفسها وانا مقهور مقهور ايه حااااقد عليها وعلى الدكتورة اللي مدخله الانبوب ومسكت يد الدكتورة قتلها كدا طبيعي ولا ايه (البنت شويا بتموت وعيوني قزاز المهم الحمدلله عدت على خير ومنها مرررره كرهتها وقوف دا رجعت اعاملها طبيبي وفهمتها انو لو ماتت بسبب انك ماسمعتي الكلام بس انا من جواتي مو طااايقها وساكت ) ومره قالت بصراخ ياريت ماخلفتها او نامي فكينا وزي كدا.
حياتنا الخاصة : صفر بالمية واقولها احب كدا تقول لا مبغى ...... الخ ما ابغى اشرح اكثر فهمكم كفاية
اظن دي النقاط الرئيسيه والمهم بالحياة
وبالنسبة لموضوع الكرهـ يحصل في حالة كثر الاخطاء والمصايب وعدم الفهم و...... الخ
وعلى فكره البنت هيا اللي مصبرتني عليها المدة دي كلها ولا من زماااااان طلقت ولكن الان وصل حدي صراحة انا خايف امرض سكر او ضغط وانا لسا ما دخلت ال30 سنة
عسى أن تكرهوا شيئا ويجعل الله فيه خيرا كثيرا قلتها لما طفشت
وادري ياخوان انها صغيره والكلام دا بس ياخي التكرار يفهم الحمار مو ادمي لما اعيد الشغلة 100 مره وما تستوعبها مو غباء دا واذا مو غباء فهموني ايش هوا
على العموم يديكم العافية يارب وسوري على الاطالة .... اخوكم ابورجب

بصراااااااااااااااحه

أنا رحمت زوجتك بقوه

واضح إنها طيبه وتحبك

لكنها فيها شوية جهل وبلاده

ربما بحكم صغر السن وقلة الخبره

وربما احساسها بإنها غير مرغوبه منك مهما سوت يدفعها للتبلد وعدم المبالاه

ممكن تقول لنا كيف تعرفت على الثانيه ؟

كحل أخير وعشان تبري ذمتك جيب لها شغاله
وكلم امها بكل التفاصيل اللي ذكرتهايمكن تسمع من امها
ورجعها وعاملها بمايرضي الله
وطول بالك عليها وقولها كلام حلو وبالنسبه لسمنتها ساعدها تنزل وزنها جيب لها اكل دايت وشاركها فيه وترى غالبا المرأه بعد الولاده بسنه يرجع جسمها
وأجل الحمل لما تأكد من استمرارك معها
واذا هي دايما تنسى علق لها سبوره صغيره بالمطبخ تكتب عليها شغلها ومثلا مواعيد علاج
كثير شفت نسوان حاطينها
وبجيب لها كتب عن علاقة الازواج
وعطها وقت تغير لاتوقع بشهر ولابشهرين
وعاملها بالاقناع مو بالفرض بكل شي عشان المقتنع يستمر اما المفروض عليه شي يحاول يسويه مجامله ومن غير نفس
ربي يصلح امرك

طيب لما سهرت مع البنت .. ونامت معاها ليش انت ما غسلت الملابس عنها..
وهي تكويها اذا صحت

انت ماسك مجهر على عيوبها واخطائها بينما ما تضع نسبة 1% انه ممكن يكون الخطأ منك
هي يكفيها شرف المحاوله كل مره بأنها تتعدل
لكن انت ما تحاول تساعد بأي شيء..
كأنك تتكلم عن خادمه وليست زوجة..ولا ا قصد دورها بالبيت
انما بنظرتك انت لها ولكل ما تفعله..

اتق الله بزوجتك

اي امرأة عايشة ظروف زوجتك بتتصرف مثلها

النسيان والكذب ناتج عن توتر أعصابها اثناء محاولاتها لارضاءك

اغلب النساء تغفل عن اتخاذ التدابير لتاجيل الحمل بعد الطفل الاول .... أولهم أنا وسلفتي واختي ومعظم من أعرف من النساء الا من رحم ربي .. الان أنبه بنتي لهذا الموضوع ومع انها مثقفة وذكية لكن الانشغال بالطفل الاول وولادته والاعتناء به جعلها تغفل عن الثاني والترتيب لمجيئه. وكل النساء تشعر بحاجة الامومة وحينما يرفض زوجها توسوس لها نفسها انه ينوي تركها ولا يريدها زوجة والا لرغب بالانجاب منها . وسنتين وقت مقبول نسبيا ان لم يكن طويلا قبل البدء بالانجاب .

