السلام عليكم ورحمة الله وبركاته

أخواني في بادئ الأمر أشكركم جميعاً على مشاركاتكم وتفاعلكم في هذا المنتدى القيم

أنا لدي مشكلة وترددت كثيراً قبل كتابتها ولكني مضطر لكتابتها لأجد الحل المناسب او التصرف الصحيح قبل الوقوع بالظلم وبما هو محرم

أنا متزوج منذ 3 اشهر تقريباً وانا أكبر اخواني
وساكن انا في نفس عمارة أهلي ولكن بدور ومدخل منفصلين تماماً
ومشكلتي هي للأسف مع أمي
أمي شخصيتها عصبية جداً جداً وكل شيء لازم يمشي بخطتها وبرسمها واذا اختلفنت قليل عنها تعصب وتزعل وتخانق ممكن اخذت هذه الشخصية من عملها كمعلمة في مدرسة معقدة جداً جداً ودائماً جالسة على اعصابها

دائماً تريد من زوجتي انها تنزل عندها دائماً وتشتغل بالبيت وتساعد وتبتسم وووو
وزوجتي تفعل ذلك وامام عيني وأنبه زوجتي دائما اذا رحتي عند اهلي ساعديها واشعريها كأنك ابنتها
وهي تفعل هذا ولكن مافي أحد كامل الا ما زوجتي تنسى تنظف احياناً تكون تعبانة ماتقدر تبتسم زي ماهو مرسومه لها الابتسامة

مثلاً قبل فترة سافرت مع العمل الى مدينة بعيدة عن أهلي انا وزوجتي بعد اقل من اسبوع اتصلت علي امي وتخانق وزعلانة وان زوجتي طلعت من قلبها وانها وانها وانها وتتذكر كل غلطة بسيطة قامت بها لأنها ما اتصلت على امي في ذلك الأسبوع مع العلم بأن زوجتي ومن نفسها كانت تصور وترسل لأمي الصور على الواتس ات

ومثلاً قبل فترة جا يوم زواجنا فقلت لأمي انا اليوم طالع انا وزوجتي نتمشى شوي بسبب هالمناسبة قامت الدنيا علي ليه تطلعوا وانت وانت وزوجتك ونزلت كلام وتجريح واخذت مفتاح الباب الفاصل بيننا وقالت ما ابيك تدخل عندي زي ابني ادخل عندي زي الغريب من الشارع !! وانا من شدة صدمتي هذاك اليوم جلست ابكي من الحرقة على كلامها اللي مثل السم والله .. ثاني يوم قلت مايخالف وتنازلت واشتريت لأمي باقة ورد وكتبت لها رسالة اني احبها وانتي اول حب لي ووو من الكلام وحطيته في بيتها جنب باب غرفتها لجل وقت ماتصحى تشوفها قالت لي خذ وردك معك ما أبغاه أنت ووردك المنحوس وقالت لي انا غضبت عليك !!!؟؟؟

اخر شي صار علي أمس
زوجتي الحمدلله توها حملت وبطنها يألمها وحالتها حالة حتى أكل يادووب تاكل
جا أمس ضيفة عند أمي فأقنعت زوجتي انها تقاوم تعبها وتنزل عند أمي وتساعدها وتجلس معها
وفعلاً نزلت وجلست معهم وساعدت وبوضع الضيافة ولما روحوا الضيوف قامت بتساعد امي في التنظيف فأمي من عادتها تقول لها لا مايحتاج سيبي لا تشتغلي من باب الخجل يعني وزوجتي مافهمت ان قصدها امي خجل فجلست ولما طلعنا بيتنا نسيت زوجتي تشيل اخر فناجين الضيافة من الصالة اتصلت علي امي بعدها بنص ساعه وتكلمت وتكلمت وجلست تبيكي انا ما ابيكم لا انت ولازوجتك ونفس كلامها الجارح ... رغم انه شرعاً زوجتي ماهو مطلوب منها تشتغل ولاشي في بيت زوجها حتى مو بس حماها

