السلام عليكم

اتمنى الرجوع لمواضيعي القديمه لمعرفة مشكلتي مع زوجي بشكل دقيق ومفصل اكثر لانها طويله

الحمدلله على كل حال
انا وزوجي مب عايشين حياة زوجية طبيعيه

انتو تعرفون انه كان يحب وحده قبل لا يتزوجني
وعلى حسب كلامه انه اهله اجبروه علي
لكن الغريب في الموضوع انه ايام الملجه كان مثل روميو في العشق والاهتمام وانا اعرف اميز بين الشخص المحب والمتصنع
لكن متأكده من نظراته ومعاملته انه كل شي كان نابع من قلبه
ولكن فجأه بدأ يتغيير وأيام ينقلب حاله واحسه يكرهني وينفر مني واحيانا يكون مشتاق ومحب

طبعاً تعرفون بعد الزواج تميت عذراء لمدة 8 شهور مع انه كان يحاول لكن يفشل وذلك بسبب حبيبته وقهره عليها انه ما اخذها ( و انا ماكنت اعرف بكل هذا كنت اظن انه يعاني من مشكله طبيه او مسوين له عمل ) ولا اعترف لي الا عقب ال8 شهور هذه وبعد ماعرفت عنها وصارت بيننا مشكله وطلبت الطلاق رفض رفض قطعي انه يطلقني واعترف لي بعظمة لسانه انه يحبني ويبغاني مثل مايحبها ويبغيها
لكني رفضت وخيرته بيني وبينها ، وللعلم اهله كانو معاي
بعدها بفتره يا عندي نادم وحزين وخبرني انه بيختارني انا و اهله وهي بيتركها خلاص
وبعد ما انتهت السالفه الحمدلله صار الجماع بشكل طبيعي وحملت بعدها ولله الحمد والحين عندي بنتي الله يحفظها عمرها سنتين

خلال هذه السنتين من حملت في بنتي الى الان و زوجي حاله متقلب جداً
احياناً يكون زين واحيانا يحس باتجاهي بالنفور وعدم الرغبة في لمسي والتقرب الي
وحتى ماتتهموني رب العالمين شاهد بإني انسانه على خلق ودين و جمال واهتم في نفسي وبيتي واحاول اتقرب له واهتم فيه لكنه يصد وكأنه في قلبه وعقله غشاوه اتجاهي وانا متأكده انه حبيبته هي السبب

الحمدلله على كل حال، انا انظلمت كثيراً في هذا الزواج
من الناحية المادية هو كريم مايقصر اي شي اطلبه يوفره لي ومن ناحية الطلعات نادره وسريعه لكن يحاول انه يطلعني
لكن من ناحية التواصل الجسدي وهو اعظم حق لي فأنا محرومه منه
يهجرني لايام طويله ونادر جداً يجامعني حتى قبله وحضن ولمسات نادرة جداً والله قلبي يتقطع واحتاج لهذه الامور
احاول ما اصير نكديه ولا اعاتبه ولا ازعل واحاول اطنش وما اهتم اشوفه يمكن يشتاق لكن مافي فايده

من بعد ما يبت بنتي وكان عمرها سنه ، زوجي غاب عن المنزل تقريباً سنه بسبب عمله وكنت عند اهلي وكان مرات على نهاية الاسبوع يزورنا ومرات لاء واحيانا نطلع
لكني احس هذه الفتره زادت النفور والجفا في قلبه اتجاهي
وكنت اعرف انه خلص شغله و انتظره يرجعني للبيت ودايما اتصل فيه لكنه يأجل ويتهرب
وانا صبرت سنه من البعد والجفا واحتسب الاجر عند رب العالمين

لكنه فاجئني بعد سنه بأنه يقول لين متى انا اعاني وانتي تعانين خلاص كل واحد فينا في طريقه وينتهي كل شي بيننا
انا وقتها جداً جداً انهرت وصحت ونفسيتي تعبت وترجيته مايطلقني لانه بينا بنت وانا ابغيه وراضيه يتزوج علي وياخذها
لكن يقول انه مايقدر يعدل وناوي الاخ يطلقني عشان يتزوجها ولا قدر يحبني والخ من الكلام الجارح وانه مقصر معاي ولا يقدر يصير معي رجل طبيعي ولا يقدر يظلمني اكثر والف واحد يتمناني وانتي شيخه بنت شيوخ والخ من هذا الكلام اللي مامنه فايده

