صباح الخير ..
اتمنى استفيد من اللى عندها خبره بالتعامل مع الشخص اللى زى زوجي
تعبت منه واحترت ! كل دقيقه و الثانيه زعلان !! وعلى امور بسيييطه ..
كيف عاد لو جت مشاكل كبيره ايش بيسوي ؟!
وان زعل ياسااتر يقلب شخص ثانى ! ويسسسسحب علي ولا كانو شايفني
اكلمه مايرد ، ارسل له يقرا و يطنش , اتاكلم و كانى اكلم نفسي اعتذر ساااحب
ماعتذر لانى غلطانه بس عشان يرد علي لكن مارد ..!
مايرد علي الا باشياء بسيطه يعنى مثلا صباح الخير يرد صباح النور وبسس
مرحبا اهلا وبسس < هذا اسلوب جديد منه اسوووء من الاول ..
ويطلع و ادق عليه ماايرد ! طوول اليوم و جاء جلس عالمباريات ! واناا ...
بعدها يروح ينام قلت له ماحنام انا وانت زعلان و طنشششش ونام ..!
مشكلتى بطنشه زي مايسوي بس ماقدرت < يجينى عنااد الااا يرد علي وغصب عنه
يقول لى انتى تعاندى وماتفهمى و لازم كل شيء عندك بجدال ..
اقوله خلانا نتفاهم طيب يقول ماحب كثره الكلام < يعنى نفذي و بس دون كلام
طيب غير اسلوبك هذا لا تتجاهلنى كذا ، عصب علي خاصمني اهوون من دا الاسلوب البايخ
ولااا يرد ..! استفزززه ابغاه يرد و لا كانه سامع !
الاسلوب هذا يتعب نفسيتى جد ..
صح انى قلت له كلام زعلته بس مو بقصد وكنت متضايقه وندمت عليه و اعتذرت
و بعد عشان موضوع بسيط طلب نروح مكان و قلت لا المكان الفلانى افضل ززعل!
طيب خلاص اوكى زى ماتحب بسس زعل وقال الا عناد يعنى !
مانى قادره اتفاهم معه < مانتكلم بعفويه كل شيء بحساب و كل كلمه ياخذها بمعنى
احس لانى عارفه اتفاهم معه و لا هو عارف يتفاهم معى
مختلفين عن بعض تمااماً ..
كيف اتعامل مع اسلوبه هذا ؟ له مده سااحب علي .
وكيف اخليه يغيره احس انا اللى تغيرت صرت احسب لكلامى قبل اقوله له!
يعنى مثلا " وعفوا عالكلام بس لتوضيح " كنت اشوفه ضعييف قدامى لما اعرض له نفسي
مايقاوم ابداا واعتمدت على هذا الشيء لكن اللى اشوفه انه لما يزعل مايطالع فينى !
لو ايش ماعملت مايعبرني ..

روحي له بطريقة غير مباشرة ابد 🙄
وخليك بشوشه ولا تلاحقينه و لا تطنشينه تعاملي معه كأنه مو زعلان
بعدين وش اللي قلتيه وزعله

اتركي له مساحته لا تلاحقينه
لما يزعل خليه حتى يروح ما في نفسه
بعدين تكلمي معه عادي ولا كانه فيه شى
مثلا حعمل قهوة احسبك معي

انت عروس فليكا هو من يبحث عن رضاك
لا تعرضين ولا شي وش خليتي للسنوات القادمة

هو يتصرف كذا لأنه ضامنك
مو خايف يخسرك
عارف إنك راح تراضيه إلين يرضى

حطيها قاعدة في بالك
كل ماتراضيه على الطالعة والنازلة كل مايزيد زعله
وتطنيشه وتجاهله لكِ..
إذن الحل : لو غلطتي اعتذري مرة وحدة وبس
وبعد كذا أتعاملي معاه عادي إلين يرضى من نفسه.

تعلمي التغافل
ترى بتصيرين نكديه اذا بتركضين وراه ولا م غصب طيب نحل المشكله
خليه يهدى وحتى لما يهدى تكلمي طبيعي ولا كانه صار شي
وبعدها هو بيتعود ان هذا اسلوبك وبيخفف زعل

الله يريح قلبك

مع هذا الرد وبعدين معروف اي عريس يضعف قدام عروسته من دون ماتعرض نفسها له حتى وهو اللي يدور رضاها بدرري ع انك تراضين وتلاحقين الله يعينك .. واذا عامله غلط لاتكرريه ولاتعاندي عشان ماتضطري للمراضاه كل شوي

__________________
مضى مامضى والله على المقبلات يعين ..! وعسى الله يزينها على القلب لاشانت~

اقصد بالتعريض لما يشوفنى هو مو انا اللى اسويه فهمتونى
وبس هذا الرد اللى ابغاه فعلا بعدين ايش بيسوي !
ماراح اكلمه انا بعد و بسوي زيه
اما قهوه وغيرها مايرد علي جربتها .

مشكورات جميعا ..
بنفذ كلامكم ..
ارجو اغلاق الموضوع ..

فليكا برسلك كلام على الخاص

__________________
سبحان الله وبحمده..سبحان الله العظيم