السلام عليكم ورحمة الله وبركاته

كل عام وانتم بخير واحسن حال وبلغنا المولى وإياكم شهر رمضان واعاننا على صيامه وقيامه

انا مملكه من 3 اشهر اعمارنا 26سنه
امورنا تمام واحبه ويحبني لكن المضايقني اهتمامه قليل ومايسمعني كلام حلو ورومانسي حتى لما ارسل له مسجات حب مايرد عليها !
مره قال رسايلك تحرجني !! ومره تذوبني !! واكثر تواصلنا واتس آب ونادر جدآ مكالمة صوتيه !

احتاج منه مشاعر الحب والرومانسيه لكن ماعرف كيف اقوله ؟!
وخايفه لو ماقلت له يتعود على التكتم وعدم الإفصاح عن مشاعره !

ارشدوني وفقكم الله واسعدكم .

اختي الظاهر انه خجول
فلاتكوني انت المبادرة في اي شيء لألا يراك جريئة لانه هو خجول بطبعه
هذه قراءتي لموضوعك

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

حبيبتي أول شيء الله يتمم لك ولي على خير..وعندك وعندي خير وأنا أختك..زوجي مثل زوجك مقل بالاهتمام ولكنه يبادرني من وقت لاخر بمكالمات وكلام حلو..بس الفرق إن زوجي عقلاني كثير ويمكن لان عمره فوق الثلاثين وصار انسان حكيم بحكم تجارب الحياة اللي مر فيها..عموما ياأختي خلينا مانستعجل على حبهم واهتمامهم .. لاحقين عليه .. خلينا الحين ننشغل إن كل طرف يفهم الثاني تمام عشان نعيش حياة سعيدة مستقبلا .. وهذا بالضبط ما أقنعني به زوجي هذه الليلة بعد زعل صار بيني وبينه اليوم.. اقرأي موضوعي حتى تعرف كل ملابسات الموضوع..وهو مشابه كثير لموضوعك..أسعدني الله وإياك..دمتي بود

ربي يوفقكم حبايبي
لكن زوجي جريئ جدآ بإمور الجنس عكس الحب والرومانسيه وهذا المضايقني ومستغربه منه !!

حبيبتي الرجل له طريقة خاصة في التعبير عن الحب الا وهي الجنس عكسنا نحن النساء اللاتي تهمنا العبارات الحلوة والروننسيات..لاتشغلي بالك إذا صرتو في بيت واحد راح تشوفي الدلع والاهتمام لانه محال يكون في جنس بدون مايكون هناك رومنسيات خاصة فلاتقلقي

اصبرى علية وان شاء الله يوم تتزوجوا بتزين الامور باذن الله ....
على نفس القدر الذى يعاملك بة عاملية يعنى لا تزودى ولا تقللى خلك وسط

معليه اختي لفتت انتباهي الجملة
ما ينفع كذا
المكالمات الصوتية مهمة جدا وأغلب المشاعر تتحرك عن طريق السمع
حاولي تتصلين فيه بطرق ذكية
مرة سولف ومزح
مرة خليك جدية ومستعجلة مثلا ابغى الورقة الفلانية او وش رأيك بكذا وسوي نفسك مستعجلة
ومرة عتاب وطلعي اللي بخاطرك كله

الرسائل النصية تنفع مع الزميلات الصديقات الأقارب العمل لكن الزوج و الزوجة خصوصا في فترة الملكة ماتنفع ابد.. ممكن تكون مكمل لكن مو أساس

نقطة ثانية
اختي طالما انك وافقتي على هذا الرجل وعجبك وتشوفين انه كفو
وانت في بداية حياتك
ضروري تحاولي تكسبينه ويكون لك رصيد عنده وابتعدي عن الزعل
لما تحسين خلاص صار مايستغني عنك
بعدها بكيفك تقدرين تزعلين وتتشرطين وانت مرتاحة بس مو مرة شوي هههه

بالتوفيق يارب

قرأت كلامكم كثييير. وشاكره لكم ولكم مني اصدق أدعاء بظهر الغيب

لكن قربت ملكتنا ع 6 شهور ومثل مانحنا وزواجنا بعد شهرين احس بملل وقهر وحزن على حالتي ويقول يحبني ويموت فيني وافعاله تحيرني مافي اي اهتمام ويغيب عني يوم او يومين وعادي جدآ عنده واخجل اقوله عن احتياجي له وحبي لسماع صوته وتواصله الدائم معايا لان حتى الاتصال يمر اكثر من اسبوعين او 3 ولا يتصل بس واتس واخجل اتصل عليه

انصحوني ورب البيت تعبت منه وما اتمنى يجي الزواج وانا بهالنفسيه وإحساسي بتقصيره

لمحت له كثير بس بدون فايده ..

كل الشكر وخالص التحيه لكم احبتي ف الله

هل جراته في الجنس وخجله كلها من خلال الرسايل
هل يتحدث في امور الجنس على الجوال ولا يظل خجول

لا عادي جريئ بالرسايل والاتصأل ويحب اكلمه فيديو لكن نادرا ما ارضى له ..