أنـــا متزوجه لي 5 اشهر ...
منذ 17 ذي القعده إلى يومنا ذا عند اهلي ..
زوجي طيب معي وحنون بس مشاكلي معه تترتب بالتالي:
1- احس كثير أنه ينقل الي يصير ببيتي عند امه والسبب انه يكلمها يوميا مرتين باليوم طبعا هي ساكنه بعيد عنا بس انه لدرجة مره دخل عندي البيت وقال كيف تعزمين (فلانه)امي ماتحبها بجد يومها انقهرت وتاكدت انه علم امه ولا وش دراه عن الحرمه وان امه تكرهها
2-انا حسيت بتأثيرات بحياتي واحلام تنغص علي نومي (اتحلم بكلاب وقطاوه ببتي وكثير اتحلم اني اطيح)لدرجة اني اتخيل ان في ناس تمشي بالبيت .. غير كذا نمل ونامس بكثرة ببيتي وماتقرص الا انا ...طبعا كنت عند اهلي وامي كانت تلاحظ علي وبدات تقرأ بنهايه جبت الشيخ وقرا علي وقال البنت فيها سحر ...طبعا انا ذكرت للشيخ اني تحلمت قبل زواجي بأمرأة هي وابنها ثاني يوم من حلمي رأيت هذه المرأة وكانت نفسها بالحلم طبعا الشيخ قال هذي رؤيا وليست حلم وهذي تحذيريه ..طبعا المرأة هذي تصير زوجة اخو زوجي ..قلت له وجا وتكلم مع الشيخ وبنهايه قال انتي مريضه نفسيا ويبيلك علاج نفسي وهذا موب سحر .. طبعا بجد زعلت كان كل همه ان امه وخواته مايصير لهم شي ..طبعا حاولت معه ونبهته مايعلم احد ولكن اكتشتفت انه علم واحد من اخوانه وانا متاكده انه علم امه المهم اني انقهرت من اسلوبه والمشكله انه حلف انه ماعلم احد وهو علم ..
طبعا الشيخ حاول يوصل له معلومه ان السحر مأكول وان لازم البنت تتعالج ولازم انت بعد اقرأ عليك طبعا زوجي رفض وقال كيف مسحوره وهي تحب تنام معي ومااختلف فينا شي ...
المهم اني قلت زيارتي بتكون لبيت اخوك بحدود قال موب انتي الي تتحكمين وهذا بيت اخوي.

3-زوجي كثير يقول امي وخواتي بيعيشوون معي انا بجيبهم ببيتي ..لو يجوون ماتروحين ماتجين ..جوالك بفصله وبخليه سوا مانتي احسن من امي وخواتي... وقبل اسبوع دق علي وقال لاتكلمين بيت عمي ولابناته لان في مشكله والله قالها لي بأسلوب مو حلو انا قلت له معليش مااقدر اقطع الا واعرف السبب يعني ماحنا صغار وغير كذا علاقتي معهم قوية ..بعد فتره عرفت من بنت عمه ان المشكلة ان اخته تكلمت على بنت عمه وعمه زعل من اخته فأخته زعلت من اهل عمها ..يعني اقطع عشان اخته ترضى ..يقول لازم الوحده ترضي اهل زوجها لو بالحق او بالباطل...وربي انقهرت

4- زوجي مايحب يوديني لعيال عمي او اهلي يقول موب واجب علي اوديك ..طبعا هو اهم شي عنده اخوانه اروح لهم غصب عني سواء راضيه او لا ..


المهم قعد مع ابوي وابوي حاول يفهمه ابوي ان صلة الاقارب لازم والواحد ماله الا اهله...وعن مشاكلنا..الزبده قال لابوي البنت بتشفى من سحرها يوم تنقل من البيت لانها مو مرتاحه يعني اني اتميرض عشان ماارجع البيت(حسبي الله ونعم الوكيل)
طبعا ابوي قعد معه 3 ساعات ويوم طلع قال ابوكي يهدد والله ماحد يمشيني وصرخ علي
بعد اسبوع كلم زوجي اخوي وقاله (اني ابي اختكم والله احبها وابيها ترجع البيت وحشتني ..وانا مشكلتي معها انها تعاند وبس)
طبعا اخوي قعدني معه وطبعا كل مااقول شي هو ساكت ومانطق ولابشي يعني انه مسكين المهم ابوي يقول ان الولد مراح يتغير وهذا ولد امه..