وانا كنت اسمع المكالمه وابكي ابكي مصدومه جدا لانه ماتوقعت هذا الانسان ممكن يطلقني
لانه صحيح هو مقصر معاي عاطفياً وجسدياً لكنه طيب القلب ويخاف الله

المهم مرت هذه الفتره وانا كنت بحال مايعلم فيه الا الله
ولاني احب اكتم مشاكلي الزوجيه ماخبرت اهلي عن سالفته مع حبيبته القديمه الا عقب هذه المشكله
لانه قرر الطلاق ف فاتحتهم بالموضوع وجداً انصدموا
منهم من نصحني بالطلاق ومنهم من نصحني بالصبر والصلح قبل كل شي

وسبحان الله خلال هذه الفتره لما كان ناوي يطلقني اصلاً تزوجت حبيبته بس هو ماكان عنده علم لكني اتابع اخبارها على احد وسائل التواصل الاجتماعي
وارسلت له رساله في الواتساب اخبره بأنها تزوجت على أمل انه يغير رايه لانه هي اساس المشكله ، لكنه ماعلق وعشت في حيره اكبر يعني اذا هي تزوجت ليش ناوي يطلقني
وخلاص وقتها قررت اوقف التواصل معاه ولا اذل نفسي اكثر

وكانت خلال هذه الفتره يتم التواصل مابين اهلي واهله ،، اما انا وهو فلم يوجد اي تواصل مابينا
لكن بعد اسبوعين وكنت طوال الوقت ادعي واطلب من الله ان يقدم اللي فيه الخير .. و وصل لي الحال اني انهرت تماماً ف بادرت بإرسال رساله له على الواتساب رساله طويله حزينه اطلب منه فيها ان لا يهدم عائلتنا بيده وانه ليس من الاساس انه الاسر تبنى على الحب و غيره من الكلام
والله اني ارسلت هذه الرساله وتوقعت انه حالها حال مثل اي رساله بيطنشها

لكن بعد مرور نص ساعه اتصل فيني ومارديت علي لانه كان الوقت متأخر وبغيت انام

واتصل فيني مره ثانيه الفجر مارديت

واتصل بعدها الظهر رديت
وسلم علي وسأل عني وطلب مني المسامحه وانه يبغي يرجعني و انه بيحاول كل اللي يقدر عليه عشان يعوضني عن الايام اللي طافت
وانا سامحته و وافقت على الرجوع بدون ما احاسبه واناقشه نهائياً وكلمته بنفس طيبه

ولما رجعنا لبعض مره ثانيه
سبحان الله رجع نفس ايام الملجه نفس اول ماعرفته
كان يتصل وايد ويسأل عني وعن بنته
وكان يعطيني حقي الشرعي بشكل طبيعي ومايهجرني المهم ايام رجوعنا لبعض الحمدلله كانت جميله قلت الحمدلله من بعد سنين الجفا والحرمان رجع لي نفس قبل

والحمدلله على كل حال .. بعد مرور شهرين فقط
حسيته شوي شوي بدأ يرجع يتغير من اول ويديد
صار مايسأل و التواصل العاطفي والجسدي وغيره شبه انقطع وانعدم صار يهجرني ونادر يجامعني حتى اني كنت الح عليه بموضوع الحمل عشان اييب ياهل تتسلى معاه بنتي لكنه يطنش وخلال ايام التبويض مايكون عندي

واشوفه بقيام الليل يدعي بحرقه ومرات بصوت عالي وانكسر قلبي وعرفت حينها انه يدعو الله انه يجمعه مع حبيبته
لا تسألوني كيف عرفتي متأكده من هالشي 100٪‏ لانه اشوفه يحط صور على برامج التواصل الاجتماعي تخص المنطقه التي تسكن بها حبيبته السابقه ويكتب ادعية للفرج ولم الشمل والشوق والخ

