السلام عليكم ورحمة لله وبركاته
رمضان مبارك عليكم
وكل عام والجميع بخير اعاده الله علينا اعوام واعوام ونحن بأحسن حال
وتقبل الله منا ومنكم سائر الأعمال...

اتمنى اتمنى اللي بيرد علي يكون عارف عن مواضيعي السابقه ..
او عندو خليفه عن تفكير الرجال والاقي اجابه للتساؤلات اللي ببالي...


قبل كم يوم طلبت من ابو عيالي عن طريق اخوي يطلع جوازات السفر لاولادي
لانو بنسافر وقت الاجازه
رد ابو العيال ع اخوي وقال طيب ..
وارسل للوالده من ثاني يوم انو مو موافق بسبب خوفه ع اولاده
اتصل عليه ولدي وطلع كل كل اللي بخاطره عاتبه ع تقصيره
قاله ليه ماتحبنا ليه ماتسأل عنا ليه ماتهتم فينا ليه ناسينا كان يتكلم من قلبه وانا تركته ع راحته يفرغ اللي بخاطره قلت ممكن يحس هالادمي..
رد ع ولدي انو مشغول
قاله ولدي ليه ماتنشغل عن اخواني اللي عندك..
رد عليه انهم عايشين معاه وان ولدي واخته مو عندو
بيت اهلي قرررررريب جدا من بيته مقدار المسافه تقريبا 5 كيلو
وبيت جدة عيالي ابعد من بيت ابو عيالي ب 15 كيلو هو كل يوم يروح لأمه وياخذ عياله كلهم ماعدا زوجته ويمر من بيت اهلي اللي انا وعيالي فيه
وولدي عندو جوال يعني يقدر يتصل عليه بأي وقت
المهم تعذر له وقاله بالعكس انا احبك انت ولدي وفلانه بنتي ...
طلبه ولدي يسوي الجوازات بالاول رفض مرا بس ثاني يوم اتصل وقال انو موافق وارسل له الصور بس للان مارد علينا بشي ...
من جهتي انا رافضه داخليا اوكيه داخليا انو يأخذهم وحابه انو ينساهم لانو زيارته تتعبهم
بس هم بالنهايه هذا ابوهم وودهم يحسون فيه..
طبعا بعد العتاب اللي صار ماابدئ اي ردة فعل
لا رجع اتصل لا رجع اهتم ولا شي..
لدرجة ولدي قاله له ياابوي كل يوم انا افتح الواتس اتمنى الاقي منك سؤال..
معقوله كل اللي يسويه غيض فيني ولا طبيعي ..
كل السبل متوفره له ومتيسره وهو مبعد
كنت اتمنى بيته بعيد وانو مستقر بمكان ثاني كنت اتمنى ولدي ماعندو جوال خاص فيه
اتمنى الاقي له عذر بمعاملته ..

حتى لو يكرهني هذولاء اولاده لو انو تركهم صغار مواليد قلت ممكن ماتربوا معاه عشان كذا م يحن عليهم...

اللي حولي يقولوا مو طبيعي واللي يقول عشان كارهك انتي كاره عياله منك
واللي يقولي عشانه مقهور منك ...
طبيعي المنفصلين يصير بينهم كذا
طبيعي اذا الرجل انفصل عن زوجته وله منها عيال بمجرد الطلاق خلاص ينساهم ولا يعتبرهم عياله
ماعندنا حالات طلاق عشان اقيس للأسف انا التجربه الفاشله اللي بمجتمعي يقيسوا عليها ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

المشكله كثير من الاخوات يطلبن الطلاق ويصرن عليه وبعد مايطلق الزوج او يطلقها القاضي تجي الزوجه تتحسر ابوهم مايمرهم ولايسأل عنهم ووووو..! وهي بالاساس لو عارفه قيمة الاب ووجوده بحياة عياله كان مااصرت على الطلاق وتشتيت الاسره وحرمان الابناء من ابيهم ، هذا واقع كثير ماأقرأ ان المطلقه تتحسر على ابنائها لعدم صلت ابيهم فيهم ولا السؤال عنهم ... شي غريب صراحه ...!

انا منفصله بدون طلاق ويارب تتيسر علي ويطلقني بدون هالتعليق
يااخ عمار الطبيعي ترد كذا لانو مو قاري مواضيعي السابقه..
شاكره لك مرورك..

__________________
(سيدة الموقف)
لم ننساك ونسأل الله ان تكوني أنتي وأولادك بخير

اهلا اختي
بعض الرجال الله يهديهم فعلاً يبي ينتقم ويكونون الضحيه الاولاد
انتي كل ماعليج برري لااولادج فعل ابوهم حتى لايكبر الكره يوم عن يوم
هو صح مقصر معهم والواجب العدل بين اولاده بغض النظر منفصله امهم او لا
بس نقول الله يحنن قلبه عليهم


الحل
اطلبي من اخوج يجلس مع زوجج ويطلب منه زيارة الاولاد
او على الاقل الاتصال عليهم بين فترة واخرى

ايضا المصروف لازم يصرف عليهم نفس اولاده الثانين



ـ

مرحباً أختي

سأحكي لكِ قصة شخص أعرفه جيداً وأعرف مجمل القصة

رجل طلق زوجته ولديه ولدين صغيرين بحدود 6 سنوات وأصغر .. ثم تزوج من أخرى عندها ولد وبنت وكان الشرط أن تقبل عياله يعيشون سوياً أما أبنائها فهم بطبيعة الحال يعيشون مع والدهم من قبل

بعد فترة من الزواج عانى الولدين من الإهمال سواء من والدهم أو زوجته .. الله أعلم .. وبدءت صحتهما تضعف وليس هناك إهتمام بملابسهما أو توجيههما