ايش الحل طيب
انا يادوب لي 3 اشهر متزوج عشت في مشاكل مع امي اكثر من فرحها .. جالسة امي تفتح عيوني على عيوب زوجتي وانها ليه ماشرت لي هدية من مهرها وليه ومااشترت الفساتين الفلانية لدرجة اني صرت أحياناً ادخل البيت وانا حاقد على زوجتي بسبب تأثير كلام أمي

أنا مومقصر مع امي بالزيارات وبالكلام بحاول اشاركها واتكلم معها دائماً وهي سريعه الغضب والنرفزة تخانق على الجميع على ابوي واخواني بشكل ملفت ومتعب جداً
صرت عايش يومي بخوف وقلق منها اخاف اروح من دوامي متعب وانام اتأخر بالنوم وتزعل لي تأخرت عليها ومازرتها .. انا اعرف انه موضوع الغيرة طبيعي ولكن هذا ماهوبزيادة
وغيرها في أموور كثيرة

مستجدات
الرد 26
http://www.66n.com/forums/showpost.p...3&postcount=26

دايما اصحابي يقولون خلك بعيد عن اهلك تعيش سعيد.. بعيد يعني بمدينة ثانية !!! ههههههههههه

وعليكم السلام ورحمة الله وبركاته,,,
1/ تعليق على بأن الوالدة الله يحفظها تفتح عينيك على عيوب زوجتك!
لا أرى شيء يصدر منها خاطئ.. الله يعطيها العافية..
2/لابد من الآن أن تخفف عليها ضغط العمل لأنها حامل..
3/ ربما تصرفاتها لأنك المقرب منها، ظنت بعض الاعتقادات الخاطئة التي سمعتها من الآخرين مع إنها هي معلمة.
4/ اعملا أنت وزوجتك لها مفأجاة صغيرة كل فترة وفترة تسعدها.
5/اجلس مع الوالدة في يوم دون زوجتك مصارحتها بهدوؤ وأشعرها بالحب والتقدير وابتعد عن معاتبتها لتفهم الدوافع التي جعلتها هكذا ولكي تكسب زوجتك محبة الوالدة.
وفقك الله لكل خير.

برأيي

تاخد شقة منفصلة عن اهلك .. و تخلي زوجتك تزور اهلك مرة في الأسبوع او الاسبوعين و خلاص
و مصيرها أمك تقبل بتغيرك و تتعود و راح تزعل فترة و ترضى مصيرها

انت مجبر على طاعة أمك
لكن مو تظلموا زوجتك عشان ترضي أمك

لاتعلم امك عن اي شي يخص حياتك الزوجيه
ترا البر انك تبرها بالاشياء الي تخصها
مو تعطيها برنت عن حياتك وتبيها تفرح
لان اغلب الامهات اذا مو كلهن يغارون من زوجة ابنائهن
وبماان امك مدرسه يعني تقدر توفر لها شغاله وزوجتك خلها توفر طاقتها لبيتها وتزورها مره بالاسبوع بس كافي
وانت فهم امك بادب ان زوجتك ماهي ملزومه بالخدمه واذا تبين اقدم لك خادمه
اكيد بتزعل امك كبدايه لكن تحمل فتره وتتعود اهم شي انك ماغلطت عليها

عتم على حياتك مع زوجتك بشكل عام ومع كل الناس

ولا تقول جبت لها وسويت وشلت وحطيت..

ماله داعي اللت والعجن وكثر الحكي.. لان ماله فايدة

وزيارة زوجتك تصير محددة بالاسبوع او الشهر حتى..

ولا تضغط عليها تتحمل الاذى يكفي انها متجملة وساكتة ومقدرتك..

اذا صاحبك عسل لا تلحسه كله

للاسف اخوي والله زوجي كان عايش هذي المعاناه بداية زواجي وتعبت تعبت كثير كثير معاهم كثير ...

حتى النوم لما تصحينا بصوت مرتفع يفز زي الطفل مفجوع كانك تحكي عن زوجي ...