الزوجة التي سخرت حياتها لبيت الزوجية ولاعمال البيت والزوج والطفل لن تستطيع تطوير نفسها ولا تطوير قدراتها ولا تطوير ثقافتها لا الزوجية ولا العامة ...هي محبوسة داخل محيط معين امتلأت به عقليتها وفاضت به نفسيتها ولن يخرج منها شيء خارج هذا المحيط ...الا اذا خرجت خارج هذه الدائرة ..

ولهذا هي ترفض انزال وزنها ..أولا هي حاولت واحبطت لانه يومها كله طبخ واكل وما في حركة ينتج عنها حرق سغرات ((الجلي والغسيل ومعظم مهمات تنظيف البنات لا تشمل حركة فعلية ومشي يؤدي لنزول الوزن ))
ثانيا هي لا ترى مدى أهمية الموضوع فهي منغلقة في عالمها .

أرى حل الشغالة حل جيد . حتى لو كانت شغالة غير دائمة تأتي بالاسبوع مرة أو مرتين ... خفف عنها العمل بالبيت ..ملابسك غسيل وكوي خارج البيت ليس لانها غير ماهرة ونفسيتك متضايقة منها بل لانك تشعر معها وتحاول مساعدتها ... أكل من خارج البيت ولو مرة بالاسبوع ..تتغير نفسيتها وتعطيها دفعة لبذل جهد أكبر بدل اسلوب التحبيط والذم والنقد المستمر ....أعطيها فرصة لتطوير نفسها ..(( معهد ..جمعية دينية أو اجتماعية ... زيارات لنساء بمستوى اجتماعي معين ترغبه أنت ... انترنت .. كتب )).
لو انها هنا تكلمت لقالت أحاول جاهدة تنفيذ ما يطلب لكني أشعر وكأني موظفة ومسؤولي دقيق جدا ويحاسبني على كل صغيرة وكبيرة فأتوتر واحاول أكثر أو أحاول تغطية أخطائي ولا أنجح ويزيد الانتقاد والتجريح فأفقد أعصابي ..لكني أحبه ولا أستطيع الحياة بدونه ..حينما يطلقني وأذهب لبيت أهلي أشعر بالضياع وأتمنى العودة لاخضانه وأعد نفسي بالتغيير وبأني سأحاول بجهد أكبر هذه المرة ولكن هيهات ..فانا ادور في دائرة مغلقة ... لا أشبع من النوم ولا أستطيع العناية بالبيت وبزوجي بسبب الطفلة ..أنا من جنت على نفسها ..ليتني لم أنجب وحافظت على زوجي وبيتي .

__________________

انت صرحت اكثر من مرة او بكل سطورك تقول عن زوجتك غبية
....................
حرام عليك
وبعدين احس شخصيتك منرفزة
والطلاق مو لعبة تهورك بالطلاق الاول والثاني تهور ترى هي ماتستاهل
كان ممكن تهجرها تحطها عند اهلها اشياء كثير
وش دارك انك لو تزوجت الثانية بتكوون سعيد؟
يمكن تطيح بوحدة ذكية دامك تدور الذكاء وتلففك السبع لفات
احمد الله على زوجتك وعلمها امور الحياة بالصبر والهدوء وبدون سب ولعن
خليك رؤووف بها
ارحمها وارحم ضعفها اذا تبي الله يرحمك
كيف تكره ام عيالك وهي لا هتكت عرضك ولا تعدت حدودها مع الله
لمجرد انها ماتستوعب بسرعة
وبعدين ضايقتني الفاظك الي تقول عن زوجك
هذي ام بنتك
اتقي الله
استخير الله وادعي ان الله يالف بين قلبوكم
بالنسبة للوزن اعتقد لو ان طريقتك معها حلوة بتحاول تكون اجمل امراة بنظرك
المراة اذا لقت كل شى بالرجل تعطي بلا حدود
خذها قاعدة
اتمنى تراجع حساباتك