فتبرعوا والدا الزوج ( الجد والجدة ) بتربية الأبناء عندهما حناناً على الأطفال وخوفاً عليهم من زيادة الإهمال ورغبة في عدم التدخل في حياة إبنهم وزوجته ( مع العلم أن الجميع يسكن في عمارة واحدة ولكل واحد شقة منفصلة في دور منفصل )

وبدوء الأطفال تعود صحتهم ويكبروا ويصبحوا مميزون بين أفراد العائلة كاملة حتى أصبحوا رجال ويعملون وواحد منهم متزوج ولديه إبن

أما صاحب القصة فقد أنجب من زوجته ولد وبنت وأصبحا يهتمان بهما وبتعليمهم في مدارس خاصة حتى كبرا

الغريب في الموضوع
- طوال فترة بقاء الأبناء عند الجدين وهما في نفس العمارة .. لا يسأل عليهما أبوهم ولا يصرف عليهم ولا يطلبهم لزيارته في شقته بل يراهم عند جديهم

- بعد سنين طويلة بعد أن كبرا وأصبحوا رجال وتوضفوا .. قال صاحب القصة ذات يوم لوالدته عندما عاتبته أنه لم يهتم بأبنائه وأنها تعبت عليهم وأنه فقط إهتم لأبنائه من زوجته ..قال لها مين قالكم تأخذونهم مني ..!!




أخيراً
ما أقصده ياأختي من القصة .. أن هناك ناس مافيهم خير لأبنائهم مهما حاولتي معرفة السبب .. في النهاية تجدي أنه هو السبب ولا غير ذلك


والله أعلم

كل القرابه تنصحه وتفهمه ولدي بنفسه عاتبه بس ابداااا هالقلب جماد وحجر
شاكره لك مرورك ي عسل ربي يسعدك ويسخرلك خلقه..

اهلا فيك اخوي الرسمي
قصتك تعور القلب ي شين الظلم واذا من اقرب الناس لك جرحه بيكون اقوى
الحمدلله ربي ربي عوض ع العيال وكبروا ومشيوا بهالحياه برغم ظلم ابوهم له
وهو بيلاقي جزاته عند رب العباد...
فعلا ادور سبب بس مافي ...
لاحول ولاقوة الا بالله وحسبي الله ونعم الوكيل..



شاكره مرورك اخوي الرسمي ورزقك سعاده لاتنتهي...

__________________
(سيدة الموقف)
لم ننساك ونسأل الله ان تكوني أنتي وأولادك بخير

بالاضافه
ولدي بين فتره وفتره يرسله يسأله عن حاله
ارسله معايده عن رمضان ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

ممكن يعتقد أنه أنتي قلتي لولدك يقوله دا الكلام

يعني حرضتيه عشان يسافرو سياحه

عموماً انتبهي لنفسية أولادك طلعي لهم أي عذر قولي أبوك مشغول أبوك يحبك لا تزيديهم وتخسريهم

لاتقولي هم يحسو ويشوفو صحيح لكن يجي دورك تقنعيهم أنه والدهم مايقصد عشان تقوي ثقتهم بأنفسهم

أنتي الآن الأب والأم لا يحسو بالنقص وهم صغار وبإمكانك إقناعهم

بكره لما يكبرو بيقولو أمي كانت تخبي علينا خوفاً ع مشاعرنا ورح يشوفوك أم عظيمه
بعكس لو تركتيهم يعانو بدون ماتقويهم وتغرسي محبة والدهم لهم رح يتأثروا نفسياً

حبيبتي ام نونة الله يفرج همك ويسر امرك لكل خير
بالنسبة لابو اولادك اكيد السبب مش انفصالك
والدليل انو كانوا الاولاد عم يعانوا من التفرقة وانت معو
فكرمال هيك المشكلة فيه هو فقط
والاولاد يا روحي عليهن ربي يعوضهن كل خير هيدي اكبر جريمة بحق الطفولة وقت يكون الاب موجود قدام الاولاد وبنفس الوقت مش موجود
فدايما حطي اعذار للاطفال كرمال ما يحسوا حالهن مش محبوبين من اقرب الناس الهن وهالشي بيدمرهن
وبس يكبروا ان بقي هيك لوحدهن بيفهموا
بموضوعك مش عارفة بشو انصحك
بس تابعي نفسية الاولاد بادق التفاصيل من دون ما يحسوا
ممكن اشياء صغيرة ما ننتبهلها وتكون هيي تعبير عن الحالة اللي بيمروا فيها
اشبعيهن حنان ودايما احكيهن ئديش انك فخورة فيهن
وكلام ابنك ربي يحميه كلام بيوجع فإدعي لابوهن الله يسخره لاولاده
والله يعوضهن بايام اجمل واحلى
دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ما اعرف مواضيعك السابقة..
برايي.. اذا فترة انفصالكم قصيرة، فهو ربما ينتقم منك لانه لم يتقبل الموضوع بعد..او انه يحاول انك تندمي على فراقه وتفكري بالرجعة..

انا اذا كانت فترة الانفصال طويلة، ومثل ما ذكرتي انفصلتو واولادك كبار يعني متعدد عليهم.. اشوف مافي سبب ثاني الا انه فعلا شالهم من قلبه.. وماعاد يهموه.. فيه رجال كتير هيك قلبهم ميت على اولادهم مع انه ولده من زوجته الجديدة مهمتم فيه..

ومسألة الجوازات هي فقط للانتقام منكي انتي ولانه ماله قلب للاسف مابيفكر بنفسيت العيال اهم شي الانتقام منك..