السلام عليكم و رحمة الله و بركاته ،،،

حقيقة اول من خطر لاكتب الموضوع واخذ ارائه هم اخوتي بالله هنا

الموضوع يتعلق بي انا و زوجي وتدخل ابعد انسان بخصوص قضية الحمل !!!

انا و زوجي ماجلين الحمل مؤقتا بسبب ظرف خاص جدا و بسبب انو بدنا نعيش حياتنا شوي

يعني كلها اشهر فقط

وظروفنا احنا ادرى بيها

واحنا راضيين بحالنا ومبسوطين ومرتاحين وحياتنا عال العال

لكن الناس مابعرف شو مالهم

يعني اهلي واهله كانو يسالو وهالشي من حقهم وكنا متفقين ماحد يعرف عن التاجيل

لكن قلت حرام بقلقو وعرفو وخلصنا

اما باقي الناس استغفر الله

من اول شهر كل متطلعي صديقة لي عالمسنجر

ايش مش حامل

بدون سلام ولاكلام

يطلع اصدقاء زوجي عالمسنجر عنده ونفس الشي

طيب شو هالذوق شو هالحكي الفاضي؟؟؟


ياناس احنا مرتاحين اتركونا بحالنا وحلو عنا وبس

لازم اقول لكل انسان انا ماجلة عشان ظروفي كزا كزا؟

امورنا الخاصة اتركونا ندبرها لحالنا؟

يعني تطلعلي صديقة تسالني

اتحدث مع وحدة اقول انا تعبانة اليوم والله ونعسانة

تقلي اااااه اكيد حامل

!!!!

ام صديقتي تطلعلي عالمسنجر

تحدثني بجدية وخطورة

لازم تشوفلك حل

روحي دكتورة مابنفع هيك

!!! طيب شو الي مابنفع

كلام بقهر

بضطر احكي انو احنا ماجلين عشان يفكو عني

لكن مابكون سعيدة يعني ليش احكي اموري الخاصة؟

انا بقول خليهم يستكو

اشي بيملل فعلا

يعني تدخل غريب وممل

الاهالي اتقبلها لانو احنا من اهم الناس عندهم وبحبونا وبيهتمو فينا

لكن بالله صديقاتي وزميلاتي و الناس الغرب

شو همهم فية؟؟؟

ماحد يقلي طول النهار بيفكرو فية ولامهتمين

هما مابفكرو بشي

لما يشوفوني بتزكرو

وبرمو هالسؤال المقرف


كل الناس هيك معي او مع غيري

الوحدة تتزوج من اول شهر تبدا الاسئلة

عاد المسكينة الي تمر عليها 5 شهور بدون حمل

ضاع مستقبلهاخلص

احمدالله اني قلت اني ماجلة لانو حتى لما نبطل ماجلين راح اضل احكي ماجلين ماجلين لغاية مربنا يريد

عشان مايقعدو يقلبو مزاجي


انا لاانزعج لاني حزينة

انا يعلم ربي هالامر لاافكر فيه كثيرا وتاركاه للظروف إن شاء الله ويارب الله يرزقني قريب