بنهايه انا بجد احبه ..وابوي قال الاثنين بجتمع معه ومعك ونشوف هل بيتغير وجا ابوي قال لا بعد اسبوعين..
المهم يااخوان وياخواتي تكفون ساعدوني وش اسوي وش الدبره تتوقعون زوجي بيتغير ولا لا ..
هو يتصل علي ويقول انه مشتاق لي وانه تعبان وانه يبي حقوقه الزوجية ولابيسويها بالحرام وانا السبب ويقول انك طالما عند اهلك فأنتي ملعونه لان زوجك موب راضي عليك..

تم إجراء تعديل بسيط على العنوان
الإشراف

أختى الحبيبه
لو أحلامك هكذا هل الحل بالبعد عن بيتك
لا حبيبتى السحر والعين علاجهم فى القرب من الله والقرآن انتى بنفسك أقرى على نفسك
وسيبك من الشيوخ والكلام ده
وارجعى بيتك وأحترمى زوجك وحبى أهله كأنهم أهلك
وعمليه بالمعروف وأحتويه >>>>>ساعتها هيكون لكى تؤم روحك وزعلك هو التعاسه وفرحتك هى السعاده
ووقتها هتحسى بالامان

لكن أنتى كده جعلتى بيتك خراب بعد ما ذهبتى بعيدا عن وليفك وحبيبك ونصفك الأخر
أبدأى أنتى بالتغير وكل شيئ سهل تغيره بالحب والتفاهم

__________________

أختي المصرية /:
الحمدلله انا مع زوجي اخر تمام يعني مافي شي انا مقصره عليه لابلبسه لابأكله لابمتطلباته إلي يبيها مني
بس يالغاليه انا ماتركت بيتي عشان السحر انا تركته عشان السحر ومشاكل اسرته يعني لاتروحين لاتجين بس خليكي مع اهلي لاتحطي مكياج امي ماتحط ليه ماتلبسه غطوة زي امي خواتي بيجون عندي يدرسون مع ان عنده 4 اخوان غيره وبنفس المعيشه والحمدلله..
وبعيد الحج يالغاليه كلمني وقال ترى ماعندي فلوس لاتقولين طلعات لاتقولين عيد ...وثاني يوم القاه مسوي سيارته 1800 ريال واعطاها اخوه عشان يسافر فيها ويعيد عند امه ..طيب يعني اخوه معقوله ماعنده فلوس وين سيارته ولا انا لي البيت وغيري يتمتعون طبعا ولا كأنه شي عادي اخوي على العين والراس بس مااطلع عشان هم يطلعوا ليه..
يعني انا عمري 22 سنه لو مااتمتع بحياتي الحين متى اتمتع وهو كل يوم يقول امي بتترك البيت وبتجي عندنا تعيش هي الامره الناهية هي لها الكلمة..
طيب انا وش دوري(خدامه-ولازوجه)
يعني بالمنطق لي 5 شهور وهو يقول امي امي لو بعد سنه وش بيقول وامه بتجي بعطلة الربيع
ومن الحين يقول مافي طلعات ولاجيات يعني لابعيد اطلع ولا بعطله اطلع.....!!!!

اختي بالنسبة للإستفسارك عن السحر يرجى طرحه على هذا الرابط

الاستشارات الشرعية

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

اختي الكريمه :
ارجو ان يتسع صدرك لكلامي، فانتي تقولي لم يمض على زواجهك الا شهورا معدوده، وعدتي الى بيت اهلك، لان اهله وامه يتدخلون في حياتك، وان وان وان ..

