الأخت العزيزة محتارة ،،،،،،،،،،، المحترمة

أنا ما عندي زيادة على الأخوان بس أحب اقولج كلمه لج إنتي وجميع الأخوان
اللي يبي يلعب يلعب والله لو قدام زوجته مافي رادع الا الله في هذي الحالات
بس أنا ابغي اقولج حاجه بس لاتزعلين مني ولا قصدي إني اجرح شعورج ويسامحوني جميع الأخوان
زوجج اصلاً مافيه خير ............ ؟ نعم مافيه خير وإسمعيها مني
لاتزعلين مني
ليش يسافر مع ربعه ؟
ليش يفضل سفرته معاهم ؟ إنتي وين رحتي
بصراحه مالها سنع الرجال يسافر سياحه من غير زوجته ولا بعد اربع شهور
والله لا تزعلين مني والله مافيه خير
صدقيني الحالات الوحيد اللي ينعذر فيها الزوج لما يسافر هي :
سفرة عمل
حضور عرس في بلد خليجي
قدر الله علاج
بس
غيرها مالها داعي
يعني بالذمه خلنا صريحين شوي ، هل ربع زوجج بيروحون هناك بيعمرون مسجد ولا بيدفعون زكاة عيد الفطر زلا بيخرجون في سبيل الله
انا ما أشككج بس هذا الواقع
أسافر مع ربعي وزوجتي أخليها في بلادي ؟؟؟؟؟؟
المسكينه اللي تستحملني وتستحمل تعبي وغضبي ولما أمرض هي اللي تداويني
يحترقون كل ربعي والله ما أروح معاهم حتى المطار بعد ألزم ماعلي زوجتي
عزيزتي اسمعيني في هذي الحالات ما ينفع الا هذا الكلام أنا رجال وأعرف الرجاجيل اكثر منج ما ينفع الحزن ولا الشدة الوقحة يبيلها الكلام القوي وقولي له اللي بأقولج اياه بالحرف الواحد :
اسمع ياولد الناس اذا تبغي تروح مع ربعك الله يحفظك ماراح اسد الباب ولا امزع جواز سفرك هذا الباب قدامك وأنا اللي بأفتحه بيدي اتفضل روح مع ربعك اللي فضلتهم علي بس أعرف شيء واحد إنه في يوم إذا مرضت أول من بيوقف معاك أنا واذا تعبت أنا اللي أداويك وإذا اشتكيت أنا اللي اضمك أنا الخير أنا الستر
وربعك هم والله الفساد هم اللي بيضيعونك وأنا بأقولك شيء لو فيهم خير ربعك مانادوك للسفر وأنت توك متزوج .
والله ان طحت في يوم في مستشفى لا قدر الله في حادث وإنشليت بعيد عنك وعن غاليك مابتشوف واحد منهم بيزورونك يوم اسبوع بيملون منك وبيشوفون غيرك بس أنا اللي بأقوم بك وبأسهر عليك مش الشلة القذرة اللي انت معاها
مجرد ماتطيح والله يشوفون غيرك ويرمونك
أنا ما أبي أطول عليك كفايه اللي جاك مني بس خذها مني .
يعلم الله إني مش راضيه على سفرك مع ربع السوء اللي معاك بس روح انا بأدعي الله إنها اذا لعبت وخربت دعوتي مأتجي في صحتك يارب تجي في فلوسك وفي ربعك اللي سفروك معاهم ولعبوا بعقلك ويردك لي صاحي بس فقير عشان تعرف دعوة الفقير الله مايردها
وتحياتي لج
ابوالسنونو



صدقيني أنا مش متحامل على زوجج بس أنا رجال وأعرف اكثر من اللي تعرفينه
والله إني أكتب لج وقلبي حارقني
عسى الله يهديه ويبعده عن الوحل اللي هو فيه ويرده لج
بس لما تقولين له هذا الكلام لاتصارخين في وجهه العمليه محتاجه أدب وحقران كم يوم بعد هذا الكلام