انا مااعرف كيف ابدا والله العظيم واصله حدي والسبه زوجي العزيز ..

ياناس مايخلي شي في البيت الاويطلعه كل شي زين مب زين مفضحني عند الله وخلقه اي شي يصير بيننا يعلم اخوياه ..
مثلا لبست لبس حلو على طول يكلم زميله ويقوله ترى حرمتي لبست كذا وحطت كذاوووو
ياليته على اللبس كل شي حتى في المواضيع الجنسيه سوت وفعلت وهي اللي بدت خلاص ابنجن احس اني خلاص ماودي اطلع انا وياه اونروح نزور احد اخاف يشوفني زميله ثم يتذكر كلام زوجي احس اني مفصخه عندهم وانا علي لبس لانهم عارفين كل شي عني ياناس وش اسوي
والمشكله هو مايقول لي انه قال وفعل بالعكس ينكر انكار شديد واصدقه
ثم تتكر العمليه ثم ينكر والمشكله ادري من حريم زملائه يجون يقولون لي صح انتي كنت لابسه كذا امس ويوصفون اللبس
اقول وش دريكم يقولون زوجك قال لرجلي وهو قالي تخيلو حاولت فيه الف مره بس مافاد عيب والله عيب اللي تسويه المشكله ينكر ويقول ماسويت ثم يتصل على زميله ويقول له ليش علمت زوجتك تراها قالت لحرمتي وهكذا والله العظيم فيه اشياء استحي اقولها ويوصلني الخبر من حريم زملاه تعبت منجد حتى صار هذي الايام يكذب علي واصدقه في الاخير ادري منهم انه كذاب
واذا صارحته حلف انه بريء وانهم هم اللي يتبلون عليه بس مو مره ولا مرتين الحين لي اربع سنين خلاص انا الحين مااثق فيه نهائيا ولو قالي سالفه اصير افكر هو صادق اولا وبصراحه اذا انعدمت الثقه بين الزوجين احس الحياة تصير صعبه بينهم
تخيلو من كم يوم اسولف على زوجت زميله عن محل حلويات حلو قامت قالت لزوجها عنه
وقالت ان مرة زميلك تقول حلو قام وزهم على زوجي وقام يهاوشه ليش ماقلتلي عنه ليش نسيت وماقلت تخيلو لهذي الدرجه لقافته مايخلي شي مايقوله
صرت اخاف اسوي شي له ثم يعلم زملائه
تكفون ساعدوني وش اسوي انا قربت انهار والله اعلم وشو الخافي هذا اللي اعرفه كيف اللي مااعرفه علما ان فيه وحده من اقاربه قالت لي الله يعينك عليه كل شي يطلعه برى وخاصه امه مايخبي ولا شي عنها الحين والله صدقتها