وقتها ماتحملت وانهرت
وطرشت رساله لحبيبته السابقه اقولها اني تعبت مع زوجي وحاولت اكسبه بكل الوسائل لكن مافي فايده عشان جي انا قررت اني اخطبج له اذا بتوافقين وكل هذا بسويه عشان زوجي لاني ابغي اشوفه مرتاح نفسياً وراحته النفسيه وسعادته راح تنعكس علي بشكل ايجابي ( للعلم انا طرشت لها الرساله وعند علم انها متزوجه لكن ليطمئن قلبي واتأكد 100٪‏ من لسانها انها متزوجه والسبب الثاني اني شكيت من تصرفات زوجي لا زال ميت عليها ويبغيها ويعرف انها متزوجه ف شكيت انها تطلقت )
بعدها ردت علي حبيبته السابقه وخبرتني انها تزوجت من زمان وحامل وقالت انها مالها علاقه في زوجي وطلبت اني ما ادخلها في حياتنا

بعدها بأسبوع قررت اني اوريه رسالة حبيبته لي ( انها متزوجه وحامل ) عشان يصحى ويعيش الامر الواقع اذا مو مصدق انها متزوجه اذا قرى الرساله ممكن يستوعب

بس فكرت كيف ممكن اوريه الرساله
فتصرفت تصرف هو اللي خلى زوجي يتغير اكثر للأسواء مما كان عليه وللعلم كانت نيتي طيبه

اخبرته برساله بالواتساب اني بخطب له البنت اللي يحبها عشان يرتاح واني ما احب اشوفه مهموم
لكن وقتها قال لاء اصبري لا تطرشين
واتصل فيني كم مره ورى بعض ومارديت
كنت خايفه ليش جي انفعل و انا اصلاً خلاص مطرشة لها الرساله من اسبوع يعني فات الاوان

قلت له اني طرشت لها خلاص وسكت ولا اتصل بعدها .. وثاني يوم طرشت له صورة ردها ( انها متزوجه وحامل ) وغطيت التاريخ عشان مايعرف اني تواصلت وياها من اسبوع ..

بعدها انقلب علي اكثر واكثر
صار جاف جداً بالتعامل ومايحط حتى عينه بعيني وتعبت من تعامله الجاف
ماكنت اعرف انه اللي سويته هو السبب لكني كنت شاكه انه هالتصرف زعله
وكنت اسأله شو فيك انا سويت شي ضايقك
دايماً كان ينفي ويقول مافي شي

وبعد اسبوعين تقريباً خلاص ماقمت اتحمل جفاه وصده عني اكثر انفجرت وصحت وكلمته ليش جي يعاملني وانه وعدني لما رجعنا لبعض انه يتغير للاحسن

وقتها صدمني للمره الثانيه وكانت صفعه قويه جداً
قال اذا تبين اطلبي الخلع .. لكن طلاق ماراح اطلق لانه متطلباته تكسر الظهر
قلبي انكسر وقتها يعني انا هنت عليه وبكل سهوله يقول هالكلام
قلت له انت منافق عندك انفصام شخصيه لما رجعت لي قبل شهرين كنت انسان ثاني و وعدتني بتصير معاي زين و وعدتني بتعطيني حقوقي كامله
حتى حقي في الانجاب وعدتني انه بيصير حمل لكن الحين اترجاك فيه وانت مب مهتم
قال انا ما ابغي اييب منج عيال اكثر
والله العظيم انهرت من كلامه ولين الحين مأثر فيني

بعدين قال شو الرساله اللي طرشتيها لها ( قصده شو الرساله اللي انا طرشتها لحبيبته قبل ماهي ترد علي بردها انها متزوجه وحامل )
بعدين قلت لها كل الرساله كامله
قال خليني اشوفها بعيني
( انا نهائياً ماتوقعت انه زوجي يطلب مني يشوفها ومسحتها والسبب اني مابغيته يشوف التاريخ اذا شاف المحادثه مستقبلاً ، يعني سبب حذفي لرسالتي هي التاريخ فقط ويشهد الله ماكتب اي سبه ولا تهجمت عليها ) المهم انا خبرته اني حذفتها جان يعصب ويقول كل شي بيني وبينج متعلقه في رسالتج
جان اعصب واقول له ليش يعني ، جان يقول انها تواصلت وياه وخبرته اني تهجمت عليها ، جان اعصب وادافع عن نفسي واحلف له اني ماغلطت عليها بكلمه وقلت له اذا مب مصدقه خل هي تطرش رسالتي لاني حذفتها من عندي جان يقول حتى هي حذفت الرساله ، وقلت له هي ماتستحي انسانه متزوجه تتواصل وياك جان يقول هي للعلم نفس حالتي ومجبوره على الزواج ومجبوره على زوجها .. وايد انصدمت من كلامه قلت له كيف عرفت ومنو خبرك .. قال هي خبرتني
تميت اتحسب عليها وعصب وقلت خلاص اذا انت بتعلق مصير زواجنا في هذه الرساله ف باجر روح المحكمه وخلص اجراءات الطلاق وانا اوعدك مابطلب منك اشياء تكسر ظهرك غير حقوقي وحق بنتي
بعدها سكت وقال انتي حاول ترجعين الرساله
بس انا اصريت على رايي وقلت له انا سواء قدرت ارجع الرساله المحذوفه ولا لا مابعلق مصيري وياك على هذه الرساله وابغي باجر نروح المحكمه ويخلص كل شي بينا
قال اصبري علي كم يوم وان شاء الله مابيصير الا خير

