السلام عليكم و رحمة الله ،

مبارك عليكم الشهر جميعاً

مو عارفه من وين ابدأ ، او شنو اقول
اصلاً مو فاهمة شنهي المشكلة .. أو شلون امسك طرف الخيط واشرحها

انقطعت فترة عن المنتدى بسبب وضعي الصحي والنفسي
واليوم رجعت من المستشفى ...
وغداً برجع بيت اهلي

فجأة ، انتكس الوضع بعد ما اصطلح وصارت الحياة حلوة
جاني اليوم بهدوء تام وكلمني دون انفعال .. زين لازم نتطلق
وصعبة نعيش مع بعض ووووو

وضعي الصحي والنفسي ما يسمح بالإسهاب معذرة .. بس أرجو منكم الدعاء لي في هذي الأيام المباركة

أسأل الله أن يفرج همك ويشرح صدرك ويعوضك خيرا

__________________

دورة اقرأ وارتق ... دعوة لتلاوة القران الكريم


هل تتعرضين للابتزاز في الانترنت؟
هنا من ينقذك

وضعك الصحي والنفسي مايسمح بالاسهاب!

طيب متى يسمح، بعد الطلاق لاقدر الله!

ليه مايكون وضعك النفسي اللي معطيته اكبر من حجمه هو اللي جاب لكي الطلاق بطبق من ذهب!

مو معطيه وضعي الصحي والنفسي أكبر من حجمه
بالعكس صار لي كذا يوم مريضة جسمياً بسبب وضعي النفسي...

قبل فترة صار بينه وبين زوجته مشكلة
بعد مشكلته مع زوجته اتصلت فيني .. سبتني ووو ويالساحرة وانتي ساقيته وساحرته ووو
" وقبلها كان فيه سلسلة من الاهانات والسب وبدون أي رد مني

هالمرة زوجي قال لي بسوي اجراءات معينة ( ما اعرف شنهي الاجراءات )
عشان تعتذر مني .. بحيث يكون درس لها وما يتكرر
البارحة سألته عن شصار بخصوص موضوع الاعتذار....
قال ماشي بإجراءاتي وهي تعرف ليش انا اسوي جذي معاها ووو
اليوم الصبح اتصلت فيه ( عندي موعد بالمستشفى )
قال لي روحي بسيارتج تعبان مو نايم...
قلت له شلون ارتاح وبعدها بنروح " المستشفى جديد وما ادله ولا ادل اقسامه "
قال لا روحي بسيارتج عندي اشغال ووو
قلت له خير ان شاء الله " بنبرة زعل "

اليوم الظهر جاني .. قال لي : بكل هدوء اقولها لج
وبعد ما فكرت بالموضوع طول الصبحية وانه بالمسجد وفي درس القرآن بالي مشغول
وانه قررت .. ان نتطلق
احبج ؟ اي احبج
بس ما اقدر ابقى معاج .. صعب نتفاهم .. ندخل في مناكفات على ابسط الامور ووو إلخ

بعد ترجي ووو ... قال لي اوعدج ان ما اتصل في اهلج طول هاليوم
بس من باجر بتصل فيهم عشان نقعد مع ابوج وننهي الموضوع

قلت له فكر وو
قال قراري من عقلي .. وعقلي قفل خلاص
عطيتج فرص وايد ووو
قلت له عشان ايامنا الحلوة
قال ان اعيشه ايام حلوه احسسه انه ملك
واعيشه ايام جحيم ..
وانه متأذي مني اكثر من زوجته الاولى لانه ما عطاها ربع اللي عطاني اياه
فالأذية مني اكبر.. قال ياما نبهتج ترى هي خسرتني فلا تخسريني انتي بعد


!!!!!!

الله يسمع منج يا رب

.
.

خايفة بموت من الخوف
والله العظيم حرام عليه

ما أقول إلا الله يفرج همك

الله يفرج همك حبيبتي ويهدي زوجك ويسخره لك
ليه كل شوي يهددك بالطلاق؟؟شو وصل الامور بينكم لهذا الحد؟؟
انتي تسبيه ؟،تبكي عندو كثير وتنكدي عليه؟؟
تطالبيه كثير بالعواطف والأهتمام؟؟

__________________
(سيدة الموقف)
لم ننساك ونسأل الله ان تكوني أنتي وأولادك بخير

مرحباً أختي

اسأل الله أن يفرج همك ويشرح صدرك ويوفقك بحياتك

رأيي الشخصي
أن ترسلي له رسالة الآن
أنا لا أرغب بالطلاق... أحبك كثير وأرغب أن أبقى معك طول العمر... لاتظلمين وتبعدني عنك



أعانك الله

ياريتني اسبه! وياريتني ارفع صوتي عليه!
في بداية لزواج كان بيننا مشاكل وايد بسبب غيرتي وطلبي منه ان يهتم بي وو
بس حالياً لا يا طعن ما اطالبه بشيء
وتحسنت علاقتنا .. وحتى هو صار يقول رجعت راحتي معاج وانسى وقتي عندج!

ما يهدد .. قرر وخلص

ترجيته ذليت نفسي وايد طحت على رجوله - يعز علي اقول هالكلام بس هذا اللي صار -
قال لي والله العظيم احبج واتألم من قراري .. بس هذا الحل الوحيد

قلت له احنا في شهر الله لا تكسرني ولا تخليني
قال هذا قراري ما بيتغير ... مش مثل كل مرة

الليلة المفروض يبات معاي .. بس قال لي انا في مكان وانتي في مكان
كل واحد ينام بروحه ..

وما يبي مني اي رسالة او اتصال
لأن يقول هالشيء يخليه يثبت قراره اكثر .. لأني بكون كأني الاحقه واخنقه وما اخليه يتنفس