السلام عليكم..

امس صار موقف بيني وبين زوجي
طلعنا نغير جو شوي انا وهو وبنوتتي الساعه 2 الفجر
تمشينا وكل شي..
والساعه 3 ونص رجعنا البيت. قلت له. نسيت اجيب حليب
لبنتي لان حليبها مخلص..
قال لي مستحيل اروح واجيب لها.. مع ان الصيدليه تحت بيتنا بالضبط..
قالت له اذا مابتزل انت انا ابروح. قال بكيفك روحي
حسيت كأن مو هامته انا الساعه تقريباً 4 الفجر
يقول لي كذا بكل بساطه روحي
انا عناد فيه لبست عباتي مره ثانيه وقلت له انتبه للبنت
انا نازله. قال روحي بس..
حسيت انه تضايق من حركتي بس تمنيته يقول لي
لا تنزلين الحين خايف عليك. ماقال كذا وانا مالوم نفسي اني عاندته لانه قهرني تصرفه
المهم لما فتحت باب البيت سويت نفسي اني طلعت
بس الباب ماسكرته. رجعت على طول
وتخبيت في وحده من الغرف. ابشوف يحس إني تأخرت
ولا لا.. مرت ربع ساعه بعدين سمعته راح صوب الباب
نزل وماشاف احد بعدين دخل الغرفه اللي انا فيها وشافني
قال انتي مو صاحيه مجنونه كأني اتعامل مع طفله
صراحه قلت له انت ماعندك احساس. وراددته بالكلام وانرفع صوتي شوي.. شوووي مو كثير

بعدين بعد ماهدينا شوي قلت له آسفه. قال اوكي بس خليني انام.. مدري حسيت اعتذاري مو في محله

مادري شنو ابي منكم بالضبط والله
بس حبيت اقول لكم اللي صار معاي لاني منصدمه من موقفه.. وطبعاً خرب كل ابو اليوم

باااي

بإختصار.. ومن غير هو قال وهو فعل ولو ماقال ولو مافعل

غلطانة

كان ممكن بأي طريقة أفضل من كذا تتعاملي معاه ..

- هو تضايق لإنك ما فكرتيه و انتوا برة البيت إنه الحليب - خلص - ..
- و ما حب إنه يكبرها و يتخاصم معاك ..

.
.

قوليله ، حرام لو البنت صحيت في الليل تبكي ؟
إيش اسوي لها ؟

قوليله ، شكلك تعبت مرة ..
بس كلها خطوتين تحت .. انزل و تعال و اسوي لك مساج

و بعد ما يجيب الحليب ( اسحبي عليه و نامي ) ههههه

غلطانة ومتسرعة.



حسب علمي أنكِ والدة من فترة بسيطة .. هل لديكِ مشكلة في الرضاعة الطبيعية؟

__________________


اللهم طِيبَ الأثر .. وحُسْنَ الرحيل.

والله انتي الغلطانة

غلطته وغلطتك .. ولكن انتي تتحملي الخطأ الاكبر

في القديم كانت جداتنا يؤمن
ان الزوجة التي تعاند زوجها كأنها تنطح جبل ..

و قد قال احدهم :
يا ناطح الجبل العالي ليثلمه اشفق على الرأس لا تشفق على الجبل .

اختي
اسجدي لله شكرا
فقد عدى هذا الموقف على خير
و الحمد لله انه لم يتطور الى ما لا تحمد عقباه .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

ماشاء الله زوجك حليم .. لو غيره كان السيناريو اختلف تماما.. !

أؤمن إنه الحياة بصفة عامة ( أسلوب ) ..

ارجعي واعتذري لو حبيبتي
زوجك طيب ماشاءالله لا تخسريه بعاندك

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

جزاكم الله خير جميعاً