لكن بكره التدخل وقلة الزوق وقلة الاحساس ومراعاة الغير

طيب افرض انا مش ماجلة وتاخر حملي؟؟؟

الا يفكرو بان هالسؤال ممكن يجرح مشاعري او يقلب المواجع؟؟؟

مابعرف وحدة 8 شهور تزوجت ليش لازم تحمل من اول شهر

هالشي بامر الله

وفي ناس لما اقلهم ماجلين ياريت بعجبهم

الا بقولو بصيغة جدية وخطيرة

عفوا يا(...)انت ماعدتي صغيرة

والعمر بيمضي
هههههههههههههه


اناعمري24

والله عجزت صحيح

لو انجبت عال26

او25

مصيبة ولافرق كبير؟؟؟

لكن شو نقول العتب عالمخ

طيب لما بقول انا ماجلين بسبب ظرف خاص الا يكفي

لازم افصل عن حياتي الخاصة

لاحول ولاقوة إلا بالله

اشي بنرفز

في الفترة الاخيرة صرت كل وحدة تسالني هيك

مااقصر معها

اقلها يابنتي اتركي العالم بحالهم شو دخلك

لا كمان في بنت صديقتي تاخر في حملها والان الله رازقها بنت

فطبعا كانت تموت وتزعل لما حد يزكرها بالموضوع وقبل الحمل طبعا

مفروض تراعي مشاعر الغير صح

فمرة قلت لها انت مش كنت تزعلي

قالت كتير كنت ابكي

حكتلها وليش مابتعرفي تراعي مشاعر الغير الي اكيد مفروض تحسي فيهم

سكتت

قلتلها عموما احنا لامتاخرين ولاشي احنا ماجلين

وياريتها سكتت

بعدها كل متطلع تسال

غريبة عجيب

ياريت كل انسان يلزم حدوده ويعرف انو للناس خصوصيات ومايدخل فيها

وياعالم ازا كان احنا مبسوطين شو بدكم فينا؟؟؟


نفسي اصرخ في وش الكل واقلهم احنا مرتاااااااحين مبسوووووووووطين

ماناقصنا شي

مش زعلانين

راضيين ببعض ومرتاحين سوا ومبسوطين انا مع بعض وكلو بهون

انتو لشو تتدخلو؟؟؟

انا قررت اي وحدة تتدخل بالموضوع اعمللها بلوك وارتاح

والحمدلله انا بغربة

الا لسة هناك كان الاقارب والمعارف والغرب والجيران والزملاء و الجار السابع والعاشر كمان

وعابر السبيل كمان

او كان يمكن وحدة غرييبة بالصدفة سمعتني بحكي تقلي ليش يابنتي تعملي بحالك هيك

استغفر الله الذي لا إله إلا هو الحي القيوم و أتوب إليه

شاركوني واسفة للازعاج لكنه موضوع مقرف جدا

__________________

يا اختي موضوع مايستاهل تحرقين اعصابج عشانه !!

انا ايضا كنت اتضايق من هذا السؤال !

بس قوليلهم كل شي بيد الله ، اذا سئلوج ليش ومادري ايش قوليلهم عفواً هذي امور شخصيه وشكرا عالسؤال وبس

لااحرق اعصابي على شو خير

لكن انا لما افكر بقول ليش هيك الناس ماعندهم احساس؟

يعني لاتفكري حياتي تعيسة بسببهم
فشرو

لكن بقول انو لحظتها بحس بالتفاهة والغباء منهم
شكرا لمرورك اختي

ولااحد يستحق اعصب مشانو

__________________

العالم هادا ما يسكته الا الكلام الجامد
وشوفي يوم انك رديتي برد صريح كيف المرة سكتت
المجاملة ما تنفع هاليومين
حاولي تسكتي اي وحدة تتدخل فيما لا يعنيها
وصدقيني راح يسكتوا

انا ضد تاجيل الانجاب فهو رزق
وبعض وسائل منع الحمل قد تسبب العقم خاصه لمن لم يسبق لها الانجاب
لكنه كما ذكرتى هو امر خاص بكم
والناس لا شان لها بهذا
انا تزوجت لى ايام ما كملت عشره
ومن الان اثنتين يسئلون حدث حمل ام لا ؟!!

هذا الموضوع كل المتزوجين متعودين عليه فلا تزعلي ولو احد سألك قوليله ادعيلي انه الله يرزقني الذرية الصالحة المعافاة

__________________

اختي ماحد فاهمني شكرا لك والله مابقدر ازعل حد يسلمو يااخ

اختي منى التاجيل وسائل طبيعية والله يعينك عالسؤال هه

__________________

ملك يالغاليه

هذا حال الناس

اذا ماحملتي قالو وش تستنى ماحملت وعلى طول يحرفونها ويقولون مسكينه اكيد تعالج

واذا جبتي بيبي واحد قالو حرام جيب له اخو

واذا حملتي بعيالك ورى بعض قالو مسكينه على طول حملت مافيه فرق بين اولادها

واذا جبتي اولاد قالو يبغالك بنت

واذا جبتي بنات قالو لازم تجيبين ولد

يعني بالعربي

طنشششششششي

__________________

اختي ملك شادي لا تشغلي بالك

هكذا الدنيا وما فيها ماحد يخلي حد بحالة في اي شيء مش بس بالحمل

ولا تزعلي مني هذا سؤال طبيعي جداً !!

ومتوقع من اي حد ربما يسئلك البعض من باب الشجن!! والبعض من باب محبتة لك., وهكذا

عندك مثلاً انا هكذا جلسو فوق راسي لما جبت طفلي الاول

الحين عشان طفلي صار عمرة 3 سنيين دوخوني إمتى بتجيبي الثاني ؟؟

والله ما اشوف وحدة الا والا والا.......... متى بتجيبي الثاني؟؟ وانا وزوجي مأجلين

عاد اقلهم مأجلين شوية يقولو طيب لية مأجلين

بس والله ما ازعل من سؤالهم اصلاً أعرفهم بعضهم شجن وبعضهم من محبتهم لي

لذا خديها من باب الاستظراف وقولي لهم لسا بدنا نرتاح شوي

وبعدين ملحقين ان شاء الله على الاطفال

بالتوفيق اختي

وسعي صدرك , الدنيا تبي صبر

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك