تعرفون مشاكلي السابقة مع زوجي
وانا مقتنعه اني مو سيئة ولا هو سيء
لكن بينا تنافر عجيب بالشخصيات
ودايما احس اني مو الانثى اللي كان يتمناها
مع كذا الحياه ماشيه
والحمدلله على كل حال

لكن في شي شاغل بالي
اهل زوجي جتهم شغاله جديده
فلبينيه
جميله وفيها دلع لااافت
وهم تاركينها بدون ما تلم شعرها
فطول الوقت تلعب باطرافه (طويل وناعم)

اللي مستفزني بالموضوع نظرات زوجي
اذا مرت يرتبك
اذا جلست تتدلع وهي تشيل شي
او وهي تلعب ولدي
لقيته ياكلها بعيونه من تحت لتحت

والشغاله مو مقصره
تسلم اذا شافته (هاي سير)
وانا ما تسلم علي وتتجاهلني

وكل اسبوع عامله لها لوك جديد
مره قاصه الغره من قدام
مره رافعتها ببنسه



انا ماهمتني
بس زوجي مستفزني
ولا مره كلمته
بس قبل شوي مرت وهي تتدلع باطراف شعرها
وزوجي كان بياكلها بعيونه
تخيلوا التفت وراها
وانا بعيده ما انتبه لي


وحتى محد يفهمني غلط
انا اجيب دايما شغالات لبيتي
اشكال والوان
وعمري ماتضايقت من اي شغاله
بس هذي مو مضبوطه
وعيون زوجي تفضحه
لاول مره اشوفه كذا !!

مليت من هالوضع
قبل شهر كلمت امي
وقالت لي طنشي ولا تهتمي الخ

طيب انتم ايش رايكم؟

انبه زوجي يضبط نفسه اذا شافها
او ماله داعي؟

انا احس بقهر
وبنفس الوقت ما ابغى افتح عيونه
او احسسه اني حاطه راسي براسها

الحل تسحبينها على جنب وخلك واضحه وصارمه ، وقول لها من تشوفين مستر أباك أتلفين وجهك وتغطين عيونك ، وفي شي تعال كلمني انا ، هذي الجنسيه بالذات تجي الوحده تحسب نفسها ملكة جمال الكون

مو على كيفي
تخيلي ام زوجي كلمته قبل اسبوع
وقالت لزوجي يروح مع الشغاله تطلع شريحه جوال
وراحت معه وانا سكت
زوجي متعود يخلص مستلزمات الشغاله
وهذي رابع شغاله تجيهم من تزوجت
بس هذي بالذات مو مضبوطه
تحاول تلفت نظره
وهو يرتبك مره بوجودها

طيب كيف تدخل عندكم وتخدمكم !

بعض الازواج ماينلامون اذا الخادمه هي الي تريقه وتغديه وتعشيه وتغسل له ملابسه وتكويها وترتب له شغله بالكامل وأم العيال هداها الله مسلمتها الخيط والمخيط بالطريقه راح يصير احتكاك الزوج بالخادمه احتكاك مباشر طبعاً هذا الي اعانيه انا صراحه والمقصود ليست الاخت الكريمه صاحبة الموضوع ، لكن حبيت انبه لانه حال كثير من الزوجات مسلمات ازواجهن للخدم للاسف

اذا كنت زايره اهله
تدخل تجيب القهوه الشاي
تحط العشاء
ترتب المكان
تجيب ادويه ام زوجي
الخ الخ

يعني داخله طالعه
وتتميلح يزياده
تبوس يد ام زوجي وتمسج راسها
وام زوجي مايته عليها
وزوجي يتلخبط
وانا جالسه اغلي

هي مو في بيتي
هذي شغاله اهل زوجي
ازورهم مره بالاسبوع
وزوجي يزور اهله 3 مرات بالاسبوع
وانا صايره اختنق اول مايقول لي بزور اهلي

واااي يا كرههم .. حرتني وآنه ما لي خص

ابو زوجج وينه ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

متوفي
وزوجي الابن الخدوم