قد تكونين صادقة وقد تكون من سوء الظن الذي يحدث في احيان كثيرة، ولكن هل من المعقول ان تلجئي الى بيت اهلك في هذه السرعه وفي اول هزة ريح يتعرض لها بيتكم الصغير، طبعا امر غير منطقي وغير معقول او مقبول، هذا فيما يتعلق باهله فانتي لازلتي حديثة عهد ببيت وزواج وكان الافضل ان وسعتي صدرك فالرجل ايضا حديث عهد بزواج، وانتشلتي زوجك وعشتم حياتكم ، لكنك بحثتي عن اهل يحلون لك مشكلتك وتلك مصيبة كبيرة.

بالنسبة لموضوع السحر ، قد يكون في كلامك صدقا لكن حله ليس بالخروج الى بيت اهلك، انصحك راجعي حساباتك جيدا، فانا استغرب عودتك الى بيت اهلك بهذه السرعه رغم انه من الواضح ان اهلك اشخاص متفهمون وعاقلون وحكماء والدليل انهم سعوا الى الاصلاح بينكم، لكن هل يعقل ان تعيشين حياة حلولها من اهلك في كل مشاكلك.

حتى لو كان زوجا اخر، او انسان اخر، ستجديدن مشاكل اخرى مختلفة غير اهله، هل ستبحثين عن اهلك ليحلوها، من تظنينه سيظل يقبل بذلك ..

تحياتي

__________________
المستريح الي من العقل خاااااالي

يالغالية .. أبيج تسمعين كلامي وتاخذينه بصدر رحب .. وابيج تعرفين كل اللي نقوله هو لمساعدتج انتي

يالغالية انتي ما مر على زواجج اكثر من خمس شهور واستغرب اننج تركتي عش الزوجية بهذه السرعه .. وين الصبر على الابتلاء ..!!!!

ثانيا .. غاليتي انا اعتقد المشكلة هي انكم لين اللحين ما استوعبتهم بعض .. او وصلتوا لدرجة الانسجام والتفاهم وهذا شي طبيعي سببه قصر الفترة اللي عشتوها مع بعض .. والرجال رغباتهم غير عنا ياعزيزتي .. وكافي انه يقولج مشتاااق ومحتاجلج .. بغض الننظر عن طريقته في الكلام او اسلوبه .. هو محتاج محتاج

انا اشوف كأول خطوة لازم تسوينها انج تردين لبيتج وابدا لا تفكرين تطلعين منه .. هذا بيتج ومملكتج .. وانتي اميرة فيه
ثاني شي .. من كلامج عن ريلج .. احسه متعلق جدا جدا جدا بوالدته .. والمفروض تستغلينها كنقطة لصالحج مب ضدج .. يعني وافقيه بكل اللي يقوله وبريها قد ما تقدرين .. وحاولي تظهرين له ولها حبج لوالدته .. مب تمثيل .. لا .. لكن فعلا حاولي تعتبرينها كوالدتج .. وصدقيني راح تتقبيلينها بعيوبها وبمحاسنها ..

انا اشوف انه مشكلة ريلج .. هي تعلقه بامه .. وخوفه انج توقفين قدامها من اكبر مخاوفه .. لذلك يحرص انه يذكرها في كل محفل .. وانتي حاولي تريحينه من هذا الجانب .. وقوليله كلمه "حاضر" لكن في وقت الجد ولما يجيبهم بيتج .. صدقيني ما راح يقولج اللي لازم تسوينه .. هي مسألة ارتياح لكلا الطرفين واستيعابكم لبعض..

