(اتمنى الرجوع لزوجي بعد فراقنا )
السلام عليكم ورحمة الله وبركاته
صبحكم الله بالخير اخواتي واخواني

ما ادري من وين ابدا ..ولا كيف ارتب الكلام
بس اسمحولي ابي افضفض شوي عن مافي قلبي

من سنييييين طويله ...حزنت...بكيييت ....مرضت
لكن مانسيته لحظه
افترقنا ولازال قلبي ينبض بحبه
اطير من الفرحه لما اسمع احد يطري اسمه او اسمع صوته لما يكلم امي
مازلت احتفظ بعطره > بورقه كتب لي عليها عبارة حب

محفوره في ذاكرتي كل الذكريات واخر لحظاتي معاه
قال تطمني بنرجع لبيتنا .. وماندري انها اللحظه الاخيره بيننا للابد

ومن اول مادخلت بيت اهلي بدات الحرب والحصار خلاص ممنوع تشوفينه او تكلمينه
حتى لو من ورى الباب >> مع انه زوجي ولا زلت على ذمته...لكن حرموا ما احل الله وظلموا انفسهم وظلمونا
حتى الي معاه الشهادات قلت بيفهمني ويساعدني لكن القلوب والعقول حجررر

حاولت ارسل له رساله ونجحت و وصلته
وحاول يرسل لي رساله وبرضوا وصلتني
>طبعا رسائل الطيبين ماكان في جوال هذاك الوقت
لحد الان ابتسم حزن وفرح كلما تذكرت طريقتنا بارسال الرسائل رغم الحصار علي والتفتيش المحكم لكن وصلت
مع اننا كنا لسا هذاك الوقت زوجين لكن كان بيننا جدار برلين !!


انتهى كل شي ....بطريقة ابوي


راح الغالي ولا قدرت انساه ... ولا اتخيل نفسي اعيش مع غيره


افرح بجيته عندنا للبيت >> وسبحان الله دائما احس بجيته قبلها بيوم او يومين وفعلا يجي !!
اسال الله ان يحفظه من كل مكروه ...
وعلى فكره ابوي هدأ وندم على اللي سواه لكن بعد فوات الاوان

الحمدلله عايشه حياتي وراضيه باللي ربي كاتبه لي

لكن رغم الفراق وكل المشاكل اللي صارت لنا
الأمل بقلبي سواء بالحياة الدنيا أو جنة رب العالمين >>>عندي شعور بنلتقي<<<

(تم التعديل ليتناسب مع المضمون)

اختي وش سبب الفراق

الله يسعدك يامشرفتنا
يعني امداك ترحبي فيني وتغيرين عنوان الموضوع !!!!

اختي مبتعثه متفائله اهلا وسهلا
لو اقول بالتفصيل وش الي صار كثيرين يدخلون المنتدى بيعرفوني

لكن الأهل اذا تدخلوا بين زوجين يجيبون الحروب موب اعياد

من متى مطلقه اختي
المشكله صعب نعطي حلول وحنا مانعرف التفاصيل
ماتقددرين ترسلين له شخص الان

الله يرده لك ردا جميلا اذا كان في عودتكم خير لكم

واضح انه يقربك ما دام يزوركم

__________________

(انما يوفي الصابرون اجرهم بغير حساب )

الله يسعدك يامبتعثه
مطلقه من اكثر من 15 سنه
ولا اقدر ارسل له احد >>>> بصراحه مافي احد ثقه ابدا

هلابك ميس
نعم يقرب لنا الله يسعده يارب

ماتزوج لاهو ولا انتي

هو تزوج > لكن انا لأ