انا هني حسيت بقهر وظلم وتواصلت مع حبيبته وقلت لها انتي سويتي فتنه بيني وبين زوجي وخبرتيه اني تهجمت عليج و و الخ

بعدها ردت علي وقالت حسبي الله ونعم الوكيل و ريلج فيه هلوسه وانا ماسويت شي ولا كلمته وخل يخليني بحالي انا متزوجه ولا لي علاقه فيه ولا بكلم زوجي و و و يعني المهم خلاصة رسالتها انها مالها علاقه وانها مستقره مع زوجها

بعدها صورت رسالتها و طرشتها لريلي
وماعلق في ولا كلمه
بس انا كنت معصبه وقلت ماعرف اصدق منو فيكم انت تقول كلام وهي تقول كلام

ثاني يوم الصبح زوجي يا عندي و باس راسي ( للعلم هو نادر جدا يحبني او يقرب صوبي ) وبس طلع وماقال ولا كلمه
بس انا حسيت وقتها انه ندمان وانصدم من كلام حبيبته .. بس يارب لعل وعسى يكون استوعب انها ماتبغيه خلاص ومستقره مع زوجها

وانا حللت انه زوجي من كثر ما يحبها قام يهلوس ويتخيل انها مجبوره عليه وماتحب زوجها
لانها انكرت هذا الكلام


المهم من بعد هذا الموقف مافتحت وياه نفس الموضوع نهائيا لانه مرت علينا حالة عزاء وغيره

لكني لا ازال تعبانه نفسياً اخواني واخواتي
الحين بكمل شهرين و زوجي هاجرني تماماً ولا يجامعني واللمسات مقطوعه بينا
وصار فيني خوف انه بيحرمني من الامومه وانجاب المزيد من الاطفال

وهو في حالة صمت
الصراحه تعبت من كثر ما كلمته وحاسبته
وحتى طرشت له رساله بالواتساب عن حقوقي والظلم وهالامور ولا علق

بس عادي يوفر لي متطلباتي ويعطيني فلوس وما اشوفه في اليوم الا دقايق

لازال يعاملني بجفا وكأنه كارهني ويريد الفراق

ولما كلمته سألته هي فيني شي مضايقه وحاب اني اغيره قال لاء وانتي مافيج شي

قلت له عيل شو السالفه
مايصير تخليني مثل المعلقه وتميت اصيح جدامه
قال ماعندي شي اقوله حالياً
وماراح تكونين معلقه وكل شي بينتهي بس بوقته مب الحين

تميت الح عليه يتكلم ويشرح لي يعني يبغي يطلقني
سكت وماعلق
وقال مره ثانيه بينتهي هذا الموضوع بوقته
واصريت اعرف اذا ناوي يطلق ولا لاء
ماتكلم وطلع

والله حاسه بظلم وقهر وحزن مايعلم فيه الا الله
لازم اصبر قالي لين عقب رمضان حتى ينهي الموضوع وقال بدون تدخلات احد
مافهمت عليه ولا وضح لي شي
تعبت والله العظيم

مادري كيف اتصرف
هل اخبر اهلي واهله بالموضوع
ولا اصبر لين عقب رمضان
ماراح اتحمل نفسيتي تعبت
توه من كم شهر سوى فيني نفس الشي وخلاني افكر ومهمومه مادري نتطلق ولا نرجع لبعض
والحين يت له نفس الحاله مره ثانيه