خواتي مشكورين على الرد ...
انا قد سبق عرضت ان زوجي صار يتدخل بشغل والدي مع ان والدي رئيس رئيس زوجي بشغل صار زوجي يتدخل بابوي اعط فلان راتبه افصل فلان انقل فلان ويتدخل بكل صغيرة وكبيرة بجد ماصرت وش اسوي يعني مشاكل تصاوبني من كل مكان ..
اصلا هو مايحترم امي لدرجه بالعيد ماسلم عليها عشان ماينجبر يعطيها عيديه مع انها موب حاجتها ...
والله تعبت هل يناسبني ولا لا هل يبيني انا ولا لا الكل يقول اول طريق ولانهايته وانا ماعدت ادري وش اسوي
مدري هل نيته طمع فيني ولا ايش بالظبط
لدرجه سمعت مره اخوه يحسب ان مشغل والدتي مكتوب بأسمي يعني ذولا يحسبون كم لنا وكم علينا وهو بعد كل كلامه اخوك عنده ابوك سوى ابوك يساعد اخوك اخوك كل الي عنده من ابوك طيب يعني وش يصير لدرجه يقول ابوك عند ظهر ابوك عنده فلوس تخيلوا مره حسب كم راتب ابوي وكم تقريبا يصرف بشهر وقعد يقول لو ابوك جمع كذا بيطلع له بعد كذا سنه كذا ...

الله يفرج كربتك ويهدي سركم

حبيبتي .. مافي انسان ما عنده مشاكل .. بس الشاطره لازم تعرف كيف تتصرف مع مشاكلها .. طبعا انا مع الاخوه اللي قالوا انه تو الناس على انك تروحين عند اهلك .. 5 شهور بس! يدوووووب تعرفين الرجال ..
حبيبتي , معضم الرجال كذي كلامهم , لا تروحين , لا تيجين , لا تسوين - ترى الحين عنده زوجه يقدر يتامر عليها و يعطيها اوامر و سوين و لا تسويين .. طبيعييييي جدااااااااااااا ..
بدل لا تكونين عند اهلك, كوني معه و حاولي اتي و شطارتك تحلين مشاكلك ..
انا اول زواجي زوجي كله كذي, لا تروحين و لا تيجين , مع العلم اني من دولة خليجيه متفتحه , يعني اسوق و دارسه برع , و عندي حريه , و اهلي كانوا لا يبخلون و لا يمنعون (الله يخليهم لو و يطول في عمرهم امييين) .. أكيد كنت متضايقه و غيره , بس تعلمت ..
اولا تعلمت ان الروحات و الجيات اللي مالها لزمه مو ضروريه - خلاص, انا مره متزوجه و عندي التزاماتي و وواجبات .. بس الروحات الضروريه , و زيارة اهلي و غيرها , لو قالي لا, اقوله ان شاءالله على راحتك حبيبي .. مره مرتين , انشاءالله حبيبي , بعد كم مره , و في وقت مزاجه كان رااااايق , كلمته : قلتله حبيبي انا حييييل اشتقت لاهلي , و و و و- على طووول من غير كلامك قالي اكيد لازم تروحين لهم ..
حبيبتي الرجال يلينون بالكلمه الطيبه و الاسلوب الحلو .. اكسبي قلبه بأسلوبك و معاملتك معه و عدم عنادك , راح تكسيبينه اهو .. صدقيني .. جربي و راح تشوفين بروحك ..
اما سالفة ان كل شي يقول لامه , خلي يقول , الا 5 اشهر , بكره راح يتعود انه عنده بيته و مشاويره و غيره و ما بيكون عنده وقت يكلمها مرتين في اليوم , و لا راح يقول كل شي .. و خليها تيجي عندك , تاخذين اجر عليها , و عامليها بأحسن طريقه ..
بخصوص السحر - والله ما عندي اي فكرة عن هالموضوع ..
الله معك =)

اختي انت لازلت جديدة في الزواج يعني خمس شهور زواج لاشيء اين الصبر الطريق طويلة امامك
ولاتكرري خروجك من منزلك هذاخطر عليك ام في مايخص اترك والدك يتدخل في مسائل العمل اما
اما والدته فهي والدتك انت ايضا لاتنساي انها السنة الاولى زواج يعني انت لازلت لم تاخدي عليه
وهو كذلك اصبري لابد من الصبر في الزواج . الزواج يسمى جهاد