اسمع و اقرأ عن الازواج يصبرون سنوات على زوجاتهم(لو كان هناك طبع سيء)!
كيف يستطيع الازواج الاستمرار بسماع زوجاتهم على طريقة النكد و الزن لجلسات طويلة!
عني لا استطيع تحمل ذلك الا لبضع دقائق و بعدها افقد اعصابي
فمثلا حينما تكلمني اختي عن ترك التدخين و اعرف انها تبحث عن مصلحتي لا استطيع الاستمرار بالاستماع اعصب و اطلب منها ان تسكت او اخرج من المكان

الصبر بين الزوج وزوجته يختلف عن الصبر مع اي احد ثاني من افراد الاسره
بتقدر تصبر لانه فيه مشاعر تربطك بزوجتك ومصيرها مهما كان لها طبع سيئ بتتودد لك وبالتالي هالشي بيخليك تصبر عليها

إذا غضب الرجل يغير الغرفه أو يخرج من المنزل


لما أنصحه عن التدخين يتضايق يروح للمجلس وأجيب له الشاهي وتركته على راحته

لكن بعد موقف تعرضت له لما وصلني للمشغل كان يدخن أثناء الطريق

سمعت وحده تتكلم مع إلي جنبها وقالت ( شكلها تدخن ) تقصدني 😒


لما قلت الموقف تأسف وأعتذر وهذا هو يحاول يقلع عن التدخين شوي شوي

أختك لما تنصحك

1-تبي مصلحتك

2- ما تبي تحرجها برائحة التدخين

كلام مقنع الى حد ما

ادرك هذا الامر لكن لا اتحمل الاستماع الى النصائح و التوجيهات

ان شاء الله يرزقك بزوجة مطيعة طيبة خلوقه ما تحتاج للصبر ولا يحوجك له

ابي اقول لك قصة واحد من كبار عايلتنا
عمره 75 سنه
مزوج عياله وعنده احفاد بسم الله عليهم وعياله بعد تربيتهم كويسه
كان يسولف مع حدى عياله

قال والله يا وليدي لما مرضت جاتني بنت ولدي اصغر وحده جاتني وانا ما اقدر اوقف ولا امشي بسبب البروستات وقالت يبه تسميه يبه ماتسميه جد
المهم قالت يبه بعمري ضيمك انا احبك يبه كان عمرها سنتين ونص
يقول الجد والله والله حسيت قلبي من جوا بيطير من زين كلام ها الصغيره ومافيه اتكلم ولا اقوم وبعد كم يوم طبت ورحت شريت لها ولاخوانها دباب يشحن بالكهرب قيمته 2000 اول ماطلع واجيبه لها واقول الله يخليكم لي ولا اشوف فيكم باس ،
الشايب كان يقول السالفه لواحد من عياله محكواني ها الولد فقال اييييه يبه الله يسقي كنت اركض في الظهر كل يوم عشان افتح البوابه لك وتدخل السياره وانا حافي وتحرقني الشمس واطلبك دباب وتقول مافيه الله اكبر يازمن ،
قال ابوه شف ياوليدي والله كلكم مثل عيوني لاكن انا باقلك عن شيء ماتدري به
والله اني احبكم من زمان الى الحين ، ياوليدي انا كنت عصبي وما اداني حد وكنت دايم اضربكم واهاوشكم واهاوش امكم واذا طلبتني امكم شيء اصرخ عليها وارفض وانتوا اذا طلبتوني شيء ارفض وهذا الكلام وانا قوي وكنت ادخن اكثر من 45 سنه واليوم تركت الدخان قسم بالله دوبي احس بنفسي اني كنت قاسي عليكم وعصبي بسبب اادخان واليوم انا واحد ثاني حسيت بحبكم وحنان امكم

اعلم ان التدخين هو السبب اللي يخليك حرق وما تصبر ؟؟؟؟.
تراه يحرمك لذة الشعور بمشاعر الهدوء والسلام والصبر مع اهلك ومع عيالك

الله يهدي كل مدخن ويفكن من ذا الشر

__________________
من عاش لله ومات لله فقد ربح دنياه وأخرته...

اعلم ان التدخين هو السبب اللي يخليك حرق وما تصبر ؟؟؟؟.
تراه يحرمك لذة الشعور بمشاعر الهدوء والسلام والصبر مع اهلك ومع عيالك

الله يهدي كل مدخن ويفكن من ذا الشر[/QUOTE]






بالضبط المدخن يعصب بسرعه. الحلم بالتحلم حاول وجاهد نفسك على السكوت بتتعود بيوم بإذن الله.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

زوجي انفعالي وهو مايدخن..
نقول ممكن يكون عامل
بس مو بكل الحالات

😊 شي يغطي على شي ! كما تصبر المرأة على حركات الزوج المستفزة واللي هو مو حاس فيها بسبب وجود صفات اخرى تستحق منها الصبر ايضا هو بالمثل !