كيف اتصرف
والله ما راح اقدر امثل جدام اهلي انه مافي شي
ولا اقدر اتعبد رب العالمين برمضان بذهن صافي
هل اروح بيت اهلي ولا ابقى في بيتي
للعلم اغلب الوقت بروحي ولا يعبرني
الحمدلله على كل حال
رب آجرني في مصيبتي وخفف عني وفرج همي
لاحول ولا قوة الا بالله
اصعب شعور يوم تكون تحت قرار مجهول وتكون مهدد بالطلاق ومافي شي واضح

حسبي الله ونعم الوكيل لاحول ولا قوة الا بالله

خبروني كيف اتصرف متشتته ونفسيتي تعبانه وهذا الشي ينعكس سلباً بتعاملي ويا بنتي
هو طلب مني اصبر لين عقب رمضان لانه في امور بيحسبها في عقله بس الموضوع بينتهي

شو فهمتوا من كلامه
انا ماراح اقدر اتحمل اصبر شهر


مستجدات الرد39

http://66n.com/forums/showpost.php?p...4&postcount=39



حلت الرد 76



http://www.66n.com/forums/showpost.p...8&postcount=76

الله يهديك ويشرح صدرك وييسر امرك ويارب يارب همك عاجل غير اجل يفرج لك ويجعل لك كل خطوه سعاده ي كريم

امين اختي يزاج الله خير
واجمعين

الله يفرج همك و ييسر أمرك و يبعد عنك كل سوء و يسخر لك زوجك

أنصحك بالتقرب من الله و توكلي على الله و أستغلي هذا الشهر الفضيل بالدعاء و العبادة

و بإذن الله أمورك بتتحسن

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

اذا استمر على جفاه وكل تصرفاته ما تغيرت بعد شهر رمضان
شو راح تكون رده فعلش؟

__________________
وهل من مصير اخر ؟

فوضي امرك لله ، و تقبلي اي قدر كتبه الله لك ..
لا تعترضي و لا تخزني ، و تعلمي الثبات
و تعلمي ايضا ان تحمدي الله على الابتلاء ، فانه نعمة ،..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

محب السنة
امين يارب جزاك الله خير يا أخوي
ان شاء الله عسى الله يعيني على استغلال هذا الشهر بذهن صافي والله المستعان



كوكي .. ما اعرف انا دايماً متفائله واظن انه بيصير احسن
وكنت صابره وكنت راح اصبر هذه ردة فعلي بكل صراحه
لكن كلامه حطم كل الامان في قلبي والحين ما افكر في ردة فعلي كثر ما افكر هو شو راح يسوي بعد رمضان
بيطلق ولا قصده شي ثاني
ضايعه ومحتاره مالي غير رب العالمين

الحمدلله على كل حال
صابره ومحتسبه الاجر
واشعر بالاطمئنان كل ماتذكرت انه اموري بيد رب العالمين
لكن ما امر فيه صعب ف احيانا اضعف انهار لكن عسى الله يصبرني

كفي عن ملاحقته ليشعر بقيمتكِ

حبيبتي النبي صلى الله عليه وسلم – بشرنا بقوله: (واعلم أن النصر مع الصبر، وأن الفرج مع الكرب، وأن مع العسر يسرًا).

الصبر ترى مو شي سلبي الصبر ايجابي جدا

احتسبي صبرك عند الله سبحانه وتعالى

وبأذن الله لك الاجر

واستغلي اوقات اجابة الدعاء مع الالحااااااااح بالدعاء والاستغفار كثري منه

مع احسان النية ،،والثقه التامه ان الله راح ييسرها لك (واصبر صبر جميلا)

وراح ادعي لك واذكري هذا الدعاء
(اللهم اني عبدك،ابن عبدك ،ابن امتك،ناصيتي بيدك،ماض في حكمك ،عدل في قضائك ،،....اسألك بكل اسم هو لك سميت به نفسك،،،أو انزلته في كتابك،،،أو أستأثرت به في العلم الغيب عندك،،،،،أن تجعل القران نور قلبي ،،،وجلاء حزني،،،،وذهاب همي،،،الا اذهب الله همه وبدله فرجا،،،،، وحاولي تتصدقين بأي شي تقدرين عليه♥🌸🌷🌹