بسم الله الرحمن الرحيم
نعم لا اعتبر زوجي شريك حياتي وحبيبي انما هو فقط شريكي في تربيه اطفالنا الشي هذا ريحني بعض الشي وان كنت اكذب على نفسي مشكلتو يبغى كل شي يتكلم عن الحب ويقولي اعطيني عشان اعطيكي والله يشهد اني معطاءه ولما احسابو يتاسف ويقولي صح انا مقصر ومن هذا الكلام يتحسن يومين ويرجع زي اول صرف ما يصرف عليا وانا مو موظفه وحتى رسوم الجامعه انا ادفعها ابويا الله لا يحرمني منه معطيني مصروف اهم اولاياته اهلو كل كلامو عيب انتي تستري عليا هما لا لازم اجبلهم هدايا وانفجرت في كم مره وقلتلو اعتبرني من اهلك استغفر الله طفشت كلو من حسابي ومصروفي الحق اللي من ابويا مبلغ طيب بس المشكله ما كاني متزوجه اغراضي ومستلزامتي او حتى شي يخص البيت ترميم تصليح اثاث المفروض ادبر نفسي في
وهو الحق رجل معقول ما اقول طيب ولا بطال وطيب مع الاولاد بس انا اثرت عليا الذكريات السيئه معاه لانه ليا مواقف زي الزفت معاه تخصصو نكد وهو غيار اذا شافني مبسوطه مع اهلي يعمل موقف بايخ
طلقني يوم رجع اخويا من الغربه -نكد علينا كلنا يوم ملكه اخويا عشان وانا رايحه على بيت اهلي هديت واشتريت بخور- اكون مع اخلي في الكباين يخرجني - رحت مع بنت خالتي مشتري فستان فرحها وجوالي مفصول واتصلت عليه اقولو ابغى اخرج معها مارد تركت رساله قام نكد على العيله كلها حتى خالتي انفجعت
يوم ما اخد الماجستير فكرت اعمل نفس الحركه وانكد عليه وعلى امه وابوه والعيله كلها يجرب مره وحده اللي بيسوي فينا وفعلا واترجاني قال حرام امي وابويا وقلتلو وانا امي وابويا عادي حركاتك وطبعا مواقفو كتيره جلس ساكت طبع يالطيف
يقولي عشان حالاتي الماديه انتي مو متحمله قولتله الماده لها دور طبعا بس نفرض فعلا حالتك الماده صعبه شويه احترمني على الاقل مو معقول لا ماده ولا معامله ايش يصبرني
قبل فتره جاه مبلغ الحق اشترى للاولاد مقاضي العيد وغير هدايا عيلتو وانا ولا شي
ففكرت قلت لو اتطلقت منه برضو على هاصرف على نفسي يعني الوضع ما يفرق
على الاقل الاولاد قاعدين معززين مكرمين بين امهم وابوهم واعتبرو شريكي في تربيه الاولاد وبكده ما استنى منه شي
الموضوع متعبني عاطفيا نفسي اكون زي بقيه بنات العيله اللي سافرت شهر عسل ونقت شقتها واثاثت وزوجها يصرف عليها يسافرو يشترو يتهنو والله اني لما ابغى شي اقعد لوحدي افكر كيف ادبر نفسي نفسيتي جدا تعبانه وحاسه اني متزوجه ومو متزوجه في نفس الوقت والذكريات والمواقف السيئه كل شويه تعدي عليا لانو مالي غير الذكريات هذي
الحمدلله كل شي نصيب والله يسعد كل من رد عليا

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.

سكوتك وصرفك من مصروف ابوك هو السبب

يا اختي الله يعطيك العافيه لا بد يصرف عليك ..
النفقة واجبه عليه والواضح انه مقتدر ..
والحمدالله انه يصرف على العيال لكن لك الحق تأخذي منه كذلك ..
طبعا بدون مشاكل ..وبطريقتك تستطعين ان تجعليه ينفق عليك ..

__________________
كن ثرياً بأخلاقك , غنياً بقناعتك , كبيراً بتواضعك ..

غلطتك مو غلطته حسسيه انه مسوؤل عنك

وكانه اذا قالت اصرف علي بيصرف عليها
بعض الرجال صعبين والي براسه بيعمله
ويعتبر المراه شخص غريب عليه ماهو ملزوم فيها

بالزبط انا تعبت وجربت كل شي وكل طريقه هو يتحسن ويصرف بعد مشكله او مصيبه يعني ما زبط الشقه الا بعد الطلاق والهدايا الغاليه بعد مضاربات وكلام
والصراحه الشغله مالها طعم اذا ما تجي من نفس الشخص
هو كل همو امو واهلو
وانا اول ما اتزوجت كان عليه ديون وقفت جنبو وساعدتو
وياما جات عليا ايام كنت محتاجه الفلوس وبكيت من الحاجه ولا همو هى تجي شهور يعطيني مصروف و شهور لا مبلغ بسيط واهلو يعطيهم مصروف ما يقطعو عنهم ابدا
وانا ابويا اعطاني مصروف لما شاف حالتي الماديه السيئه

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.

ما هاكذب واقول موضوع الفلوس مو مضايقني الا مضايقني مره بس ما ابغى اخليه ياثر عليا والحمدلله رزقي جاني من ابويا
انا اللي ماثر عليا امي افتقد معاه الاستقرار النفسي والامان والتقدير
والذكريات السيئه اللي عشتها معها صحيح مافي ضرب وسب صريح بس كان في تعب نفسي رهيب
مثلا يوم ولاده بنتي قال هاولدك في مسنشفى حكومي وهو كان متسلف مني فلوس قلتلو رجعلي فلوسي اولد بيها قال ماعندي وجلس يقولي ايش فيها الحكومي انا من الفجعه اتصلت على ابويا قال ايش الكلام الفاضي ابعتلك فلوس اتاريه عندو تامين وبيمزح بالله هذا مزح وانا في الشهر ال9 لما رحت المستشفى الدكتوره تقولي غريبه الكيس انفتح عندك من النص شكلك كنت متوتره هذا مثال بسيط

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.