السلام عليكم ورحمة الله وبركاته ..

انا الحين حامل بالشهر السادس .. وعندي مشكلة مرررة متعبتني ..

وهي الحموضة اللي فيني .. مررررة اتعب منها ..

حاولت اعرف وش الاسباب وتركتها ومازالت فيني .. حتى فيه يوم من الايام ما أكلت شي .. يعني ما أكلت وجبات دسمة ولا شي .. ومع ذلك جتني حموضة فضيييييعة ..

احس كأنها نااااار شابه في حلقي ..

هذي الحموضة من قبل الحمل وهي فيني .. لكن مو زي شدتها في الحمل ..

كنت قبل الحمل اشرب حليب وخلاص تروح .. الحين لو أشرب جيك حليب كامل ما تروح ..

وانا صراحة متخوفة من الادوية .. الحبوب وغيرها ..

ابغى وحدة حامل ومجربة الادوية ولا سببت لها ضرر وتقول لي عنها ..

انا عطتني الدكتورة حبوب يوم قريت الورقة اللي فيها مكتوب ان فيها مادة احتمال تخترق المشيمة وتسبب مدري ايش .. ولا تستخدمها الحامل الا في الحالات القصوى ..

انا قريت هالكلام انهبلت وخفت يجيني شي .. خاصة انه حملي الاول .. يعني ما عندي اي خبرة ..

..

اتمنى اي وحدة تعرف حل للحموضة سواء كان حل طبيعي او من هالادوية لكن يكون مجرب لمثل حالتي الله يعافيكم ..

لا تقولوا هذي معقدة .. لان هذا حملي الاول وخايفة مررررررة

..جزاكم الله خير ..

__________________

انتي مثلي بالضبط ذابحتني الحموضه من بداية حملي بالشهور الاول كنت من شدة الحموضه والحرقان اللي احسه اكل ثلج وعطتني الدكتوره حبوب بس خفت استعملها لانها قالت لي عند الضروره وانا خوافه مره قلت اتحمل ولا اخذها للحين وانا معي الحموضه بس زادت علي مرره بالشهر الثامن والحين انا بالتاسع وهي معي صرت لما اجي انام ارفع راسي مرره احط مخدتين وانام على جنبي الايسر وكثري من الخيار احسه يخففها بس مايقطعها والله يتمم لي ولك على خير باطفال سليمين يااارب وكل الحوامل

__________________

اللهم اجعل اخر كلامي في الدنيا لا اله الا الله محمد رسول الله

اختى لاتخافين انا دكتوره وصفتلي دواء واحس اني ارتاح فيه لو ماخذه كان مافكر احمل مره ثانيه >>> بكيفك ماعلين الدواء اسمه ريالوكس مضاد للحموضه مشروب هو بصيدليه موجود ترى الحبه ماتنفع معى المشروب احسه افضل
وانشااله ماثر بحملك هذا انا خذته باول حملي والله يقومك بسلامه وها بشرينا اذا فكرتي تاخذينه ريحك ولا لا خلينا نحس انا احنى مفيد في الحياه ههههههههههههاى بتوفيق يارب

__________________

اختي العزيزة
انا ولله الحمد عندي ولد وبنت
بنتي البكر جتني الحموضة من الشهر الخامس حموضة فضيعة
عطتني الدكتورة حبوب للمضغ والقضم بس على الفاضي ولا استفدت
وما راحت الحموضة الا بعد الولادة

بحملي الثاني ... جتني الحموضة من الشهر الرابع
اعطتني الدكتورة دوا اكثر من رائع
جافسكون... اكيد اسمعتي فيه... دعاياته كانت تجي بالتلفزيون
ررهيييييييييييييب
كنت استعمله باليوم مرتين ثلاث

بالاضافة للدوا ... لازم ولا بد
1-ابعدي عن البرد
لا يفيد الدواء طالما بطنك بردانة او معرضة للبرد
2-ابتعدي عن الاكل الساخن جد والاكل المحتوي على البهارات الحادة

جربي وادعيلي
وان شالله ما تشوفي شر

__________________

حبيبتي هاي مشكله كل حامل الله يقومنا جميعا بالسلامه
انا طرحت هذا الموضوع قبل ذلك واليك الرابط حتى تستفيدي
من ردود الاخوات ..

http://www.66n.com/forums/showthread.php?t=176191

__________________

مشكورين وجزاكم الله خير ..

انا كتبت الادوية ان شا الله اشوف اللي يناسبني منها واجربه ..

ان شا الله يفيدني ..

الله يعطيكم العافية ويرزقكم اللي تتمنونه ..

: )

__________________