__________________

أخي الفاضل أبورجب أنا أرى الخطأ مشترك و كما لها عيوب تريد تغيرها
أنت لك عيوب هي لا تستطيع إخبارك عنها حتى تغيرها و السبب لأنك ( بالك ضيق و عصبي )
كما أن نصحك لها ينبع من رجل متعالي و يهينها
أرجو مراجعت طرحك و راجع كم مره ذكرت ( غبيه - غباء )
بالتأكيد هذا إسلوبك عند النصح ليس شرط أنك تكرر دائما هذه الكلمة على مسامعها
و لكنك لابد أنك أسمعتها هذه الكلمة و لا بد أنها تظهر في تعابيرك عند النصح
كما أنك تهددها بالزواج من اخرى و تضربها لموقف تافه
أبذكر لك قصة حدثت في بيت أخي ( إبنته و هي صغيره عمرها سنتين) هربت من عند أمها
و دخلت الحمام و قفلت على نفسها الحمام و فتحت الماء و فرغت كل عبوت الشمبو
فكسر الباب و شاهد بنته و هي تلعب بالشمبو تحت الدش سمعت ضحكاتهم و ناداني
و في يده كاميرا يصور في بنته
حدث آخر لولد أختي عندما كان عمره سبعة أشهر غافل امه و أمسك بعلبة البودره و سكبها على كامل جسمه حتى أيضا دخلت فمه
الآن عمره ( 14 سنة ) ومازال والده و والدته محتفظين بالصور

هناك أخطاء لزوجتك نعم هناك أخطاء لكنك لا ترى أخطاءك و لا تعالجها
و لا يغير الله ما بقوم حتى يغيروا ما بأنفسهم
زوجتك فاقده للشعور بالآمان فاقده للتقدير و الإحترام
زوجتك تخاف منك ( و لا تعتقد أن هذه ميزه )
غير إسلوبك و وسع بالك و هدي أعصابك و إنصح بعطف لا بتعالي و غير بتكريم لا بتجريح

وفقك الله و أصلح لك زوجتك و أصلحك لها

نقطة أخرى تنبهت لها بعد قراءة رد الأخت بيتا
مهام البيت با لله عليك أريد أن أطلب منك طلب و ارجو منك تنفيذه
جرب تكوي الثوب و الشماغ بيدك و شوف المعانه التي تشعر بها زوجتك
أيام الجامعة ( كنت على قد الحال ) ميزانيتي محدده و لا استطيع غسل و كوي ملابسي في المغسلة
فكنت أنا من أكوي ملابسي و اغسلها
إلى يومك هذا أعاني الم في الكتف الأيسر يزورني كل فترة
و تشنج في أسفل عضلات الظهر يثور علي بعد كل فترة

فيا أخي إرحمها قليلاً حتى يرحمك من في السماء

( أعتذر لتكرار مشاركتي لكن من ناصح محب لك )

صدق انك اناني يعني حاسدها النوم يااخي ضح انت وغسل ملابسك ترى ماهي شغاله عندك حتى طريقة الطلب تجيب الضيقه لاوتبي لبس ورومانسيه بعد حاول تضحي اكيد انت كمان فيك عيوب بس هي ما تبي تجرحك الله يعينها

اقتباس:

واكره زوجتي ولا أتحمل منها أي شي وذلك بسبب كرهي لها مااااذا اعمل ؟؟؟؟

الواضح من كلامك والله تعالى أعلم أنك ماحبيتها من البدايه ولو حبيتها ماكنت تدقق التدقيق هذا وتتصيد هفواتها وزلاتها !

ولكرهك لها حاطها تحت المجهر وتدور للأخطاء !

الله يكون بعونها رحمتها والزوجه لما تحس نفسها تحت المجهر تكون متوتره وعصبيه وتكثر هفواتها وزلاتها

وأكيد أنها حاسه بكرهك لها وهذا يزيد الطين بله لأنها تحس مهما سوت ماراح يعجبك

أسلوبك غلط معها يمكن لو عاملتها بأسلوب افضل كان شفت تغير لكن أسلوبك يكبر المشكله بدل مايحلها

__________________
أشتقت لكم جداً 💔