وبصراحه مرت سنوات واحنا كذا لدرجه اني كنت اسمع زوجي يبكي والله بصوت مرتفع امامها ويقول تعبتيني مافي شي يرضيك تعتقد انها حنت عليه بالعكس زعلت ليش رجال ويبكي ع ايش ع شي غلط بالنسبه لها

الي استغربته انه امك معلمه ام زوجي مااخذت الا شهادة ابتدائي؟؟


زوجي كان يطبطب علي ويوعدني انه ان شاء الله نستقل ويأملني كثير وانا الحمدلله كنت صابره عليها واذا بنفجر انفجر في زوجي

انا بعد تقريبا اربع سنوات بديت اتغير ع ام زوجي الطيبه الزايده والاهتمام فيها قللته وهو يشتغل لها وينظف لانه معاي طفلين وع فكره المشاكل زادت مع الاطفال ليه نايمين في هذا الوقت ليه ماسويتي لهم كذا ليه ماتصحينهم الفجر اسلم عليهم ...؟؟'


بعد مرور 9 سنوات استقلينا بالنسبه لي ارتحت اما زوجي لازال يعاني لكنه خلال السنوات الي راحت كان يتحدث معاها باستمرار ويكلمها بالعقل ويمدح فيها قبل مايبدأ معاها

حاليا اذا دخل شافها مره ناويه تهاوش ودعها وخرج لانه للاسف يستخدم حبوب القلق وقاله الطبيب ابتعد عن اي شي يقلقك ....

الله يفرج همك اخوي ذكرتني ببداية زواجنا ولا تنسى تدعي في سجودك انه ربي يسخرها لكم مهما كانت فهي أم تحن وتحزن وتتألم لكنها ربما تكابر لخوفها انه ابنها ينساها

لاتعليق
مريت بنفس الوضع مع طليقي
ولأن ابنها يراعيها وانا من قلقه منها كان يبي كلامها يمشي
ماتحملت الوضع وطلبت الطلاق
ارررتحت منهم ومن همهم لأنه معاها وكلاهما جدآ جدددا يأثر فيه
مثلك أحيان يدخل حاقد علي لدرجة نتزاعل بالآخر أكتشف أنها تكلمت عني بكذب عنده
وصدقها! !!
الله يصبرك ويصبر زوجتك المسكينه
نصيحه. .
لاتقصر على زوجتك وأي مشكله من أمك تصير حسس زوجتك انك معاها
بدون علم امك
مو توقف مع أمك وتزيد قهر زوجتك هي مالها ذنب. .
الله يهدي أمك الله يهديها
استغفر الله بس

عمتي مرره متعلقة في ولدها
الى درجة ان بنتها قالت اخوي بيمشي في حياته ان سلم من غيرته امي
و تزوج بعد 3 شهور راحت زوجته لاهلها
ورجعوا اللحين والله يستر

انا ام زوجي ساكنة معايه بنفس البيت
يمكن ماتكون بنفس درجة غيرة والدتك
لكن الا ماتغار ام الزوج من مرة ولدها
حياتي كلها مداراة .. ولف ودوران عشان الحياة تمشي

مثلا لمن اروح السوق واجيب اغراض كثير ما اطلع الاكياس قدامها .. اقول لزوجي خليها في السيارة لمن تنام اجيبها كله عشان مااحرك غيرتها

دايما احذر زوجي مايدلعني قدامها ..


بين فترة وفترة اقول لزوجي .. روح تمشى انت وامك لحالكم عشان ماتحس اني اخذته منها
وترجع مررة مبسوطة .. سوي هذي الحركة مع امك وروح تمشى معاها لحالكم

امس زوجي يقول لي امشي نمشي في الشارع حول البيت .. كنا طفشانين مرة
بس رفضت عشان ماتزعل
وقضيناها اكل << وسيلة الترفيه الوحيدة ههههه

اللي يضحك في الموضوع ... انها لمن تزعل من ولدها ترجع علي انا وترمي علي كلام
بس مستحيل ازعلها او ارد عليها

الحمدلله محرومة من اشياء كثير
بس مريحة راسي من المشاكل

بس برضو هي طيبة عشان ما اظلمها
بس الحياة مع ام الزوج يبغالها صبررر وحكمة

والله يعيني انا وزوجتك
اختي الصغيرة تقول بتتزوج واحد مقطوع من شجرة هههه

اسفة ع الاطالة
بس يمكن تستفيد من تجربتي